НҮБ: АНУ-аас Иранд өгсөн хоёр цохилт нь дайны гэмт хэргийн шинжтэй байна
Ираны Миняб хотын бага сургуульд өгсөн цохилтоор 150-аас олон хүн, тэдний дотор хүүхдүүд амиа алджээ. Ламерд дахь спортын цогцолбор болон орон сууцны бүсэд хийсэн өөр нэг цохилтоор энгийн иргэд амь үрэгдэж, шархаджээ. АНУ НҮБ-ын тайлангийн дүгнэлтийг няцаасан байна.
НҮБ-ын Хүний эрхийн зөвлөлөөс томилогдсон Ираны дайны асуудлаарх бие даасан олон улсын баримт тогтоох ажиллагаа АНУ тус улсад хийсэн хоёр цохилтын үеэр дайны гэмт хэрэг үйлдсэн гэж үзэх “үндэслэлтэй шалтгаан” гэж тогтоосноо мэдэгдлээ. Шинжээчид АНУ-ын зэвсэгт хүчин энгийн иргэд болон иргэдийн гэр оронд учрах эрсдэлийг хангалттай тооцоогүй, ялгаварлалгүй дайралт хийсэн байж болзошгүй гэж дүгнэжээ.
Тайлангийн гол анхаарал өнгөрсөн хоёрдугаар сарын 28-нд Ираны өмнөд хэсгийн Миняб болон Ламерд хотод болсон хоёр цохилтод төвлөрсөн байна. Миняб дахь Шажарех Тайебех бага сургуульд "Томахок" пуужин туссанаар 150-аас олон хүн амиа алдсан бөгөөд НҮБ-ын шинжээчдийн мэдээллээр хохирогчдын 120 орчим нь хүүхэд байжээ. Нийт хоёр цохилтын үеэр дор хаяж 178 энгийн иргэн амиа алдсан гэж тайланд дурдсан байна.
Шинжээчид тухайн сургуулийг цэргийн объект байсан гэж батлах хангалттай мэдээлэл олдоогүй бөгөөд барилгын гаднах хүүхдэд зориулсан зураг, сургуулийн тэмдэглэгээ, тоглоомын талбай зэрэг нь иргэний зориулалттай байгууламж болохыг илтгэж байсан гэжээ. Тайланд АНУ байг сонгохын өмнө тухайн объектыг цэргийн зориулалтаар ашиглаж байгаа эсэхийг боломжит бүх аргаар нягтлах үүргээ биелүүлээгүй гэж дүгнэсэн байна.
Ламерд хотод мөн өдөр спортын цогцолбор болон ойролцоох орон сууцны бүсэд өгсөн цохилтын үеэр вольфрамын жижиг хэсгүүд тараадаг зэвсэг ашигласан бөгөөд 22 энгийн иргэн амиа алдах буюу шархадсан гэж тайланд дурджээ. АНУ-ын Төв командлал уг цохилтыг хийснээ өмнө нь няцаасан юм.
Харин АНУ НҮБ-ын шинжээчдийн дүгнэлтийг хүлээн зөвшөөрөөгүй байна. Цагаан ордон болон Төрийн департамент тайлангийн үнэн зөв эсэхэд эргэлзэж буйгаа илэрхийлж, Ираны Засгийн газрыг мөргөлдөөний үеэр дайны гэмт хэрэг үйлдсэн гэж буруутгасан байна. НҮБ-ын тайланд мөн Ираны эрх баригчдыг өнгөрсөн оны сүүлчээр эхэлсэн эсэргүүцлийн хөдөлгөөнийг дарахдаа хууль бус аллага, эрүүдэн шүүлт болон бусад үйлдлээр хүн төрөлхтний эсрэг гэмт хэрэг үйлдсэн байж болзошгүй гэж дүгнэжээ.
Уг маргаан НҮБ-ын Ерөнхий ассамблейн өндөр түвшний уулзалтууд эхлэхийн өмнө өрнөж байна. АНУ Ираны үндсэн төлөөлөгчдөд Нью-Йоркт болох чуулганд оролцох виз олгосон ч төлөөлөгчдийн тоог өмнөх оноос цөөлж, зорчих болон тансаг зэрэглэлийн бараа худалдан авахад хязгаарлалт тавихаар болжээ.
