Марко Рубио ОХУ-аас Сибирийн лабораторийн ажилтны үхлийн талаар илүү дэлгэрэнгүй тайлбар өгөхийг уриалав

АНУ-ын төрийн нарийн бичгийн дарга Марко Рубио Сибирийн Эрхүү мужид лабораторийн ажилтан нас барсантай холбоотой мэдээллийг ОХУ дэлхий нийттэй илүү дэлгэрэнгүй, ил тод хуваалцахыг уриаллаа. Түүний хэлснээр мэдээлэл дутмаг хэвээр үргэлжилбэл айдас, цуу яриа нэмэгдэж, олон улсын хамтын ажиллагаа дарагдах эрсдэлтэй. “Орос улс дэлхий нийттэй илүү дэлгэрэнгүй мэдээлэл хуваалцах үүрэгтэй гэж би бодож байна. Бид энэ асуудлыг цаг тутамд анхааралтай ажиглаж байна,” гэж Рубио мэдэгдсэн байна. Энэ мэдэгдэл нь тухайн бүсэд лабораторийн ажилтан нас барсны дараа 200 орчим хүнийг хяналтад авсан гэх мэдээлэл анх тархсантай зэрэгцэн гарчээ.

Оросын хэвлэлүүдээр Дарья Шипилова өнгөрсөн долоо хоногийн Мягмар гарагт гэнэт өвдөж, эмнэлэгт хүргэгдсэн гэж мэдээлсэн байна. ОХУ-ын хэрэглэгчийн эрх ашгийг хамгаалах, хүний сайн сайхны хяналтын алба Роспотребнадзор талийгаачийг шалтгаан нь тодорхойгүй уушгины үрэвслээр нас барсан гэж тайлбарлажээ. Үүний зэрэгцээ цахим орчинд “тусгай арга хэмжээний баримт бичиг” гэх мэдээлэл тархсан ч Роспотребнадзор үүнийг албан ёсны эх сурвалжаас гараагүй гэж мэдэгдсэн байна. “Тухайн баримт бичиг болон мэдээлэл нь албан ёсны эх сурвалжаас гараагүй бөгөөд бодит байдалд нийцэхгүй болохыг тодруулахыг хүсэж байна,” хэмээн мэдэгдэлд дурджээ.

ОХУ дотоодын тандалт, хяналтаа хийж байгаа талаарх мэдээлэл ч давхар гарсан байна. Роспотребнадзорын мэдээлснээр “Эрхүү хотод энэхүү аюултай өвчний тохиолдол бүртгэгдээгүй байна. Талийгаачтай хавьталд орсон бүх хүнийг олж тогтоосон бөгөөд тэднээс илэрч болзошгүй өвчний шинж тэмдгийг хянаж байгаа ч одоогоор ямар нэг сэжиг илрээгүй.” Гэсэн ч олон нийтийн анхаарал намжаагүй хэвээр, ялангуяа мэдээлэл зөрүүтэй тархаж эхэлсэн нь асуудлыг олон улсын хэмжээнд өргөжүүлж байна.

Дэлхийн Эрүүл Мэндийн Байгууллага (ДЭМБ)-ын хэвлэлийн төлөөлөгч Кристиан Линдмайер Орос улс олон улсын эрүүл мэндийн дүрмийн дагуу мэдээлэх үүрэгтэйг сануулжээ. Энэ нь зөвхөн нэг улсын асуудал биш, харин олон улсын хамтын ажиллагааны суурь зарчим гэдгийг тэр онцолсон байна. Мэдээлэл ил тод байх нь эрсдэлийн үнэлгээ, хариу арга хэмжээний уялдааг хангах гол нөхцөл гэж үздэг. Тиймээс ДЭМБ-ын байр суурь Рубиогийн уриалгатай нэг шугамд очиж байна.

АНУ-ын Ерөнхийлөгч Дональд Трамп болон Рубио шаардлагатай бол ОХУ-д туслах боломж бий гэсэн байр суурь илэрхийлсэн байна. “Оросын Холбооны Улс халдварт өвчний дэгдэлттэй тэмцэхэд нь АНУ-д туслахад бэлэн байна,” “харилцан туслалцаа үзүүлэх нь сайн хэрэг” гэсэн агуулга энд багтаж байна. Washington Post-ын мэдээлснээр АНУ-ын Өвчний хяналт, урьдчилан сэргийлэх төв (CDC), АНУ-ын Төрийн департамент, Стратегийн бэлэн байдал, хариу арга хэмжээний газар (ASPR) арга хэмжээний төлөвлөгөө дээр ажиллаж эхэлжээ. Ийнхүү АНУ талдаа ажиглалт, бэлэн байдлын горим зэрэгцэн явагдаж буйг илтгэж байна.

ОХУ-аас өгөх албан мэдээлэл тодорхой, дэлгэрэнгүй байх эсэх нь цаашдын нөхцөл байдалд нөлөөлөх гол хүчин зүйл хэвээр байна. Роспотребнадзор цахим орчинд тархсан “баримт бичиг” гэх мэдээллийг няцаасан ч анх тархсан 200 орчим хүнийг хяналтад авсан гэх мэдээлэл зэрэг асуултууд олон нийтийн анхаарлын төвд үлдэж байна. Олон улсын байгууллагын сануулга, АНУ-ын ажиглалт, туслах санал зэрэг нь мэдээлэл солилцох сувгууд идэвхжиж буйг харуулж байгаа ч бодит байдалд хамгийн түрүүнд шаардлагатай нь ил тод, нэг мөр тайлбар хэвээр байна.