Моносын уулзвараас Эмээлт хүртэлх авто замын гэрэлтүүлэгт ₮3.3 тэрбумыг зарцуулна
Моносын уулзвараас Эмээлт хүртэлх авто замыг гэрэлтүүлэгтэй болгох ажлыг наймдугаар сарын 5-наас эхлүүлж, энэ онд дуусгахаар төлөвлөжээ.
Нийслэлийн Сонгинохайрхан дүүргийн 34 дүгээр хорооны нутаг дэвсгэрт байрлах Моносын уулзвараас Эмээлт хүртэлх авто замыг гэрэлтүүлэгтэй болгож байна. Өнгөрсөн наймдугаар сарын 5-наас эхлүүлсэн төслийг оны эцэс гэхэд дуусгахаар төлөвлөжээ.
Одоогоор зам дагуу суурилуулах гэрэлтүүлгийн 684 шонгийн бэхэлгээг угсарч дуусган, шон угсрах, шаардлагатай бараа материалыг татан төвлөрүүлэх ажил үргэлжилж байгааг албаныхан онцоллоо.
Моносын уулзвараас Эмээлт хүртэлх авто зам гэрэлтүүлэгтэй болсноор шөнийн цагт жолоочийн үзэгдэх орчин сайжирч, иргэд, зорчигчдын аюулгүй зорчих нөхцөл нэмэгдэх юм. Мөн зам тээврийн осол, түүнтэй холбоотой эрсдэлийг бууруулах ач холбогдолтой гэж нийслэлээс мэдээлжээ.
Гэрэлтүүлгийн ажлыг нийслэлийн болон орон нутгийн чанартай авто замын засвар, арчлалт хариуцдаг “Нийслэлийн баруун бүсийн зам засвар, арчлалтын газар” ОНӨААТҮГ гүйцэтгэж байна. Тус байгууллагыг НИТХ-ын 2024 оны тогтоолоор байгуулсан бөгөөд авто зам, замын байгууламжийн засвар, шинэчлэл болон гэр хорооллын сайжруулсан, шороон замын арчлалтыг хариуцдаг.
Төслийн санхүүжилтэд нийслэлийн Замын сангаас ₮3.3 тэрбум зарцуулахаар баталжээ. Замын сангийн хөрөнгө нь авто тээврийн хэрэгслийн татвар, зам ашигласны төлбөр зэрэг орлогоос бүрддэг.
Холбоотой мэдээ
“Samsung” хиймэл оюуны дэд бүтцийн “Helix” компанид $1 тэрбумын хөрөнгө оруулалт хийнэ
“Samsung Electronics” болон группийн таван компани хиймэл оюуны дэд бүтцийн “Helix Digital Infrastructure” компанид 1 тэрбум ам.долларын хөрөнгө оруулалт хийхээр боллоо.
Нүхэн гарцууд ашиглалтад орсноор зарим замын ачаалал 17.6 хүртэл хувиар буурах тооцоо гарчээ
Хермес төвийн урд орших нүхэн гарцаар өдөрт 33 мянга гаруй, Геологийн төв лаборатори орчмын гарцаар 24.8-27.5 мянган тээврийн хэрэгсэл зорчих төлөвтэй байна.
Нийслэлд гурван нүхэн гарцын барилга үргэлжилж, түгжрэл ба төмөр замын гармын эрсдэлийг зэрэг бууруулах зорилт тавив
Нийслэл хотод гурван нүхэн гарцын барилга үргэлжилж, түгжрэлийг сааруулах төлөв одоо хамгийн анхаарал татав Нийслэлийн Тээврийн Удирдах Газар мэдээлснээр Геологийн төв лаборатори орчмын холбоос 11…
Даац хэтрүүлсэн ачаа тээвэрлэлтийг нэг сарын хугацаанд зогсооно
Зөвшөөрөгдөх дээд хэмжээнээс хэтэрсэн, задрах боломжгүй ачаа тээвэрлэлтийг аравдугаар сарын 15-наас арваннэгдүгээр сарын 15 хүртэл зогсооно.
“Булган мээж” компанийн ₮6 тэрбумын өрийг Эрчим хүчний сайдын багцад тусгахаар болжээ
Өвөлжилтийн бэлтгэлтэй холбоотой орон нутгаас ирүүлсэн 205 асуудлын 97-г шийдвэрлэж, үлдсэн 108 асуудлын хэрэгжилт үргэлжилж байна.
Хүннү хотын суурь дэд бүтцийн бүтээн байгуулалт үргэлжилж байна
Хөшигийн хөндийд байгуулах Хүннү хотын цэвэрлэх байгууламжийн бүтээн байгуулалт 40 гаруй хувьтай байгаа бол “Сэргэлэн” дэд станцын ажил 95 хувьд хүрчээ.