Ж.Алдаржавхлан сайд Япон Улсын Нагоя хотноо Айчи Засаг дарга Оомүра Хидэакитай албан ёсны уулзалт хийлээ.

Соёл, спорт, аялал жуулчлал, залуучуудын сайд Ж.Алдаржавхлан Япон Улсын Нагоя хотноо Айчи мужийн зочид хүлээн авах танхимд тус мужийн Засаг дарга Оомүра Хидэакитай албан ёсны уулзалт хийлээ.

Уулзалтын эхэнд сайд Ж.Алдаржавхлан Азийн XX наадамд оролцож буй Монгол Улсын баг тамирчдын талаар мэдээлэл өгч, энэ удаагийн наадамд манай улсаас спортын 31 төрөлд 298 тамирчин, 120 албаны хүний бүрэлдэхүүнтэй оролцож, багийн нэгдсэн дүнгээр эхний 15 байрт шалгарах зорилт тавин ажиллаж байгааг онцоллоо.

Талууд спортын салбарын хамтын ажиллагааг өргөжүүлэх боломжийн талаар санал солилцов. Тухайлбал, Монголын тамирчин, дасгалжуулагч, мэргэжилтнүүдийг Айчи мужид спортын менежмент, дасгалжуулалт, спортын анагаах ухаан, хоол зүйн чиглэлээр туршлага судлуулах, мэргэжил дээшлүүлэх боломжийг бүрдүүлэх талаар ярилцлаа.

Мөн салбарын хүний нөөцийг сургаж чадавхжуулах, иргэдийн нийтийн биеийн тамир, идэвхтэй хөдөлгөөнийг дэмжих чиглэлээр Айчи мужийн туршлагаас суралцаж, цаашдын хамтын ажиллагааг идэвхтэй өргөжүүлэхээр санал нэгдэв.

Айчи мужийн Засаг дарга Оомүра Хидэаки Монголын сумо бөхчүүдийн амжилт нь Монгол, Японы ард түмний харилцан ойлголцол, найрамдалт харилцааг бэхжүүлэхэд чухал хувь нэмэр оруулж ирснийг онцлон тэмдэглэлээ. Тэрбээр мөн сумогийн их аварга Хакухо Нагоя хотноо болсон Азийн XX наадмын бамбарын буухианд оролцсон талаар дурдав.

Уулзалтын үеэр сайд Ж.Алдаржавхлан Айчи мужийн Засаг дарга Оомүра Хидэакийг Монгол Улсад айлчлахыг хүндэтгэн урьж, хоёр тал спорт, хүний нөөцийн хөгжил болон иргэдийн нийтийн биеийн тамирын чиглэл дэх хамтын ажиллагааг бодит ажил хэрэг болгон өргөжүүлэхийн төлөө хамтран ажиллахаа илэрхийллээ.

Соёл, спорт, аялал жуулчлал, залуучуудын сайд Ж.Алдаржавхлан Япон Улсын Нагоя хотноо Айчи мужийн зочид хүлээн авах танхимд тус мужийн Засаг дарга Оомүра Хидэакитай албан ёсны уулзалт хийлээ.

Уулзалтын эхэнд сайд Ж.Алдаржавхлан Азийн XX наадамд оролцож буй Монгол Улсын баг тамирчдын талаар мэдээлэл өгч, энэ удаагийн наадамд манай улсаас спортын 31 төрөлд 298 тамирчин, 120 албаны хүний бүрэлдэхүүнтэй оролцож, багийн нэгдсэн дүнгээр эхний 15 байрт шалгарах зорилт тавин ажиллаж байгааг онцоллоо.

Талууд спортын салбарын хамтын ажиллагааг өргөжүүлэх боломжийн талаар санал солилцов. Тухайлбал, Монголын тамирчин, дасгалжуулагч, мэргэжилтнүүдийг Айчи мужид спортын менежмент, дасгалжуулалт, спортын анагаах ухаан, хоол зүйн чиглэлээр туршлага судлуулах, мэргэжил дээшлүүлэх боломжийг бүрдүүлэх талаар ярилцлаа.

Мөн салбарын хүний нөөцийг сургаж чадавхжуулах, иргэдийн нийтийн биеийн тамир, идэвхтэй хөдөлгөөнийг дэмжих чиглэлээр Айчи мужийн туршлагаас суралцаж, цаашдын хамтын ажиллагааг идэвхтэй өргөжүүлэхээр санал нэгдэв.

Айчи мужийн Засаг дарга Оомүра Хидэаки Монголын сумо бөхчүүдийн амжилт нь Монгол, Японы ард түмний харилцан ойлголцол, найрамдалт харилцааг бэхжүүлэхэд чухал хувь нэмэр оруулж ирснийг онцлон тэмдэглэлээ. Тэрбээр мөн сумогийн их аварга Хакухо Нагоя хотноо болсон Азийн XX наадмын бамбарын буухианд оролцсон талаар дурдав.

Уулзалтын үеэр сайд Ж.Алдаржавхлан Айчи мужийн Засаг дарга Оомүра Хидэакийг Монгол Улсад айлчлахыг хүндэтгэн урьж, хоёр тал спорт, хүний нөөцийн хөгжил болон иргэдийн нийтийн биеийн тамирын чиглэл дэх хамтын ажиллагааг бодит ажил хэрэг болгон өргөжүүлэхийн төлөө хамтран ажиллахаа илэрхийллээ.