“Clearlake Capital”-ийн “Челси” дэх ноёрхол: 61 хувиар зогсохгүй, үлдсэн бүх хувьцааг өөрийн болгоно
Цөөнхийн хувьцаа эзэмшигч Марк Уолтер өөрийн эзэмшлээ “Clearlake Capital”-д шилжүүлэхээр болжээ. Хэлцлээр “Челси”-г 5 тэрбум фунт стерлингээр үнэлж байгаа ч өдөр тутмын үйл ажиллагаа болон стратегид өөрчлөлт орохгүй гэж мэдэгдлээ. Уолтерын хувьд уг хэлцэл бусад спортын хөрөнгө оруулалтаа өөрчлөх үйл явцтай давхцаж байна.
Английн Премьер лигийн "Челси" клубийн өмчлөлд томоохон өөрчлөлт орохоор болж, АНУ-ын хөрөнгө оруулалтын “Clearlake Capital” компани эзэмшлээ тэлэхээр болжээ.
Бейсболын "Лос-Анжелес Дожерс”-ийн эзэн Марк Уолтер клубт эзэмшиж буй цөөнхийн хувиа “Clearlake Capital”-д шилжүүлэхээр тохирсон бөгөөд дараагийн шатанд клубийн дарга Тодд Боэлигийн эзэмшлийг мөн худалдан авахаар төлөвлөжээ.
“Clearlake Capital” одоогоор “Челси”-гийн 61.5 хувийг эзэмшдэг. Боэли болон Уолтер тус бүр ойролцоогоор 12.8 хувийн эзэмшилтэй байсан бөгөөд хэлцэл дууссаны дараа Боэли клубийн удирдлагын албан тушаалаас буух аж.
Өмчлөл төвлөрч, дээд түвшний удирдлагын бүтэц өөрчлөгдөх хэдий ч өдөр тутмын үйл ажиллагаа, удирдлага болон стратегийн чиглэл өөрчлөгдөхгүй гэдгийг "Челси" онцолсон байна.
“Челси”-г 5 тэрбум фунтээр үнэлжээ
“Financial Times”-ийн мэдээлснээр “Clearlake Capital” Боэли болон Уолтерын эзэмшилд нийлээд 950 сая фунт стерлинг буюу ойролцоогоор 1.27 тэрбум ам.доллар төлөхөөр тооцжээ.
Уг үнэлгээгээр “Челси”-гийн нийт үнэлгээ 5 тэрбум фунт стерлингт хүрч байгаа нь Премьер лигийн томоохон клубуудын өмчлөлд хөрөнгө оруулагчдын сонирхол өндөр хэвээр байгааг харуулав.
Клуб хэлцлийн санхүүгийн нарийвчилсан нөхцөл болон эцсийн өмчлөлийн бүтцийн талаар нэмэлт мэдээлэл өгөөгүй байна.
Швейцарын тэрбумтан Хансйорг Висс одоогийн өмчлөгчдийн бүлэгт чухал түнш хэвээр үлдэхээр байгааг клуб мөн мэдэгдэв. Ингэснээр “Clearlake Capital”-ийн хяналт нэмэгдэх боловч өмчлөгчдийн бүлгийн бусад оролцогч бүрэн гарахгүй аж.
Спортын гүйцэтгэлд хөрөнгө оруулалтаа үргэлжлүүлнэ
“Clearlake Capital”-ийн үүсгэн байгуулагч Бехдад Эгбали, Хосе Фелисиано нар Боэлиг 2022 оноос хойш чухал түнш байсан гэж тодорхойлоод, клубийг тэргүүлэх хугацаанд оруулсан хувь нэмэрт нь талархал илэрхийлжээ.
Тэд “Clearlake Capital” 2022 оноос хойш “Челси”-гийн олонх хувьцааг эзэмшиж ирснийг онцлоод, бүрэн хяналтад шилжсэний дараа дэд бүтэц, спортын гүйцэтгэл болон тоглогч хөгжүүлэлтэд хөрөнгө оруулалтаа үргэлжлүүлнэ гэж мэдэгдсэн байна.
Уолтерын хувьд уг хэлцэл бусад спортын хөрөнгө оруулалтаа өөрчлөх үйл явцтай давхцаж байна. Тэрбээр өмнө нь “Los Angeles Lakers”-т эзэмшдэг хяналтын хувиа Жошуа Кушнер болон “Disney”-гийн гүйцэтгэх захирал асан Боб Айгерт худалдахаар тохирсон тухай мэдээлэл гарсан.
