Хятад Бразилын үхрийн маханд 67 хувийн тариф ногдуулна
Хятад аравдугаар сарын 1-нээс Бразилаас импортлох үхрийн мах жилийн 1.1 сая тоннын квотоос давбал нэмэлт 55 хувийн тариф ногдуулахаар болжээ.
Хятад улс аравдугаар сарын 1-нээс Бразилаас импортлох үхрийн махны жилийн квотоос давсан нийлүүлэлтэд 55 хувийн нэмэлт тариф ногдуулахаар болжээ. Одоогийн 12 хувийн импортын тарифтай нийлснээр квотоос давсан маханд нийт 67 хувийн тариф үйлчилнэ.
Хятад дотоодын үхрийн аж ахуй, мах үйлдвэрлэгчдээ хамгаалах зорилгоор уг зохицуулалтыг энэ оны нэгдүгээр сарын 1-нээс хэрэгжүүлж эхэлсэн бөгөөд 2028 оны эцэс хүртэл үргэлжлэхээр байна. Жилийн квот бүрэн ашиглагдсанаас хойш гурав дахь өдрөөс нэмэлт тариф үйлчлэх журамтай.
Бразилд 2026 онд 1.106 сая тонн үхрийн махны квот олгосон. Харин тус улс тавдугаар сард квотынхоо тал хувийг ашигласан бол долдугаар сард 80 хувь, наймдугаар сард 90 хувьд хүрчээ. Харин есдүгээр сарын 21 гэхэд Бразилаас Хятад руу нийлүүлсэн махны хэмжээ квотын 103.5 хувьд хүрснийг S&P Global Хятадын гаалийн мэдээллээс эш татан мэдээлсэн байна.
Тарифын зохицуулалтад шинэ, хөргөсөн болон хөлдөөсөн үхрийн мах багтаж буй. Мөн бүхэл болон хагас гулууз, ястай, ясгүй маханд адил үйлчлэх юм.
Бразил өөр улсын квотыг ашиглах боломжтой юу?
Бразилын Ерөнхийлөгч Луис Инасиу Лула да Силва есдүгээр сарын 21-нд Уругвай ашиглаагүй квотынхоо тодорхой хэсгийг Бразилд ашиглуулахыг зөвшөөрсөн гэж мэдэгдсэн.
Гэхдээ эцсийн шийдвэрийг Хятадын тал гаргах ба Бээжин нийлүүлэгч улс бүрд тусдаа квот тогтоосон тул Уругвайн ашиглаагүй хэмжээг Бразил шууд ашиглах боломжгүй юм. Хятадын тал зөвшөөрсөн тохиолдолд л ийм зохицуулалт хэрэгжих боломжтой.
Бразил өмнө нь бусад улсын ашиглаагүй квотыг ашиглах хүсэлт Хятадад хэд хэдэн удаа тавьсан ч Бээжин зөвшөөрөөгүй талаар "Reuters" агентлаг тавдугаар сард мэдээлж байв.
Холбоотой мэдээ
Хятад Европын Холбоонд худалдааны шинэ хязгаарлалтын хариуг “тууштай барина” гэлээ
БНХАУ-ын Худалдааны яамнаас Хятадын компани, бүтээгдэхүүнд чиглэсэн шинэ хязгаарлалт Европын Холбоо тогтоовол “тууштай хариу арга хэмжээ авна” гэж мэдэгдлээ.
Цагаан ордон Канадын зарим автомашин, сүүн бүтээгдэхүүн, согтууруулах ундааны импортыг хориглов
Цагаан ордон Канадын зарим барааны импортыг хориглосноор хэлэлцээрийн найдвар сул, маргаан хурцдах эрсдэл нэмэгдлээ. American Action Forum-ын тооцоогоор хоригт багтсан импортын нийт дүн 19.
Монгол-Казахстан худалдааг дэмжих стандартын хамтын ажиллагааг өргөжүүлнэ
Хоёр улсын холбогдох байгууллагууд стандартчилал, тохирлын үнэлгээ, хэмжил зүйн чиглэлээр туршлага, мэдээлэл солилцоно.
Тарифын буцаалт худалдааны түр эвлэрлийг сунгасныг бодитой болгож, АНУ-Хятадын хэлэлцээг дотооддоо оноо авахад төвлөрснийг илчиллээ
АНУ ба Хятад тарифын буцаалтаа зарлаж, хэлэлцээг үргэлжлүүлэхээр тохирсноор зах зээлд түр амьсгаа өглөө. Даваа гаригийн өглөө Бээжингийн цагаар 30 тэрбум ам.
АНУ, Хятад хоёр харилцан тариф бууруулахаар төлөвлөж, худалдааны хурцадмал байдлыг намжаах дохио өгөв
АНУ, Хятад хоёр зарим бараанд ногдуулсан тарифаа бууруулахаар төлөвлөж, худалдаанд богино хугацаанд амьсгаа өгч мэднэ. Даваа гарагт хоёр тал 30 тэрбум ам.