Энэтхэг, АНУ-ын талууд худалдааны хэлэлцээрт хүрэхэд эргэлзээ үүсч эхэллээ
Энэтхэг, АНУ-ын худалдааны хэлэлцээ хоёр талын буулт хийх боломж хязгаарлагдсан түвшинд хүрснийг Энэтхэгийн Сангийн сайд Нирмала Ситараман мэдэгдлээ. АНУ 2025 онд Энэтхэгтэй хийсэн худалдаанаас 58.
Энэтхэг болон АНУ-ын худалдааны хэлэлцээ үргэлжилж байгаа ч хоёр талын цаашид буулт хийх боломж хязгаарлагдмал байгааг Энэтхэгийн Сангийн сайд Нирмала Ситараман даваа гарагт мэдэгдлээ. Түүний тайлбар хоёр улсын худалдааны хэлэлцээр ойрын хугацаанд эцэслэгдэх эсэхэд эргэлзээ нэмэгдэж буй үед гарч байна.
Шинэ Делид болсон “Munich Leaders Meeting”-ийн үеэр Ситараман сэтгүүлчдэд өгсөн ярилцлагынхаа үеэр хэлэлцээ үргэлжилж байгаа ч хоёр талын хувьд цаашид нэмж буулт хийхэд “маш хэцүү” байгаа хэмээжээ.
Ситараманы мэдэгдэл нь Энэтхэгийн тал АНУ-тай хийх худалдааны хэлэлцээрийг эцэслэхэд тулгарч буй хүндрэлээ ил тод хүлээн зөвшөөрсөн анхны тохиолдол болж байна. АНУ-ын Худалдааны төлөөлөгч Жеймисон Грир өнгөрсөн долоо хоногт хэлэлцээ үргэлжилж байгаа ч тохиролцоо ойрын хугацаанд байгуулагдах төлөвгүй байгааг мэдэгдсэн юм.
Худалдааны алдагдал гол асуудал хэвээр байна
Ситараманы хэлснээр Вашингтон Энэтхэгтэй хийдэг худалдааны алдагдлаа бууруулахыг зорьж буй ба өнгөрсөн жилүүдэд алдагдсан гэж үзэж буй худалдааны боломжоо нөхөх сонирхолтой байна.
АНУ-ын мэдээллээр тус улсын Энэтхэгтэй хийсэн худалдааны алдагдал 2025 онд 58.42 тэрбум ам.долларт хүрсэн нь 2024 оныхоос 12.7 тэрбум ам.доллар буюу 27.8 хувиар нэмэгдсэн үзүүлэлт юм. Мөн 2026 оны эхний долоон сарын байдлаар худалдааны алдагдал 28.4 тэрбум ам.доллар болжээ.
Хоёр улсын удирдагчид ч худалдааны асуудлаар яриа хэлэлцээгээ үргэлжлүүлж буй. Энэтхэгийн Ерөнхий сайд Нарендра Моди өнгөрсөн долоо хоногт АНУ-ын Ерөнхийлөгч Дональд Трамптай утсаар ярьж, хоёр талын худалдаа, батлан хамгаалах, эрчим хүч болон чухал технологийн хамтын ажиллагааг хэлэлцжээ.
АНУ-ын Худалдааны төлөөлөгч Грир уг яриаг “бүтээлч” хэмээн тодорхойлж буй бол Моди “үр дүнтэй” болсон гэж үзэж байна.
Тарифын асуудал хэлэлцээний төвд байна
Трамп хоёрдугаар сард Энэтхэгтэй түр худалдааны тохиролцоонд хүрснээ зарлахдаа Шинэ Дели АНУ-аас нийлүүлэх бараа бүтээгдэхүүний импортоо мэдэгдэхүйц нэмэгдүүлэхээр болсон гэж мэдэгдсэн. Харин Энэтхэгийн тал АНУ руу хийх экспортоо зах зээлд өрсөлдөх чадвартай байлгахын тулд илүү таатай тарифын нөхцөл хүсч байна.
Одоогоор Энэтхэгийн АНУ-д нийлүүлдэг экспортын зарим бүтээгдэхүүнд 10 хувийн тариф үйлчилж байгаа. Гэхдээ Энэтхэгийн Засгийн газрын мэдээлснээр ерөнхий эм болон ухаалаг гар утас зэрэг экспортын томоохон хэсэг уг тарифт хамрагдахгүй байгаа аж.
Холбоотой мэдээ
Энэтхэг АНУ-тай хийх худалдааны хэлэлцээ гацаанд орсныг анх удаа ил тод хүлээн зөвшөөрөв
Энэтхэгийн Сангийн сайд худалдааны хэлэлцээ гацаанд орсныг мэдэгдэж, хэлэлцээрийн найдвар сулрав. АНУ-ын Энэтхэгтэй хийсэн барааны худалдааны алдагдал 2025 онд 58.42 тэрбум ам.
135 тэрбум ам.долларын зах зээл: Бугуйн цаг хөрөнгө оруулалтын сайн хэлбэр мөн үү?
Ухаалаг төхөөрөмжүүд цагийг нарийвчлалтай заадаг болсон ч уламжлалт бугуйн цаг загвар, хийц, механик үнэ цэнээрээ хэрэглэгчдийн сонирхлыг татсан хэвээр байна.
АНУ-Энэтхэгийн худалдааны хэлэлцээ ойрын хугацаанд тохиролцоонд хүрэхгүйг Жэймисон Грир анхааруулав
АНУ-ын худалдааны төлөөлөгч Жэймисон Грир Энэтхэгтэй хэлэлцээр ойрын үед бүтэхгүйг сануулж, хэлэлцээ удаашрах дохио өгөв Энэтхэгийн АНУ-д гаргах экспорт одоогоор 10%-ийн тарифтай, өмнө нь 50% хүртэл…
АНУ, Энэтхэгийн худалдааны хэлэлцээр ойрын хугацаанд ч гацсаар байх төлөвтэй
АНУ Энэтхэгийн худалдааны хэлэлцээрийг ойрын хугацаанд эцэслэх төлөвгүй байгааг тус улсын худалдааны төлөөлөгч Жеймисон Грир мэдэгдлээ.
Монгол-Казахстан худалдааны эргэлтийг $500 саяд хүргэх зорилтоо эрчимжүүлнэ
Монгол-Казахстан худалдаа, хөрөнгө оруулалтаа нэмэгдүүлж, хоёр улсын худалдааны эргэлтийг 500 сая ам.долларт хүргэх зорилтын хүрээнд хамтын ажиллагаагаа эрчимжүүлэхээр тохиролцлоо.
АНУ-ын Худалдааны төлөөлөгч G20-гийн сайд нарт хүнсний худалдааг улс төржүүлэхгүй байхыг уриалав
АНУ-ын Худалдааны төлөөлөгч G20-гийн орнуудад хүнсний худалдааг зэвсэг болгохгүй байхыг санууллаа Жэймисон Грийр аж үйлдвэрийн илүүдэл хүчин чадлыг бууруулж, ДХБ-ын хамгийн тааламжтай улсын зарчмыг…