Нэгдүгээр ангийн сурагчид хүнд цүнх үүрэхгүй нь
Нэгдүгээр ангийн сурагчдын сургуульд дасан зохицох хөтөлбөр өндөрлөж, аравдугаар сарын 1-нээс сурах бичгийн үндсэн агуулгаар хичээллэж эхэллээ.
Нэгдүгээр ангийн сурагчдын сургуульд дасан зохицох хөтөлбөр дуусч, аравдугаар сарын 1-нээс шинэчилсэн сурах бичгийн үндсэн агуулгаар хичээллэж эхэллээ.
Хөтөлбөрийн дагуу нэгдүгээр ангид зориулсан зургаан сурах бичиг, сурагчийн дасгал ажлын дэвтэр, багшийн ном гэсэн гурван төрлийн сургалтын материалыг боловсруулжээ. Эдгээр материалыг өнөөдрөөс нийслэлийн дүүргүүдийн сургууль болон орон нутагт хүргэх юм.
2026-аас 2027 оны хичээлийн жилээс нэгдүгээр ангийн сурах бичгийг өмнөхөөс хөнгөн болгосон нь хүүхдийн өдөр тутам үүрэх цүнхийг хөнгөн болоход чиглэсэн байна. Мөн тусдаа дасгал ажлын дэвтэр ашигласнаар сурагчид хичээлийн явцад дасгал, даалгавраа шууд гүйцэтгэх боломж бүрджээ.
Шинэ сурах бичгүүдэд QR код байршуулсан бөгөөд кодыг уншуулснаар авиа, дуудлага болон хичээлтэй холбоотой бусад агуулгыг дүрс, дуу, нэмэлт хэрэглэгдэхүүнтэй хослуулан үзэх боломжтой. Ингэснээр сурагчид хэвлэмэл сурах бичгээс гадна дижитал нэмэлт материал ашиглан хичээлийн агуулгаа бататгах боломж бүрдэж байна.
Багшийн гарын авлагыг мөн шинэчилж, гэрийн даалгавар өгөх аргачлал, тоглонгоо суралцах арга зүй болон сурагчдын дээд эрэмбийн ур чадварыг хөгжүүлэх зөвлөмж, хэрэглэгдэхүүнийг багтаажээ. Эдгээр материал нь шинэчилсэн хөтөлбөрийг хичээлд хэрэгжүүлэхэд багш нарыг арга зүйн нэгдсэн чиглэлээр хангахад ач холбогдолтой аж.
Холбоотой мэдээ
Монгол хэл бичгийн болон элсэлтийн шалгалтын бүртгэл өнөөдөр эхэллээ
Бүртгэл арваннэгдүгээр сарын 23-ны 18:00 цаг хүртэл үргэлжилнэ. Нэг хичээлийн шалгалтын төлбөр 20 мянган төгрөгөөр тогтоожээ.
Хан-Уул дүүргийн 17 дугаар хороонд 720 хүүхдийн сургууль ашиглалтад орно
Нийслэлийн төсвийн 18.4 тэрбум төгрөгийн хөрөнгө оруулалтаар 720 хүүхдийн суудалтай улсын сургууль барьж байна.
АНУ уул уурхайн боловсролд олон жилд анх удаа бодитой холбооны санхүүжилтийн гарцыг нээлээ
Цагаан ордон уул уурхайн компаниудтай хэлэлцсэн өдөр Эрчим хүчний яам уул уурхайн боловсролын холбооны дэмжлэгийг хөдөлгөж, салбарын боловсон хүчний хомсдолд анхаарал төвлөрүүллээ Эрчим хүчний яамны…
Хичээлээ “сайн хийлээ” гээд баттай амжилтад хүрэх үү? Хятадын залуус суралцахаас халширч байна
Хятад улс сурагчдын хэт их гэрийн даалгавар, нэмэлт сургалтын ачааллыг бууруулах бодлого хэрэгжүүлээд таван жил болж байгаа ч 2022 оноос хойш хичээлийн ачаалал дахин нэмэгдэх хандлага ажиглагджээ.
