Ажил олгогчоос төлөх нийгмийн даатгалын шимтгэлийн хэмжээ ирэх оны эхээр буурна

УИХ өнгөрсөн долоодугаар сарын 2-ны өдрийн чуулганаар баталсан Нийгмийн даатгалын ерөнхий хуульд оруулсан нэмэлт, өөрчлөлтөөр ажил олгогчийн төлөх нийгмийн даатгалын шимтгэлийн хувь хэмжээг бууруулсан. Шинэ зохицуулалт ирэх оны нэгдүгээр сарын 1-нээс хэрэгжиж эхэлнэ.

Шимтгэлийн шатлал Одоогийн хувь 2027 оноос Өөрчлөлт I шатлал 10.5% 10.4% -0.1 нэгж хувь II шатлал 11.5% 11.3% -0.2 нэгж хувь III шатлал 12.5% 12.3% -0.2 нэгж хувь

Харин ажилгүйдлийн даатгалын шимтгэлийг одоогийн 0.5 хувиас 0.6 хувь болгон 0.1 нэгж хувиар нэмэгдүүлэхээр болжээ. Хоёр төрлийн даатгалын шимтгэлд оруулсан өөрчлөлтийн нийлбэрээр ажил олгогчийн төлөх нийгмийн даатгалын нийт шимтгэлийн хувь хэмжээ эрсдэлийн ангиллаас хамааран 0.1-ээс 0.2 нэгж хувиар буурна. Тухайлбал, одоогийн 10.5 хувийн шимтгэл 10.4 хувь, 11.5 хувь нь 11.3 хувь, 12.5 хувь нь 12.3 хувь болж буурахаар байна. Ингэснээр 2027 оноос ажил олгогчдын нийгмийн даатгалын шимтгэлийн зардал эрсдэлийн ангиллаас хамааран бага хэмжээгээр буурах зохицуулалт хэрэгжиж эхэлнэ.