НИТХ: Нийслэлийн өмчит компанийн удирдлага сард хамгийн ихдээ 4 сая орчим төгрөгийн цалин авдаг
Нийслэлийн өмчит болон өмчийн оролцоотой компанийн гүйцэтгэх захирлын сарын үндсэн цалингийн дээд хязгаарыг хөдөлмөрийн хөлсний доод хэмжээг тав дахин нэмэгдүүлж тооцдог. НИТХ-ын мэдээлснээр ТУЗ болон Удирдах зөвлөлийн гишүүний урамшууллыг хөдөлмөрийн хөлсний доод хэмжээгээр тогтоодог байна. Тогтоолын хэрэгжилтийг хангаж ажиллах үүргийг тухайн компанийн Төлөөлөн удирдах зөвлөлд өгсөн байна.
Нийслэлийн өмчит болон өмчийн оролцоотой байгууллагуудын удирдлагын сарын цалин 9-өөс 12.8 сая төгрөгт хүрдэг гэх мэдээлэл хэвлэлээр гарсантай холбоотойгоор Нийслэлийн иргэдийн төлөөлөгчдийн хурал лхагва гарагт залруулга гаргалаа.
НИТХ-ын тайлбарласнаар, нийслэлийн өмчит болон өмчийн оролцоотой компанийн гүйцэтгэх захирлын сарын үндсэн цалингийн дээд хязгаарыг өнгөрсөн оны гуравдугаар сарын 25-ны 25/46 дугаар тогтоолоор баталсан байна.
Уг тогтоолоор гүйцэтгэх захирлын үндсэн цалин хөдөлмөрийн хөлсний доод хэмжээг тав дахин нэмэгдүүлснээс хэтрэхгүй байх зохицуулалттай. Одоогийн хөдөлмөрийн хөлсний доод хэмжээгээр буюу сарын үндсэн цалингийн дээд хэмжээ 3.96 сая төгрөг болж буйг НИТХ мэдээлэв.
Тогтоолын хэрэгжилтийг хангаж ажиллах үүргийг тухайн компанийн Төлөөлөн удирдах зөвлөлд өгсөн байна.
Түүнчлэн Төрийн өмчийн бодлого, зохицуулалтын газрын 2023 оны 173 дугаар тогтоолоор орон нутгийн өмчит болон орон нутгийн өмчийн оролцоотой байгууллагын Төлөөлөн удирдах зөвлөл, Удирдах зөвлөлийн гишүүний урамшууллыг хөдөлмөрийн хөлсний доод хэмжээг хоёр дахин нэмэгдүүлснээс ихгүй байхаар тогтоох аргачлалыг баталжээ.
Уг аргачлалын хүрээнд НИТХ ТУЗ болон УЗ-ийн гишүүний урамшууллыг хөдөлмөрийн хөлсний доод хэмжээтэй тэнцүү байхаар тогтоосон байна. Урамшууллаас нийгмийн даатгалын шимтгэл болон холбогдох татварыг суутгаж, сар бүр эсвэл улирал тутам олгохоор зохицуулжээ.
Холбоотой мэдээ
Холбооны нөөцийн банкны есдүгээр сарын хурлын шийдвэрийг хүлээсэнтэй холбоотойгоор АНУ-ын төрийн бондын өгөөж тогтвортой байв
Холбооны нөөцийн банкны шийдвэрийг хүлээсэн хөрөнгө оруулагчдын хүлээлтээс шалтгаалан төрийн бондын өгөөж бараг хөдөлсөнгүй. Лхагва гаригт 10 жилийн өгөөж 5.004 хувь, харин 20 болон 30 жилийнх 5.409, 5.372 хувьд тус тус тогтжээ. Бодлогын дохио тодорхой болмогц хөрөнгө, хувьцаа болон бондын зах зээлийн эрсдэлийн үнэлгээ хурдан өөрчлөгдөх магадлалтай.
