ЕРӨНХИЙ САЙД Н.УЧРАЛ ЗЭСИЙН БАЯЖМАЛ ХАЙЛУУЛАХ, БОЛОВСРУУЛАХ ҮЙЛДВЭРИЙН БҮТЭЭН БАЙГУУЛАЛТЫГ ЭРЧИМЖҮҮЛЭХИЙГ ҮҮРЭГ БОЛГОЛОО
Монгол Улсын Ерөнхий сайд Н.Учрал “Эрдэнэт үйлдвэр” ТӨҮГ-ыг түшиглэн байгуулах 772 сая ам.долларын өртөгтэй зэсийн баяжмал хайлуулах, боловсруулах үйлдвэрийн төслийн хэрэгжилтийн явцыг шалгаж, бүтээн байгуулалтыг эрчимжүүлж, гэрээ, хэлэлцээг ирэх арваннэгдүгээр сард багтааж дуусгахыг үүрэг болголоо.
Монгол Улс зэсийн баяжмалаа түүхийгээр экспортлох бус, дотооддоо боловсруулж, нэмүү өртөг шингэсэн эцсийн бүтээгдэхүүн үйлдвэрлэх, эдийн засгаа төрөлжүүлэх зорилтын хүрээнд уг төслийг үйлдвэрлэл, технологийн паркийн хэлбэрээр хэрэгжүүлж буй.
Үйлдвэр ашиглалтад орсноор жилд 560 мянган тонн зэсийн баяжмал боловсруулж, 124 мянган тонн катодын зэс үйлдвэрлэхээр төлөвлөжээ.
Төслийн техник, эдийн засгийн үндэслэл, байгаль орчинд нөлөөлөх байдлын нарийвчилсан үнэлгээ болон технологийн холбогдох баримт бичгүүд батлагдсан.
Үйлдвэрлэл, технологийн паркийн дэд бүтцэд 68 сая ам.долларын санхүүжилт хийж, эхний ээлжийг ашиглалтад хүлээн авсан, 2027 онд бүрэн дуусгахаар ажиллаж байна.
Төсөлд хөрөнгө оруулж, хамтран ажиллах сонирхолтой 20 гаруй улсын 55 компанид мэдээлэл хүргүүлснээс долоон улсын 13 компани санал ирүүлсэн.
Үе шаттай сонгон шалгаруулалтын үр дүнд БНХАУ-ын NFC компанийг стратегийн хөрөнгө оруулагчаар сонгож, хөрөнгө оруулагчтай санхүүжилт, хувьцаа эзэмшил, барилга угсралтын гэрээний хэлэлцээ үргэлжилж байна.
Ерөнхий сайд Н.Учрал төслийн хэрэгжилтийг эрчимжүүлэх хүрээнд дараах дөрвөн чиглэлээр үүрэг өглөө.
Нэгдүгээрт. Хөрөнгө оруулагчтай хийх хэлэлцээг эрчимжүүлж, Монгол Улсад ногдох эдийн засгийн үр ашгийг нэмэгдүүлэх, хөрөнгө оруулагчийн үүрэг, хариуцлагыг тодорхой болгох зарчмаар гэрээний төслийг эцэслэн Засгийн газрын хуралдаанд танилцуулах,
Хоёрдугаарт. Үйлдвэрээс гарах хүхрийн хүчлийг дотоодын үйлдвэрлэлд ашиглах, тэр дундаа Монгол, Францын хамтарсан “Бадрах Энержи” ХХК-ийн Зөөвч-Овоо болон бусад төсөлд тэргүүн ээлжид нийлүүлэх нөхцөлийг бүрдүүлэх,
Гуравдугаарт. Орхон аймгийн Баян-Өндөр, Жаргалант сумын нутаг дэвсгэр дэх “Эрдэнэт” үйлдвэрлэл, технологийн паркийн үйл ажиллагаа эрхлэх тусгай зөвшөөрлийг “Эрдэнэт үйлдвэр” ТӨҮГ-т шилжүүлэх асуудлыг Засгийн газрын хуралдаанаар шийдвэрлүүлэх,
Дөрөвдүгээрт. Үйлдвэрийн бүтээн байгуулалтад шаардлагатай түгээмэл тархацтай ашигт малтмал, хүхрийн хүчлийг саармагжуулах шохойн чулууны хайгуулын тусгай зөвшөөрлийн асуудлыг шийдвэрлүүлэх,
Үйлдвэрлэл, технологийн паркийн үйл ажиллагаатай холбоотой хууль, эрх зүйн зохицуулалт, дэд бүтцийн шийдэгдээгүй асуудлыг шуурхай шийдвэрлэж, бүтээн байгуулалтын ажлын төлөвлөгөөг эцэслэх чиглэл өглөө.
Үйлдвэр ашиглалтад орсноор зэсийн баяжмалыг дотооддоо боловсруулж, экспортын бүтээгдэхүүний нэмүү өртгийг өсгөхөөс гадна дагалдах үйлдвэрүүдийг хөгжүүлэх, ажлын байр бий болгох, аж үйлдвэрийн салбарын өрсөлдөх чадварыг нэмэгдүүлнэ.
Ерөнхий сайд Н.Учрал Монгол Улсын эдийн засагт бодит хувь нэмэр оруулж буй “Эрдэнэт үйлдвэр”-ийн уурхайчин, инженер зэрэг 7000 гаруй албан хаагчдын хөдөлмөр, зүтгэлд талархал илэрхийллээ.
Related articles
Autonomous combat drone capabilities to get massive expansion with $16 million funding boost
Ukrainian defense tech Buntar Aerospace has raised $16 million in a new financing round to...
Ship-to-shore connector that can enable access to 80% of world’s coastline to be delivered to US Navy
The U.S. Navy is expected to get two Ship-to-Shore Connector (SSC) craft. For this, Textron...
Jefferies warns AI boom could end in ‘massive capital destruction’ as Oracle and Nvidia default-protection costs hit records
Jefferies strategist Chris Wood says cheaper Chinese open-source models are likely to take market share and leave the US AI sector with massive capital destruction, as credit default swaps on Oracle, Nvidia and Broadcom climb to record levels.
Google’s AMIE medical AI passes first real-patient safety test in study published in The Lancet
In a Google and Beth Israel Deaconess Medical Center study, 98 patients chatted with the AMIE chatbot before urgent primary-care visits. No conversation needed a safety stop, and AMIE’s differential diagnoses matched doctors’ final diagnoses 90% of the time.
OpenAI says a model in training forged files and tried to wreck its own environment to force a reset
In misalignment reports updated October 9, OpenAI describes an internal grading model that, finding its input files missing, fabricated identical scores and fake files, then tried to delete parts of its environment hoping for a fresh one. None of its grades was accepted.
OpenAI and Anthropic executives are gaming out the ‘day after’ a major AI incident, Axios reports
Executives at leading AI labs are privately rehearsing how to respond to public and political backlash after a catastrophic AI event, most likely a cyberattack that disrupts finance, internet access, power or water, according to Axios.