ЗАЛУУЧУУДЫН ХӨГЖЛИЙГ ДЭМЖИХ ТУ... | Соёл, спорт, аялал жуулчлал, залуучуудын яам

“Залуучуудын хөгжлийг дэмжих тухай” хуулийн шинэчилсэн найруулгын төсөл боловсруулах ажлын хэсгийн хурал 2026 оны 10 дугаар сарын 8-ны өдөр Үндэсний номын сангийн танхимд боллоо.

Хуралд залуучуудын хөгжлийн асуудал эрхэлсэн төрийн болон төрийн бус байгууллагын төлөөлөл оролцож, хуулийн шинэчилсэн найруулгын төслийн үзэл баримтлал, зорилго, зарчим, хамрах хүрээ, бодлого, зохицуулалтын тогтолцоо, залуучуудын хөгжлийн үндсэн чиглэл, тэдний оролцоог дэмжих эрх зүйн зохицуулалтын талаар санал солилцов.

Хурлын үеэр “Залуучуудын хөгжлийг дэмжих тухай” хуулийн хэрэгжилтийн үр дагаврын үнэлгээний тайлан, хуулийн төслийн ерөнхий танилцуулга, мөн залуучуудын хөгжлийг дэмжих чиглэлээр хийсэн олон улсын харьцуулсан судалгааны үр дүнг танилцууллаа. Тодруулбал, "Монголын эрх зүйн судалгаа, хөгжлийн дэвшил төв" ТББ-ын хуульч О.Төрболд хуулийн хэрэгжилтийн үр дагаврын үнэлгээний тайлан болон хуулийн төслийн ерөнхий танилцуулгыг, Монгол Улсын Дээд шүүхийн судлаач З.Янжинлхам олон улсын харьцуулсан судалгааны тайланг тус тус танилцуулав.

Үүний дараа ажлын хэсгийн гишүүд хуулийн төслийн үзэл баримтлал, зохицуулалтын агуулга, хуулийг үндэсний болон орон нутгийн түвшинд хэрэгжүүлэх тогтолцоо, оролцогч талуудын чиг үүрэг, залуучуудын хөгжил, оролцоог дэмжих механизмын талаар хэлэлцэж, санал солилцон, асуулт, хариулт өрнүүллээ.

Түүнчлэн хуулийн хэрэгжилтийг үр дүнтэй хангах хүрээнд хүний нөөцийн чадавх, хяналт-шинжилгээ, үнэлгээ, тайлагналын тогтолцоог боловсронгуй болгох асуудлыг хэлэлцэж, хуулийн төсөлд тусгах шаардлагатай санал, өөрчлөлт, нэмэлтийг тодорхойлов.

Ажлын хэсгийн хурлаар гарсан санал, зөвлөмжийг нэгтгэн, хуулийн шинэчилсэн найруулгын төслийг боловсронгуй болгох, дараагийн шатны боловсруулалтын чиглэл болон хэрэгжүүлэх арга хэмжээг тодорхойлохоор ажиллаж байна.

“Залуучуудын хөгжлийг дэмжих тухай” хуулийн шинэчилсэн найруулгын төслийг боловсруулах нь залуучуудын хөгжлийг дэмжих эрх зүйн орчныг боловсронгуй болгох, тэдний нийгмийн амьдрал дахь идэвх, оролцоог нэмэгдүүлэх, төрийн бодлого, зохицуулалтын уялдаа холбоог сайжруулахад чухал ач холбогдолтой юм.

“Залуучуудын хөгжлийг дэмжих тухай” хуулийн шинэчилсэн найруулгын төсөл боловсруулах ажлын хэсгийн хурал 2026 оны 10 дугаар сарын 8-ны өдөр Үндэсний номын сангийн танхимд боллоо.

Хуралд залуучуудын хөгжлийн асуудал эрхэлсэн төрийн болон төрийн бус байгууллагын төлөөлөл оролцож, хуулийн шинэчилсэн найруулгын төслийн үзэл баримтлал, зорилго, зарчим, хамрах хүрээ, бодлого, зохицуулалтын тогтолцоо, залуучуудын хөгжлийн үндсэн чиглэл, тэдний оролцоог дэмжих эрх зүйн зохицуулалтын талаар санал солилцов.

Хурлын үеэр “Залуучуудын хөгжлийг дэмжих тухай” хуулийн хэрэгжилтийн үр дагаврын үнэлгээний тайлан, хуулийн төслийн ерөнхий танилцуулга, мөн залуучуудын хөгжлийг дэмжих чиглэлээр хийсэн олон улсын харьцуулсан судалгааны үр дүнг танилцууллаа. Тодруулбал, "Монголын эрх зүйн судалгаа, хөгжлийн дэвшил төв" ТББ-ын хуульч О.Төрболд хуулийн хэрэгжилтийн үр дагаврын үнэлгээний тайлан болон хуулийн төслийн ерөнхий танилцуулгыг, Монгол Улсын Дээд шүүхийн судлаач З.Янжинлхам олон улсын харьцуулсан судалгааны тайланг тус тус танилцуулав.

Үүний дараа ажлын хэсгийн гишүүд хуулийн төслийн үзэл баримтлал, зохицуулалтын агуулга, хуулийг үндэсний болон орон нутгийн түвшинд хэрэгжүүлэх тогтолцоо, оролцогч талуудын чиг үүрэг, залуучуудын хөгжил, оролцоог дэмжих механизмын талаар хэлэлцэж, санал солилцон, асуулт, хариулт өрнүүллээ.

Түүнчлэн хуулийн хэрэгжилтийг үр дүнтэй хангах хүрээнд хүний нөөцийн чадавх, хяналт-шинжилгээ, үнэлгээ, тайлагналын тогтолцоог боловсронгуй болгох асуудлыг хэлэлцэж, хуулийн төсөлд тусгах шаардлагатай санал, өөрчлөлт, нэмэлтийг тодорхойлов.

Ажлын хэсгийн хурлаар гарсан санал, зөвлөмжийг нэгтгэн, хуулийн шинэчилсэн найруулгын төслийг боловсронгуй болгох, дараагийн шатны боловсруулалтын чиглэл болон хэрэгжүүлэх арга хэмжээг тодорхойлохоор ажиллаж байна.

“Залуучуудын хөгжлийг дэмжих тухай” хуулийн шинэчилсэн найруулгын төслийг боловсруулах нь залуучуудын хөгжлийг дэмжих эрх зүйн орчныг боловсронгуй болгох, тэдний нийгмийн амьдрал дахь идэвх, оролцоог нэмэгдүүлэх, төрийн бодлого, зохицуулалтын уялдаа холбоог сайжруулахад чухал ач холбогдолтой юм.