Binance чинээлэг хөрөнгө оруулагчдад Capital Connect-ээ нээж, уламжлалт санхүүгийн зах зээлтэй шууд өрсөлдөхөөр орлоо
Binance чинээлэг хүмүүсийг өмнө нь байгууллагад л нээлттэй Capital Connect-д оруулж, үйлчилгээний хүрээг тэллээ Оролцохын тулд дор хаяж 1 сая ам.долларын хөрөнгөтэй байх шаардлагатай бөгөөд есдүгээр сард 77 багийн 212 портфоль бүртгэгдсэн Энэ алхам нь дижитал хөрөнгийн стратегийг институцийн хэв маягаар хүргэж, чинээлэг хөрөнгийн урсгалыг татах өрсөлдөөнийг ширүүсгэнэ
Энэтхэг UPI-ээр дамжих зарим бизнесийн төлбөрт шимтгэл тогтоож, компаниудад нөлөөлөх эсэхийг маргаан өдөөв
Энэтхэг UPI-ээр бизнес рүү чиглэсэн зарим төлбөрт шимтгэл нэвтрүүлж, зардал хэн дээр буухыг хурцаар тавилаа Энэтхэгийн Үндэсний төлбөрийн корпораци 10 сарын 15-наас 2000 рупиэс дээших тодорхой төлбөрт 0.4% MDR ногдоно гэв Шимтгэлийг хэрэглэгчид рүү дамжуулахыг хориглосноор худалдаачдын сонголт, дижитал төлбөрийн идэвх өөрчлөгдөх эрсдэлтэй
Холбооны нөөцийн банк хүү өсгөх төлөвтэй, Сенат крипто зохицуулалтын хуулийг унагав
АНУ-ын мөнгөний бодлогын шийдвэр болон крипто зохицуулалтын мухардал зах зээлийн анхаарлыг одоо төвлөрүүлж байна. Холбооны нөөцийн банк лхагва гаригт 25 суурь нэгжээр өсгөх магадлал 92 хувьтай байна. Bitcoin болон crypto хувьцаанд дарамт нэмэгдэж, хөрөнгө оруулагчид төв банкны дохио хүлээн болгоомжилж байна.
Газрын тос, бондын өгөөж огцом өссөн ч хөрөнгө оруулагчид хувьцаанд эрсдэл авах хандлагаа хадгалж байна
Газрын тосны үнэ, бондын өгөөжийн өсөлт зах зээлийг савлуулж байгаа ч эрсдэлийн дуршил буурахгүй байна. АНУ-ын 10 жилийн хугацаатай Төрийн сангийн өгөөж 5%-ийг давж, Bank of America-ийн судалгаанд менежерүүдийн цэвэр 49% нь хувьцааг илүүд үзжээ. Өндөр хүү өгөөжийн босгыг өсгөх ч хиймэл оюунд чиглэсэн хөрөнгө оруулалт өсөлт, ашгийг дэмжиж магадгүй.
Хонконг анхны таван жилийн төлөвлөгөөгөө танилцуулж, эх газрын Хятадтай түншлэлээ гүнзгийрүүлэхээ мэдэгдлээ
Хонконгийн засаг захиргаа анхны таван жилийн төлөвлөгөөгөө танилцуулж, санхүү, технологи, орон сууц болон эх газрын Хятадтай эдийн засгийн уялдааг гол чиглэлүүдээр тодорхойлов. Ирэх таван жилд 196,000 нийтийн орон сууцыг ашиглалтад оруулахын зэрэгцээ “Northern Metropolis” бүсийг шинэ ажлын байр, орон сууц, технологийн төв болгон хөгжүүлэхээр төлөвлөжээ. Хонконг дэлхийн санхүүгийн төвийн байр сууриа бэхжүүлэхийн тулд алт, түүхий эд, дижитал активын зах зээлийг хөгжүүлж, оффшор юанийн төв болох үүргээ өргөжүүлэхээр зорьж байна.