Дулааны эрчим хүчний гэрээ байгуулах хугацааг аравдугаар сарын 2 хүртэл сунгалаа
Иргэд болон аж ахуйн нэгжүүд тоон гарын үсгээ УБДС ТӨХК дээр газар дээр нь авч, гэрээ байгуулах боломжтой.
Халаалтын улирлын дулааны эрчим хүч худалдах, худалдан авах гэрээ байгуулах хугацааг аравдугаар сарын 2 хүртэл сунгасныг "Улаанбаатар дулааны сүлжээ" ТӨХК мэдээллээ.
Гэрээгээ хараахан байгуулж амжаагүй хэрэглэгчдэд зориулан тоон гарын үсэг олгох ажлыг тусгай зөвшөөрөлтэй компанийн ажилтнууд гүйцэтгэж байна. Ингэснээр хэрэглэгч тоон гарын үсгээ газар дээр нь авч, гэрээгээ нэг дор байгуулах боломж бүрджээ.
Иргэн гэрээ байгуулахдаа иргэний үнэмлэхтэйгээ өөрийн биеэр очих шаардлагатай. Харин аж ахуйн нэгж, байгууллагын хувьд гүйцэтгэх захирал байгууллагын гэрчилгээ болон иргэний үнэмлэхийн хуулбар, тамгатайгаа очно.
Гүйцэтгэх захирал өөрийн биеэр очих боломжгүй тохиолдолд итгэмжлэгдсэн ажилтан нь итгэмжлэл болон иргэний үнэмлэхээ авч очиж гэрээ байгуулах юм.
УБДС ТӨХК-аас гэрээг аравдугаар сарын 2-ны дотор байгуулаагүй хэрэглэгчийн дулаан хангамжийг хязгаарлах арга хэмжээ авахыг анхаарууллаа.
Холбоотой мэдээ
Яармаг-Хархорин чиглэлийн дүүжин зам арванхоёрдугаар сарын 15-нд ашиглалтад орно
Дүүжин замын барилга угсралтын ажил дуусч, төслийн гүйцэтгэл 90 хувьд хүрчээ. 4.2 км урт замд 98 кабин үйлчилж, цагт 2,320 зорчигч тээвэрлэхээр төлөвлөжээ.
Таван шарын нүхэн гарц 96 хувьд хүрч, явган хүний гүүрэн гарцын үндсэн бүтээцийг бүрэн угсарлаа
Таван шарын төмөр замын доогуурх нүхэн гарц ахицтай үргэлжилж, хөдөлгөөнийг аюулгүй салгах дэд бүтэц ойртлоо.
Улаанбаатар-Шинэ Дели чиглэлд таван цаг ниснэ
Улаанбаатар-Шинэ Дели-Улаанбаатар чиглэлийн тогтмол шууд нислэгийг долоо хоног бүрийн даваа гарагт хийхээр товложээ.
Моносын уулзвараас Эмээлт хүртэлх авто замын гэрэлтүүлэгт ₮3.3 тэрбумыг зарцуулна
Моносын уулзвараас Эмээлт хүртэлх авто замыг гэрэлтүүлэгтэй болгох ажлыг наймдугаар сарын 5-наас эхлүүлж, энэ онд дуусгахаар төлөвлөжээ.
“Samsung” хиймэл оюуны дэд бүтцийн “Helix” компанид $1 тэрбумын хөрөнгө оруулалт хийнэ
“Samsung Electronics” болон группийн таван компани хиймэл оюуны дэд бүтцийн “Helix Digital Infrastructure” компанид 1 тэрбум ам.долларын хөрөнгө оруулалт хийхээр боллоо.
Нүхэн гарцууд ашиглалтад орсноор зарим замын ачаалал 17.6 хүртэл хувиар буурах тооцоо гарчээ
Хермес төвийн урд орших нүхэн гарцаар өдөрт 33 мянга гаруй, Геологийн төв лаборатори орчмын гарцаар 24.8-27.5 мянган тээврийн хэрэгсэл зорчих төлөвтэй байна.