Вашингтон мөн Ерөнхий ассамблейн үеэр Персийн булангийн орнуудын удирдагчидтай Ираны дайны дараах бүс нутгийн стратегийн талаар хэлэлцэхээр төлөвлөж байна.
Холбоотой мэдээ
Ван И, Марко Рубио нар Хятад-АНУ-ын өндөр түвшний харилцааны дараагийн шатыг хэлэлцжээ
Ван И харилцаа холбоо, хамтын ажиллагааг бэхжүүлж, санал зөрөлдөөнийг зохицуулах шаардлагатай гэсэн Бээжингийн байр суурийг илэрхийлэв. Хятадын Гадаад хэргийн яамны мэдээлэлд дараагийн дээд түвшний уулзалтын тов, хэлбэрийг зарлаагүй байна. Талууд Ойрх Дорнодын нөхцөл байдлын талаар мөн санал солилцжээ.
Ө.Шижир: Төрийн өмчит компаниудын төсөв, зарцуулалтыг шалгах түр хороо байгуулна
Түүний мэдээлснээр төрийн өмчит компаниуд 100 их наяд төгрөгийн балансын хөрөнгөтэй бөгөөд 2025 оны аудитын тайлангаар 8.4 их наяд төгрөгийн зөрчил илэрчээ. Түр хороо байгуулагдвал компаниудын ашиг, алдагдал, санхүүжүүлсэн төсөл хөтөлбөр болон хөрөнгийн зарцуулалтыг шалгах боломж бүрдэнэ. Энэ талаар УИХ-д нээлттэй сонсгол зохион байгуулахаар төлөвлөж буйгаа мэдэгдлээ.
МАН-ын Удирдах зөвлөл ХЗДХ-ийн сайдад Г.Тэмүүлэнг нэр дэвшүүлэхээр тогтжээ
Удирдах зөвлөлийн хуралдаанаас өмнө Хууль зүй, дотоод хэргийн сайдад Г.Тэмүүлэн болон УИХ-ын гишүүн Д.Цогтбаатар нарын нэр яригдаж байсан юм. Томилгооны асуудал Ерөнхий сайд Н.Учрал өмнөх сайд С.Амарсайханыг үүрэгт ажлаас нь чөлөөлөх шийдвэр гаргасны дараа үргэлжилж байна. Одоо Г.Тэмүүлэнгийн нэрийг УИХ-д танилцуулах шат үлдэж байна.
Ерөнхийлөгч У.Хүрэлсүх хууль, хүчний байгууллагын удирдлагуудтай уулзаж байна
Уулзалт ямар асуудлаар болж байгаа талаар одоогоор дэлгэрэнгүй мэдээлэл өгөөгүй байна. Энэхүү уулзалт Хууль зүй, дотоод хэргийн салбарт сүүлийн өдрүүдэд үүссэн маргаантай нөхцөл байдлын дараа болж байна. Ямар шийдвэр гарах нь одоогоор тодорхойгүй байна.
Энэтхэгт сонгуульд бараг оролцдоггүй зургаан нам 17 тэрбум рупигийн хандив татжээ
Энэтхэгт “бүртгэлтэй боловч хүлээн зөвшөөрөгдөөгүй улс төрийн нам”-уудаар (RUPP) дамждаг хандивын урсгал анхаарлын төвд оров. Сонгуулийн хорооны мэдээллээр өнгөрсөн оны наймдугаар сарын байдлаар тус улсад 2,854 RUPP бүртгэлтэй байжээ. Улс төрийн намын бүртгэл нь татварын хөнгөлөлт зэрэг тодорхой давуу эрх эдлэх боломж олгодог байна.
Д.Трамп: Ираны дайны үеэр Вашингтонд туслаагүй орнууд АНУ-ын зардлыг нөхөн төлөх ёстой
Тэрбээр АНУ Ормузын хоолойгоор аюулгүй тээвэр хийх боломжийг нэмэгдүүлэхийн тулд бусад улсаас хамтын ажиллагаа хүсч байгааг онцолжээ. Трамп долоодугаар сард АНУ-ыг Ормузын хоолойн “хамгаалагч” болно гэж мэдэгдэж байв. Хамгийн сүүлийн мэдэгдлээрээ төлбөрийн асуудлыг Ираны дайнд бусад улс хэр зэрэг оролцсон тухай өргөн хүрээний маргаантай холболоо.