Яармагийн авто замын нэгдүгээр эгнээгээр зөвхөн автобус явуулах туршилт эхлүүлнэ
Яармагийн авто замын нэгдүгээр эгнээг нийтийн тээврийн автобусанд зориулан ашиглах бэлтгэл хангагдаж, туршилт эхлүүлэхэд бэлэн болжээ.
Яармаг чиглэлийн авто замын нэгдүгээр эгнээг зөвхөн нийтийн тээврийн автобус зорчих зориулалтаар ашиглах туршилтыг эхлүүлэхэд бэлэн болсон талаар Нийслэлийн Замын хөгжлийн газраас мэдээллээ.
Яармаг авто замын ачаалал ихтэй чиглэлүүдийн нэг бөгөөд нийтийн тээврийн хөдөлгөөнийг бусад автомашинаас тусгаарлах зорилгоор энэ зун нэгдүгээр эгнээнд шаардлагатай тэмдэг, тэмдэглэгээ болон камерын системийг суурилуулаад байна.
Туршилт эхэлснээр жолооч нар нэгдүгээр эгнээг чөлөөлж, нийтийн тээврээр зорчих боломж олгох шаардлагатайг албаныхан анхааруулав.
Чингисийн өргөн чөлөөг нийтийн тээврийн тусгай эгнээтэй болгох ажлын хүрээнд Яармагийн гүүрээс Энхтайвны гүүрний буцах эргэлт хүртэлх авто замыг өргөтгөн шинэчилж байна. Уг ажилд 2025-аас 2026 онд нийслэлийн төсвөөс 10.2 тэрбум төгрөг зарцуулахаар баталжээ.
Нийтийн тээврийн тусгай эгнээний зохицуулалт Улаанбаатар хотод шинээр нэвтэрч буй шийдэл биш. Одоогоор Энхтайвны өргөн чөлөө буюу хотын төв замын нэгдүгээр эгнээгээр зөвхөн нийтийн тээврийн автобус зорчдог.
Яармагийн чиглэлд ижил зохицуулалт нэвтрүүлснээр автобус бусад тээврийн хэрэгсэлтэй нэг эгнээнд түгжрэхгүй зорчих нөхцөл бүрдэх юм. Харин туршилтыг яг хэзээнээс эхлүүлэх болон тусгай эгнээний зохицуулалтыг ямар цагийн хуваариар мөрдүүлэх талаар Нийслэлийн Замын хөгжлийн газар тодорхой мэдээлээгүй байна.
Холбоотой мэдээ
Баянгол зочид буудал орчмын автобусны буудлын дэргэдэх барилгын хашлагыг буулгана
Тус буудлын дэргэд баригдаж буй барилгын хамгаалалтын хашлагыг компанийн төлөөллийг оролцуулан шөнийн цагаар буулгахаар болжээ.
Яармаг–Хархорин худалдааны төв чиглэлийн дүүжин тээврийн туршилт эхэлж, үнийн мэдээлэл ил боллоо
Яармаг–Хархорин худалдааны төв чиглэлийн дүүжин тээврийн туршилт эхэлж, зорчих үнийн хүрээ тодорлоо. Хотын дарга Б.
Дүүжин тээвэр иргэдийн сэтгэл ханамжид нийцвэл Хархорин захаас хотын төв хүртэл явуулах трассыг судална
Яармагаас Хархорин худалдааны төв хүртэл зорчих дүүжин замын тээврийн тасалбарыг 1,500-2,000 төгрөгийн үнэтэй байхаар урьдчилан тооцолж буйгаа албаныхан мэдээллээ.
Шуурхай штаб: Энхтайвны өргөн чөлөөгөөр зорчих автобусны дундаж хурд 15-16 км/цаг болж нэмэгдсэн
Энхтайвны өргөн чөлөөгөөр зорчих нийтийн тээврийн автобусны ашиглалтын хурд өмнөх жилүүдийн 12 км/цагаас нэмэгджээ.
Японы JOIN сан Монголын дэд бүтцийн төслүүдэд хөрөнгө оруулах боломжийг хэлэлцжээ
Японы төр, хувийн хэвшлийн хөрөнгө оруулалтын JOIN сан Монголын тээвэр, хот байгуулалт, дэд бүтцийн дунд болон том хэмжээний төслүүдийг санхүүжүүлэх боломжийг хэлэлцлээ.
