Нийслэл 16 шинэ чиглэлд 46 автобус нэмэлтээр үйлчилгээнд гаргана
Шинэ чиглэл нэмэхийн тулд замын сүлжээг 27.3 километрээр өргөтгөнө. Одоогоор Улаанбаатар хотод өдөрт 1,170 орчим автобус иргэдэд үйлчилж байна. Шинэ зохион байгуулалтын хүрээнд хүүхдийн автобусны тоог 50-аар нэмэхээр төлөвлөжээ.
Өвлийн улиралд автобусны буудал дээр удаан хүлээлгэж, хүүхэд болон ахмад настнуудыг хүйтэнд удаан зогсоодог асуудлыг бууруулахын тулд нийслэл нийтийн тээврийн зохион байгуулалтаа өөрчлөхөөр болжээ. Автобусны хүрэлцээг нэмэгдүүлэхийн зэрэгцээ цагийн хуваарийг бодитоор мөрдүүлэхийг холбогдох албан тушаалтнуудад үүрэг болгосон байна.
Хотын удирдлагууд COP17 бага хурлын үеэр хэрэгжүүлсэн шуурхай, зохион байгуулалттай үйлчилгээний жишгийг нийтийн тээврийн өдөр тутмын үйлчилгээнд хэвшүүлэх зорилт тавьжээ. Ингэхдээ зөвхөн автобусны тоо нэмэх бус, тогтсон цагийн хуваарийн дагуу зорчуулах нь буудлын хүлээлтийг багасгахад чухал гэж үзэж байна.
Графикийн мөрдөлт сул байх үед нэг чиглэлийн хэд хэдэн автобус дараалан ирэхийн зэрэгцээ дараагийн автобус хүртэлх хүлээлт уртсах тохиолдол гардаг. Тиймээс автобусны тоо болон гарах хугацааг зэрэг сайжруулах шаардлагатайг нийслэлийн зүгээс онцолжээ.
Хүүхдийн автобусны тоог 50-аар нэмэгдүүлнэ
Шинэ зохион байгуулалтын хүрээнд хүүхдийн автобусны тоог 50-аар нэмэхээр төлөвлөсөн байна. Мөн автобусны чиглэл, хуваарийг эцэг эх, асран хамгаалагч, хүүхэд болон багш нарт урьдчилан мэдээлэх аж.
Урьдчилсан мэдээлэл нь зорчих цагаа төлөвлөх боломж олгож, хүүхдүүдийн автобус хүлээх хугацааг багасгахаас гадна сургуулийн орчимд оргил цагийн үеэр төвлөрдөг хөдөлгөөнийг жигдрүүлэхэд чиглэж байна.
Алслагдсан бүсэд 16 шинэ чиглэл нээнэ
Нийтийн тээвэр очдоггүй алслагдсан байршлуудад энэ онд богино эргэлтийн 16 шинэ чиглэл нээхээр төлөвлөсөн байна. Шинэ чиглэл нэмэхийн тулд замын сүлжээг 27.3 километрээр өргөтгөж, дунд оврын 46 автобус үйлчилгээнд гаргах аж.
Богино эргэлтийн чиглэлүүд нь алслагдсан бүсийн зорчигчдыг үндсэн автобусны шугамтай холбох зорилготой. Ингэснээр холын чиглэлд бүх зорчигчийн урсгалыг төвлөрүүлэхгүйгээр нийтийн тээврийн хүртээмжийг нэмэгдүүлэх боломж бүрдэнэ гэж нийслэл тооцоолж байна.
Одоогоор Улаанбаатар хотод өдөрт 1,170 орчим автобус иргэдэд үйлчилж байна. Нийслэлийн зүгээс автобусны тоог нэмэгдүүлэхээс гадна хуваарийн мөрдөлт, үйлчилгээний шуурхай байдал болон байгууллагын дотоод хариуцлагыг зэрэг сайжруулахгүй бол автобус хүлээх асуудлыг бүрэн шийдэх боломжгүй гэж үзэж буй юм.
