Тансаг зэрэглэлийн "LVMH" группийн гүйцэтгэх захирал Бернар Арно "Дэлхийн хамгийн чинээлэг 10 эрхэм"-ийн жагсаалтаас хасагдлаа
Францын тансаг зэрэглэлийн “LVMH” группийн гүйцэтгэх захирал Бернар Арногийн хөрөнгө оны эхнээс $65 тэрбумаар буурч, дэлхийн хамгийн чинээлэг 10 эрхмийн жагсаалтаас хасагдлаа. “Bloomberg Billionaires Index”-ийн мэдээллээр өдгөө 77 настай Арно баасан гарагт $143 тэрбумын хөрөнгөтэйгөөр 11 дүгээр байрт орж, түүнээс хойш "Топ 10 чинээлэг эрхэм"-ийн эгнээнд нэгдсэнгүй. Арногийн хөрөнгийн дийлэнх хэсэг нь “Louis Vuitton”, “Dior” болон “TAG Heuer” зэрэг брэндийг эзэмшдэг “LVMH” групптэй холбоотой ба уг бизнес сүүлийн үед голлох зах зээлүүд дэх эрэлтээ алдаж буй.
Францын тансаг зэрэглэлийн “LVMH” группийн гүйцэтгэх захирал Бернар Арногийн хөрөнгө оны эхнээс 65 тэрбум ам.доллароор буурч, "дэлхийн хамгийн чинээлэг 10 эрхэм"-ийн жагсаалтаас хасагдлаа.
“Bloomberg Billionaires Index”-ийн мэдээллээр өдгөө 77 настай Арно баасан гарагт 143 тэрбум ам.долларын хөрөнгөтэйгөөр 11 дүгээр байрт орсон бөгөөд түүнээс хойш "Топ 10 чинээлэг эрхэм"-ийн эгнээнд эргэн нэгдээгүй байна. Түүний хөрөнгийн 65 тэрбум ам.доллароор буурсан нь “Bloomberg”-ийн хянадаг дэлхийн хамгийн чинээлэг 500 хүний дундаас энэ оны хамгийн огцом уналт болжээ.
Арногийн хөрөнгийн дийлэнх хэсэг нь “Louis Vuitton”, “Dior” болон “TAG Heuer” зэрэг брэндийг эзэмшдэг “LVMH” групптэй холбоотой ба тус группийн бизнес сүүлийн үед голлох зах зээлүүд дэх эрэлтээ алдаж буй.
“Bloomberg”-ийн мэдээлснээр Ойрх Дорнодын дайн Дубай зэрэг тансаг зэрэглэлийн томоохон худалдааны төвүүдийн хэрэглээг бууруулж, “LVMH”-ийн брэндүүдийн борлуулалтад сөргөөр нөлөөлжээ. Үүний зэрэгцээ Хятадын цайны сүлжээ “Molly”-тэй үүссэн барааны тэмдгийн маргаан олон нийтийн шүүмжлэл дагуулж, тус группийн өөр нэг чухал зах зээл болох Хятад дахь борлуулалтыг сулруулсан байна.
Арно олон арван жилийн турш “LVMH”-ийг дэлхийн тансаг зэрэглэлийн хамгийн том группүүдийн нэг болгон өргөжүүлж, хөрөнгөө бүрдүүлсэн. Тэрбээр 2022 оны сүүлээс эхлэн “Amazon”-ийг үүсгэн байгуулагч Жефф Безос, “Tesla”-гийн гүйцэтгэх захирал Илон Маск зэрэг технологийн тэрбумтантай дэлхийн хамгийн чинээлэг хүний байр суурийг хэд хэдэн удаа булаацалдаж байв.
Арно топ 10-аас гарснаар “Bloomberg”-ийн эхний арван байрыг зөвхөн АНУ-ын тэрбумтнууд эзлэх болжээ. Илон Маск 917 тэрбум ам.долларын хөрөнгөөр жагсаалтыг тэргүүлж байгаа бол түүний араас “Alphabet”-ийг хамтран үүсгэн байгуулагч Ларри Пэйж, Сергей Брин, Жефф Безос болон “Dell Technologies”-ийн гүйцэтгэх захирал Майкл Делл бичигдэж байна. Тэдний хөрөнгө 251-299 тэрбум ам.долларын хооронд үнэлэгджээ.
Эхний 10-т мөн Марк Зукерберг, Ларри Эллисон, Стив Балмер, Женсен Хуан болон Уоррен Баффет багтаж байна. Харин “Forbes”-ийн бодит цагийн тэрбумтнуудын жагсаалтад Арногийн хөрөнгийг 128 тэрбум ам.доллароор үнэлж, 14 дүгээр байрт эрэмбэлжээ.
Борлуулалт буурснаас гадна “LVMH”-ийн удирдлагын залгамж халаа анхаарал татсан асуудал хэвээр байгаа юм. Тодруулбал, Францын “Le Monde” сонин долдугаар сард нийтэлсэн зургаан цуврал материалаараа тус группт ажилладаг Арногийн таван хүүхдийн хооронд залгамж халааны өрсөлдөөн өрнөж байгаа талаар мэдээлсэн. Харин Арно уг мэдээллийг няцааж, гэр бүл нь нэгдмэл хэвээр байгааг хариу захидалдаа онцолсон гэж “Reuters” мэдээлжээ.