Үүний зэрэгцээ Уолтерын хяналттай “Delaware Life Insurance” болон “Clear Spring Life and Annuity”-ийн ойролцоогоор 21 тэрбум ам.долларын хөрөнгө оруулалтын мэдээлэлтэй холбоотойгоор АНУ-ын Хууль зүйн яам, Үнэт цаас, биржийн комисс асуулга, шалгалт явуулж байгаа талаар мэдээлжээ.
Уолтерын хөрөнгө оруулалтын “TWG Global” групп ямар нэгэн залилан гараагүй гэж мэдэгдээд АНУ-ын эрх бүхий байгууллагуудтай хамтран ажиллаж байгаагаа онцолсон байна.
Холбоотой мэдээ
Наймдугаар сарын сүүлчээр бэлчээрийн ургамал татарч эхэлжээ
Бэлчээрийн ургамал зургаадугаар сарын эхнээс наймдугаар сарын дунд үе хүртэл өтгөрч, ихэнх нутгаар зуншлага хэвийн үргэлжилжээ. Говь, тал хээр болон баруун аймгуудын нутгаар ургамлын гарц тааруу байв. Хадлан тэжээлийн бэлтгэлийг бүсчилсэн нөхцөлтэй уялдуулах шаардлагатайг албаныхан онцоллоо.
Ашгаа өсгөх "American Airlines"-ийн гаргалгаа: Дээд зэрэглэлийн суудлаа нэмэгдүүлж, салоноо шинэчилнэ
Агаарын тээврийн эрэлт хямдрал болон илүү тав тухтай үйлчилгээ сонгодог зорчигчдын хоёр өөр урсгалд хуваагдаж байна. “American Airlines” компанийн нийт суудлын 30 орчим хувь нь орлогынх нь тал хувийг бүрдүүлдэг тул дээд зэрэглэлийн суудлаа нэмэгдүүлэхээр төлөвлөжээ. Салоны шинэчлэл болон шинэ онгоц худалдан авах төлөвлөгөө нь компанид нэг зорчигчоос олох орлогоо нэмэгдүүлж, өртөг өсч буй үед ашигт ажиллагаагаа хамгаалах боломж олгоно.
Шүд нь цоорсон хүүхдийн тоо өнгөрсөн онд 121.4 мянгад хүрчээ
Нийт тохиолдлын 54,044 буюу 44.5 хувь нь 0–4 насныхан эзэлж байна. 2021-2025 оны хооронд хүүхдүүдийн дунд шүдний өвчлөл 3.5 дахин өсчээ. Шүд нь хорхойтсон 10-14 насны 20,000 орчим хүүхэд бүртгэгджээ.
Өвлийн бэлтгэл эрчимжив: Улаанбаатар 460 мянган тонн түлшээр дулаанаа хангана
Улаанбаатар хот 2026-2027 оны өвөлжилтийн бэлтгэл хүрээнд 573 төсөл, хөтөлбөр хэрэгжүүлж байгаа бөгөөд ажлын гүйцэтгэл 83 хувьд хүрчээ. Агаарын чанарыг сайжруулах зорилгоор энэ өвөл 280 мянган тонн хагас коксон түлш, 180 мянган тонн мидлинг сайжруулсан түлш хэрэглэж, 446 цэгээр борлуулна. Хотын 5,000 өрх болон найман уурын зуухыг хийн түлшинд шилжүүлсэн бөгөөд дулааны шинэ эх үүсвэрүүдийг 2028 онд ашиглалтад оруулахаар төлөвлөжээ.
Өглөөний ганцхан асуулт хосуудын үл ойлголцлыг бууруулна
Өглөөг богино хэлбэрийн яриагаар эхлүүлдэг хос яриандаа нэг ч атугай асуулт нэмэхийг сэтгэл зүйч зөвлөж байна. Энэ нь тухайн өдөр хэр их эрч хүчтэй, ямар хэмжээний нөөц боломжтой байгаагаа тоогоор илэрхийлэх, эсвэл өдрийг “хөнгөн”, “хүнд” гэх мэт ерөнхий үнэлгээгээр тодорхойлно гэсэн үг. Энэхүү богино “шалгалт”-ын гол зорилго нь хосууд өдрийн эрч хүч, боломжит нөөцөө урьдчилан ил тод болгоход оршино.
Дилжит Досанж анх удаа Wembley Stadium-д толгойлон тоглож, Пенжабийн соёлыг дэлхийд тодрууллаа
Дилжит Досанж Лондон дахь Wembley Stadium-д анх удаа толгойлон тоглож, Пенжабийн соёлын нөлөөг баталлаа Тоглолт Бямба гаригийн орой болж, 90,000 хүний суудалтай цэнгэлдэхэд хоёр гаруй цаг үргэлжилжээ Энэ амжилт нь Өмнөд Азийн уран бүтээлчдийн том тайзны боломжийг тэлж, ирэх тоглолтуудын эрэлтийг өдөөв