Улаанбаатар-Шинэ Дели чиглэлд таван цаг ниснэ
Улаанбаатар-Шинэ Дели-Улаанбаатар чиглэлийн тогтмол шууд нислэгийг долоо хоног бүрийн даваа гарагт хийхээр товложээ.
Улаанбаатар-Шинэ Дели-Улаанбаатар чиглэлийн тогтмол шууд нислэг есдүгээр сарын 28-наас эхэлж, агаарын тээврийн «Хүннү Эйр» компани уг чиглэлд долоо хоног бүрийн даваа гарагт нислэг үйлдэж байна. Улаанбаатараас Энэтхэг рүү зорчих хугацаа тав орчим цаг үргэлжилнэ.
Шууд нислэгтэй болохоос өмнө зорчигчид энэхүү чиглэлд Хонконг, Бээжин, Сөүл зэрэг хотоор дамжин 13-аас 18 цаг нисдэг байжээ. Нислэгийн хугацаа тав орчим цаг болж богиноссоноор Монгол, Энэтхэгийн хооронд аялал жуулчлал, бизнес болон эмчилгээний зорилгоор зорчиход илүү хялбар болж байна.
Тухайлбал, монголчууд Энэтхэгийн Буддын шашны түүх, соёлын дурсгалт газруудад хүрэхэд дөхөм болохын зэрэгцээ эмчилгээний зардлыг хэмнэх боломж бүрдэж байна. Харин Энэтхэгийн жуулчдын хувьд Монголын байгаль, түүх, соёлын өв болон өвлийн аялал жуулчлалтай танилцахад шууд нислэг шинэ сонголт болох юм.
Агаарын шууд холболт бий болсноор ачаа тээвэрлэлтийн хугацаа богиносож, зардлыг бууруулах боломж нэмэгдэнэ гэж Энэтхэгийн тал мэдээлжээ.
Мөн Монгол, Энэтхэгийн иргэд харилцан үнэ төлбөргүй виз авах боломжтой бөгөөд хоёр улсын иргэд цахим виз авах боломж бүрджээ.
Холбоотой мэдээ
Моносын уулзвараас Эмээлт хүртэлх авто замын гэрэлтүүлэгт ₮3.3 тэрбумыг зарцуулна
Моносын уулзвараас Эмээлт хүртэлх авто замыг гэрэлтүүлэгтэй болгох ажлыг наймдугаар сарын 5-наас эхлүүлж, энэ онд дуусгахаар төлөвлөжээ.
“Samsung” хиймэл оюуны дэд бүтцийн “Helix” компанид $1 тэрбумын хөрөнгө оруулалт хийнэ
“Samsung Electronics” болон группийн таван компани хиймэл оюуны дэд бүтцийн “Helix Digital Infrastructure” компанид 1 тэрбум ам.долларын хөрөнгө оруулалт хийхээр боллоо.
Нүхэн гарцууд ашиглалтад орсноор зарим замын ачаалал 17.6 хүртэл хувиар буурах тооцоо гарчээ
Хермес төвийн урд орших нүхэн гарцаар өдөрт 33 мянга гаруй, Геологийн төв лаборатори орчмын гарцаар 24.8-27.5 мянган тээврийн хэрэгсэл зорчих төлөвтэй байна.
Нийслэлд гурван нүхэн гарцын барилга үргэлжилж, түгжрэл ба төмөр замын гармын эрсдэлийг зэрэг бууруулах зорилт тавив
Нийслэл хотод гурван нүхэн гарцын барилга үргэлжилж, түгжрэлийг сааруулах төлөв одоо хамгийн анхаарал татав Нийслэлийн Тээврийн Удирдах Газар мэдээлснээр Геологийн төв лаборатори орчмын холбоос 11…
Даац хэтрүүлсэн ачаа тээвэрлэлтийг нэг сарын хугацаанд зогсооно
Зөвшөөрөгдөх дээд хэмжээнээс хэтэрсэн, задрах боломжгүй ачаа тээвэрлэлтийг аравдугаар сарын 15-наас арваннэгдүгээр сарын 15 хүртэл зогсооно.
“Булган мээж” компанийн ₮6 тэрбумын өрийг Эрчим хүчний сайдын багцад тусгахаар болжээ
Өвөлжилтийн бэлтгэлтэй холбоотой орон нутгаас ирүүлсэн 205 асуудлын 97-г шийдвэрлэж, үлдсэн 108 асуудлын хэрэгжилт үргэлжилж байна.