Төлөвлөсөн шинэ чиглэлүүд ашиглалтад орж, автобусны хүрэлцээ нэмэгдэхийн зэрэгцээ цагийн хуваарь тогтмол мөрдөгдвөл өвлийн улиралд иргэдийн буудал дээр өнгөрүүлэх хугацаа буурах боломжтой гэж албаныхан онцоллоо
Холбоотой мэдээ
Шинэ нүхэн гарцуудын барилгын явц гурван дөрөвт хүрч, төмөр замын хөдөлгөөнийг хоёр түвшинд зохион байгуулна
Нийслэлийн шинэ нүхэн гарцуудын бүтээн байгуулалт урагшилж, түгжрэлийг бууруулах шийдэл бодитоор ойртлоо. Төмөр зам доогуурх нүхэн гарцуудын нийт гүйцэтгэл 74 хувьтай бөгөөд 2024-2026 онд 12.1 тэрбум төгрөг баталсан. Явган, дугуйн зам болон ус зайлуулах дэд бүтцийг зэрэгцүүлснээр хөдөлгөөний аюулгүй байдал сайжирна.
Эрдэнэбүрэний УЦС баруун бүсийн эрчим хүчний импортын хамаарлыг бууруулна
90 МВт-ын Эрдэнэбүрэний усан цахилгаан станц 2030 онд ашиглалтад орсноор баруун бүсийн цахилгааны хэрэгцээг дотоодын эх үүсвэрээр бүрэн хангана. Станц жилд 360 сая кВт.цаг цахилгаан үйлдвэрлэх хүчин чадалтай нь баруун бүсийн одоогийн 160 сая кВт.цагийн жилийн хэрэглээнээс хоёр дахин өндөр үзүүлэлт юм. Төсөл хэрэгжсэнээр ОХУ, БНХАУ-аас авах цахилгааны хэрэгцээ буурч, илүүдэл эрчим хүчийг төвийн бүсийн системд нийлүүлэх боломж бүрдэхээр байна.
Улаанбаатарын 176 уулзвар, гарцад 2,600 гаруй ухаалаг камер суурилуулжээ
Улаанбаатар хот замын хөдөлгөөний удирдлагын системээ шинэчилж, Германы замын хөдөлгөөний технологийн “Yunex Traffic” компанийн мэргэжилтнүүд төслийн дараагийн шатны ажилд оролцож эхэллээ. Хотын 176 уулзвар, гарцад 2,600 гаруй ухаалаг камер суурилуулж, замын хөдөлгөөний мэдээллийг бодит цагийн горимд цуглуулах нэгдсэн сүлжээнд холбожээ. Дараагийн шатанд хөдөлгөөний бодит урсгалд тохируулан уулзваруудын нэвтрүүлэх чадварыг сайжруулах ухаалаг гэрлэн дохионы систем нэвтрүүлэхээр ажиллаж байна.
Нийслэл өвлийг өөдрөг угтах уу:УБЦТС-ын урсгал засвар 99 хувийн гүйцэтгэлтэй байна
Тус компани найман дүүрэг, Төв аймгийн 16 сумын 536 мянга гаруй хэрэглэгчийн цахилгаан хангамжийн найдвартай байдлыг сайжруулах зорилгоор 3,323 дэд станц, шугам тоноглолыг засварлаж байна. Засвар, хөрөнгө оруулалтын ажлыг аравдугаар сард бүрэн дуусгахаар төлөвлөжээ. Хужирбулан, Гачуурт орчмын цахилгаан хангамжийг сайжруулах шугамын өргөтгөл үргэлжилж байна.
Сургуулийн автобусны аюулгүй байдалд хяналтыг үргэлжлүүлж байна
Наймдугаар сарын 17-31-нд 200 гаруй хүүхдийн автобусыг техникийн үзлэг, оношилгоонд хамруулжээ. Тэдгээрийн 90 гаруй хувь нь шаардлага хангасан байна. Энэ хичээлийн жилд нийслэлийн 84 сургуульд 64 чиглэлээр 67 автобус сурагч тээвэрлэж байна.
Улаанбаатар түгжрэлийг бууруулахын тулд 84 сургууль барьж, нийтийн тээврийн 16 шинэ чиглэл нээнэ
Улаанбаатар хот түгжрэлийг бууруулахын тулд нийтийн тээврийн хүртээмж, сургуулийн хүчин чадал, авто замын сүлжээг зэрэг сайжруулахаар төлөвлөжээ. Судалгаагаар гэрээсээ 400 метрийн дотор автобусны буудалд очдог иргэд нийтийн тээврийг сонгох магадлал өндөр. Улаанбаатарын иргэдийн 56 хувь нь ажил, хичээлдээ хувийн автомашинаар, 24 хувь нь нийтийн тээврээр зорчдог.