Экспорт, импортын тээвэр өсөв: УБТЗ-ын ачаа тээвэр өмнөх оноос 1.5 сая тонноор нэмэгджээ
“Улаанбаатар төмөр зам” ХНН энэ оны эхний есөн сард 25.8 сая тонн ачаа тээвэрлэж, өмнөх оны мөн үеийн үзүүлэлтээ 1.5 сая тонноор ахиулжээ. Импортын ачаа тээвэр 17.
“Улаанбаатар төмөр зам” хувь нийлүүлсэн нийгэмлэг энэ оны эхний есөн сард 25.8 сая тонн ачаа тээвэрлэсэн нь өмнөх оны мөн үеэс 1.5 сая тонноор нэмэгдэж, ойролцоогоор 6.2 хувийн өсөлт үзүүлжээ.
Тээврийн хэмжээ нэмэгдэхэд экспорт, импорт болон орон нутгийн ачаа тээврийн өсөлт нөлөөлсөн бол транзит буюу Монгол Улсын нутаг дэвсгэрээр дамжин өнгөрөх ачааны хэмжээ буурчээ.
Тайлант хугацаанд экспортын 9.5 сая тонн ачаа тээвэрлэсэн нь өмнөх оны мөн үеэс 11 хувиар өссөн үзүүлэлт. Харин импортын ачаа 3.2 сая тоннд хүрч, 17.4 хувиар нэмэгдсэн нь тээврийн төрлүүдээс хамгийн өндөр өсөлт юм.
Экспорт, импортын ачааг нийлүүлбэл 12.7 сая тонн буюу нийт тээврийн бараг тал хувийг эзэлжээ. Мөн орон нутгийн ачаа тээвэр 2.7 хувиар өсч, 8.8 сая тоннд хүрчээ.
Гадаад худалдааг холбох гол тээвэрлэгч
УБТЗ-ын эдийн засагт гүйцэтгэх үүргийг салбарын нийт тээвэрт эзлэх хэмжээнээс харж болно. Зам, тээврийн яамны 2025 оны статистикийн эмхэтгэлээр Монгол Улсын төмөр замууд нийт 49.9 сая тонн ачаа тээвэрлэснээс УБТЗ 33.7 сая тонн буюу 67.6 хувийг гүйцэтгэсэн байна.
Мөн өнгөрсөн оны төмөр замын экспорт, импорт, дамжин өнгөрөх ачаа тээврийг УБТЗ дангаар гүйцэтгэсэн гэж тайланд дурджээ. Тухайн онд бүх төрлийн тээврийн импортын ачааны 49.5 хувь, экспортын ачааны 11.2 хувийг төмөр замаар тээвэрлэсэн нь гадаад худалдааны нийлүүлэлтийн сүлжээнд төмөр замын эзлэх байр суурийг тодорхойлж байна.
Дотоодын тээвэр эрчим хүчний хангамжтай холбоотой
УБТЗ-ын дотоодын тээвэрт дулааны цахилгаан станцуудын нүүрсний нийлүүлэлт багтдаг. Тус нийгэмлэгийн оны эхний 15 хоногт л гэхэд Багануур, Шивээ-Овоо, Шарын голын уурхайгаас Улаанбаатар, Дархан, Эрдэнэтийн дулааны цахилгаан станцууд руу 6,778 вагон нүүрс хүргэжээ.
Нүүрсийг уурхайгаас станцад хүргэх уг тээвэр нь цахилгаан, дулаан үйлдвэрлэлийн түлшний хангамжийг залгуулдаг. Тиймээс төмөр замын үйл ажиллагаа экспортын ачаанаас гадна айл өрх, аж ахуйн нэгжийн эрчим хүчний хэрэгцээтэй шууд холбогдож байна.
Тодруулбал, УБТЗ-ын ачаа тээвэр 2023 онд 32.3, 2024 онд 33.4, 2025 онд 33.7 сая тонн болж дараалан нэмэгджээ. Энэ оны эхний есөн сарын өсөлт уг чиг хандлагыг үргэлжлүүлж байгаа ч тээврийн төрлүүдийн гүйцэтгэл харилцан адилгүй байна.
Холбоотой мэдээ
Баянгол зочид буудал орчмын автобусны буудлын дэргэдэх барилгын хашлагыг буулгана
Тус буудлын дэргэд баригдаж буй барилгын хамгаалалтын хашлагыг компанийн төлөөллийг оролцуулан шөнийн цагаар буулгахаар болжээ.
Яармагийн авто замын нэгдүгээр эгнээгээр зөвхөн автобус явуулах туршилт эхлүүлнэ
Яармагийн авто замын нэгдүгээр эгнээг нийтийн тээврийн автобусанд зориулан ашиглах бэлтгэл хангагдаж, туршилт эхлүүлэхэд бэлэн болжээ.
Яармаг–Хархорин худалдааны төв чиглэлийн дүүжин тээврийн туршилт эхэлж, үнийн мэдээлэл ил боллоо
Яармаг–Хархорин худалдааны төв чиглэлийн дүүжин тээврийн туршилт эхэлж, зорчих үнийн хүрээ тодорлоо. Хотын дарга Б.
Дүүжин тээвэр иргэдийн сэтгэл ханамжид нийцвэл Хархорин захаас хотын төв хүртэл явуулах трассыг судална
Яармагаас Хархорин худалдааны төв хүртэл зорчих дүүжин замын тээврийн тасалбарыг 1,500-2,000 төгрөгийн үнэтэй байхаар урьдчилан тооцолж буйгаа албаныхан мэдээллээ.
Шуурхай штаб: Энхтайвны өргөн чөлөөгөөр зорчих автобусны дундаж хурд 15-16 км/цаг болж нэмэгдсэн
Энхтайвны өргөн чөлөөгөөр зорчих нийтийн тээврийн автобусны ашиглалтын хурд өмнөх жилүүдийн 12 км/цагаас нэмэгджээ.
Японы JOIN сан Монголын дэд бүтцийн төслүүдэд хөрөнгө оруулах боломжийг хэлэлцжээ
Японы төр, хувийн хэвшлийн хөрөнгө оруулалтын JOIN сан Монголын тээвэр, хот байгуулалт, дэд бүтцийн дунд болон том хэмжээний төслүүдийг санхүүжүүлэх боломжийг хэлэлцлээ.