Холбоотой мэдээ
21 аймгийн шинэ ургацын болон брэнд бүтээгдэхүүнийг нэг дор худалдаална
“Намрын ногоон өдрүүд-Үндэсний үйлдвэрлэл 2026” нэгдсэн арга хэмжээ есдүгээр сарын 21-27-нд Төв цэнгэлдэх хүрээлэнд болно. Өргөтгөсөн худалдаа нь орон нутгийн тариаланч, ногоочид болон үндэсний үйлдвэрлэгчдийн бүтээгдэхүүнийг нэг талбайд төвлөрүүлдэг. Арга хэмжээний бэлтгэл ажлын хүрээнд зохион байгуулах ажлын хэсэг есдүгээр сарын 16-нд хуралджээ.
НЗДТГ: Хотын төвийн явган зам, нийтийн эзэмшлийн талбайд ТҮЦ байрлуулахгүй
Нийслэл өнгөрсөн оны дөрөвдүгээр сараас хойш автобусны буудал болон нийтийн эзэмшлийн 100 гаруй байршлаас нийт 1,278 ТҮЦ-ийг нүүлгэн шилжүүлжээ. Гэвч нүүлгэсэн байршлуудад ТҮЦ дахин байрласан тохиолдол гарч байна. Цаашид дүүргүүдийн хяналт, нүүлгэн шилжүүлсний дараах хэрэгжилтэд илүү анхаарахаа нийслэлийн удирдлага онцоллоо.
“Barington Capital” компани Bath & Body Works-ийг худалдах боломжийг удирдлагад нь санал болгожээ
Идэвхтэй хөрөнгө оруулалтын “Barington Capital Group” хувийн арчилгааны бүтээгдэхүүний “Bath & Body Works”-д хувь эзэмшиж, компанийг худалдах боломжийг судлахыг удирдлагад нь санал болгожээ. “Barington Capital компанийн брэнд, зах зээл дэх байр суурь болон мөнгөн урсгал нь хувийн хөрөнгө оруулалтын сангуудын сонирхлыг татах боломжтой гэж үзэж байна. Мэдээллийн дараа “Bath & Body Works”-ийн хувьцааны ханш өргөтгөсөн арилжаагаар 2 орчим хувиар өссөн ч он гарснаас хойш бараг 13 хувиар буураад байна.
Монгол Улсын гадаад худалдаа $6 тэрбумын ашигтай гарлаа: Нүүрсний экспорт 74 сая тонныг давлаа
Монгол Улсын гадаад худалдааны нийт бараа эргэлт энэ оны эхний найман сард өмнөх оны мөн үеэс 36.8 хувиар өсөж, 22.8 тэрбум ам.долларт хүрчээ. Экспорт 57.2 хувиар нэмэгдэж, 14.4 тэрбум ам.долларт хүрэхэд нүүрс болон зэсийн баяжмалын биет хэмжээ өссөн нь голлон нөлөөлсөн байна. Монгол Улсын нүүрсний экспорт энэ оны эхний найман сард 74.4 сая тоннд хүрсэн нь Засгийн газрын энэ онд 95 сая тонн нүүрс экспортлох зорилтын 78 орчим хувьтай тэнцэж байна.
Walmart Dunkin’-ийн ундаа, боовыг хүргэлтээр нэмэхээр төлөвлөж, захиалгын шинэ давхарга нээв
АНУ-ын жижиглэн худалдааны “Walmart” компани рестораны хүргэлтийн үйлчилгээндээ “Dunkin’”-ийг нэмж, ирэх жил тус сүлжээний 10 мянга орчим салбарыг хамруулахаар төлөвлөжээ. “Walmart” одоо байгаа хүргэлтийн сүлжээгээ ашигласнаар зардлын давуу тал бий гэж үзэж байгаа ч өөрийн дэлгүүрээс гаднах ресторануудаас хүргэлт хийх нь нэг захиалгын өртгийг өсгөх сорилттой. Компанийн зорилго нь кофе, боовны захиалгаас дангаар нь ашиг олохоос илүү хэрэглэгчдийг аппликейшндаа тогтмол оруулж, бусад бараатай хосолсон захиалгын давтамж, хэмжээг нэмэгдүүлэхэд чиглэж байна.
Боргоцой боловсрох болоогүй: Монголд 60-70 мянган хүн самрын бизнес эрхэлдэг
2025 онд Монгол Улсын хэмжээнд 16,350 тонн самар бэлтгэжээ. Энэ нь албан ёсоор баталсан 9,512 тоннын квотоос 6,838 тонн буюу 71.9 хувиар давсан үзүүлэлт. Самрын бизнес Монгол Улсын дотоодын нийт бүтээгдэхүүний 0.6 хувийг бүрдүүлдэг.