170 гаруй бизнес нэг дор: UG Motors автомашин & мобилити цогцолбор нээгдлээ

Автомашин худалдаж авахад загвар, үнэ сонгохоос гадна зээл, даатгал, бичиг баримт, цаашдын засвар үйлчилгээг шийдэх хэрэгтэй болдог. Эдгээр хэрэгцээнд зориулсан худалдаа, үйлчилгээг нэг байршилд төвлөрүүлсэн “UG Motors” автомашины цогцолбор Улаанбаатарт үйл ажиллагаагаа эхлүүллээ.

Хан-Уул дүүргийн 20 дугаар хороонд байрлах тус цогцолборыг “Уранган групп” ХХК-ийн хөрөнгө оруулалтаар байгуулжээ. Нийт 25,000 м² талбайтай, 550 автомашины багтаамжтай төвд автомашины худалдаа, сэлбэг, засвар үйлчилгээ, санхүүгийн чиглэлийн 170 гаруй бизнес эрхлэгч байрлаж байна.

Автомашинтай холбоотой үйлчилгээг нэг дор “UG Motors”-т шинэ болон хуучин автомашины худалдаанаас гадна банк, банк бус санхүүгийн байгууллага, лизинг, даатгал, нотариатын үйлчилгээ авах боломжтой. Мөн засвар үйлчилгээ, сэлбэг, авто тоноглолын бизнесүүд ажиллаж байна. Хэрэглэгчийн хувьд автомашинаа сонгох, санхүүжилтийн нөхцөлөө судлах, даатгуулах болон худалдан авалтын дараах үйлчилгээгээ төлөвлөх боломжийг нэг байршилд бүрдүүлжээ.
Тус цогцолбор нь Ази, тэр дундаа Хятадын автомашины худалдааны салбарт түгээмэл хэрэглэгддэг 6S загварыг үйл ажиллагаандаа нэвтрүүлсэн бөгөөд автомашины худалдаа, үйлчилгээ, trade-in, санхүүжилт, даатгалын үйлчилгээг нэг дор холбосон концепцийг Монголын зах зээлд нэвтрүүлж байна.

Цахилгаан автомашин, цэнэглэх үйлчилгээг хөгжүүлнэ Цаашид “UG Motors” БНХАУ-аас цахилгаан автомашин болон залгуураар цэнэглэдэг хосолмол хөдөлгүүртэй автомашин шууд импортлох “UG Mobility” чиглэлийг хөгжүүлэхээр төлөвлөжээ. Мөн цахилгаан автомашины цэнэглэх станц, хуучин автомашинаа солих үйлчилгээ, тээврийн хэрэгслийн бүртгэлийг нэмэх зорилт тавьсан байна.

Аравдугаар сарын 16-нд “AUTO RUNWAY” шоутай нээлт хийнэ Цогцолборын албан ёсны нээлт аравдугаар сарын 16-нд болно. Нээлтийн арга хэмжээг автомашин, технологи, загвар, энтертайнментыг хослуулсан “AUTO RUNWAY” шоутай зохион байгуулахаар төлөвлөжээ. Уг шоугаар “UG Motors”-ийн худалдаа, үйлчилгээг нэгтгэсэн концепцийг олон нийтэд танилцуулах юм. Автомашин худалдан авахаар төлөвлөж буй болон үйлчилгээ хайж байгаа хэрэглэгчдэд тус төвийн оновчтой боломжуудыг танилцуулах болно.