ЗАСГИЙН ГАЗАР “ГЭРТ ОЙРХОН ЭМЧ, ОЙРХОН ЭМ” БОДЛОГО ХЭРЭГЖҮҮЛНЭ
Монгол Улсын Ерөнхий сайд Н.Учралын ивээл дор “Эрүүл мэндийн салбарын хөгжлийн түлхүүр-Сумын эрүүл мэндийн төв” үндэсний чуулган болж, сум, тосгоны эрүүл мэндийн төвийн эмч, мэргэжилтнүүд оролцож байна. Улсын хэмжээнд сумын эрүүл мэндийн 307 төв, сумын зургаан нэгдсэн эмнэлэгт 8560 эмч, мэргэжилтэн ажиллаж байна.
Үндэсний чуулганаар эрүүл мэндийн тусламж, үйлчилгээний бодлого, чанар болон хөдөөд ажиллаж амьдарч буй эмч, мэргэжилтнүүдийн ур чадвар, тогтвортой ажиллах нөхцөлийн талаар хэлэлцлээ.
Ерөнхий сайд Н.Учрал тус чуулганд оролцож, мэндчилгээ дэвшүүлж үг хэлэв.
Тэрбээр, сумын эрүүл мэндийн төвийг хөгжүүлж бэхжүүлэх нь эрүүл мэндийн тогтолцооны үндэс суурийг бататгах эрхэм зорилго юм. Анхан шатны тусламж, үйлчилгээ сайн байхын хэрээр монгол хүнээ өвчнөөс урьдчилан сэргийлэх, эрт илрүүлэх, эрүүл, зөв амьдрах ухаан, хэвшлийг дэлгэрүүлж чадна.
Засгийн газрын “ЧӨЛӨӨЛЬЕ” үндэсний санаачилгаар эрүүл мэндийн байгууллагын анхан шатны бүртгэлийн 274 төрлийн маягтыг 163 болгон цөөлсөн. Нийт маягтын тоог 40 хувиар багасгахаар ажиллаж байна. Эмч хүн алтан цагаа албаны цаасанд биш ард түмэндээ зориулах ёстой.
Эмч, сувилагч, мэргэжилтнүүдээ хөдөө, орон нутагт тогтвортой ажиллуулахын эх үндэс нь цалин хөлс, нийгмийн баталгаа, ажлын орчин, мэргэжлийн тасралтгүй хөгжлийг дэмжих цогц дэмжлэг юм. Анхан шатанд эмч, сувилагчийн зохистой харьцааг бүрдүүлэхэд анхаарна. Сувилагчдаа дэмжиж байж сувилахуйн тусламж хүндээ хүртээмжтэй байна гэлээ.
Монгол Улсын Засгийн газар “Гэрт ойрхон эмч, ойрхон эм” бодлогыг сум, тосгонд хэрэгжүүлнэ. Энэ бол иргэдийнхээ цаг, мөнгийг хэмнэх, лавлагаа шатлалын эмнэлгүүдийнхээ ачаалал дарааллыг бууруулах шийдэл юм гэлээ.
Орон даяар хүүхдийн эрт илрүүлэг, эмчилгээ тусламж үзүүлэх, эрүүл амьдрахуйн ухааныг эрт багаас нь суулган хэвшүүлэх ажил бэлтгэлээ базаагаад байна. Үр хүүхдийнхээ эрүүл саруул ирээдүйн төлөөх энэ үйлсэд сумын эрүүл мэндийн төв, сургууль, цэцэрлэг, эцэг эх, орон нутгийн удирдлага бүгд хичээн зүтгэнэ гэдэгт итгэж байна. Хүүхдийн эрүүл мэнд бол зөвхөн эмч, цагаан нөмрөгтнүүдийн үүрэг бус бүх салбар, томчууд, эцэг эхчүүд бидний хамтын үүрэг, хариуцлага гэдгийг Ерөнхий сайд онцлов.
Монгол Улсын Засгийн газар олон жилийн дуусдаггүй яриаг дуусгаж, үр дүн гаргахын төлөө ажиллаж байгааг Ерөнхий сайд хэлээд “Сумын эрүүл мэндийн төвийн хөгжлийн шинэ замын зураг өнөөдөр, одоо, энэ танхимаас гарах учиртай” гэлээ.
Source: https://zasag.mn/news/view/27812
Related articles
US Navy targets 3 nuclear submarines a year from 2031 under new four-pillar plan
The US Navy has announced a novel strategy to speed up its nuclear submarine construction,...
АЖЛЫН БАЙР НЭМЭГДҮҮЛЖ, ЗАЛУУСЫГ ОРОН СУУЦЖУУЛАХАД ДЭМЖЛЭГ ХЭРЭГТЭЙГ АХМАДУУД ХЭЛЖ, ЕРӨНХИЙ САЙДЫН ЕСӨН ШИЙДВЭРИЙГ ДЭМЖИЖ БУЙГАА ИЛЭРХИЙЛЛЭЭ
Монгол Улсын Ерөнхий сайд Н.Учрал Соёлын төв өргөөнд ахмадуудтай уулзаж /2026.09.22/ Засгийн газраас ахмад настны талаар хэрэгжүүлж буй бодлого, шийдвэрээ танилцуулж, санал хүсэлтийг нь сонсов. Манай улсад 444 мянга гаруй ахмад настан байна. Энэ тоо 2050 онд 2.2 дахин нэмэгдэж 991 мянгыг давна. Ирээдүйд хөдөлмөрийн насны хүн амын эзлэх хувь буурч, эрүүл мэндийн үйлчилгээ, тэтгэвэр тэтгэмж, нийгмийн хамгааллын зардал өсөхөөр байна. Тиймээс Засгийн газар ахмад настны нийгмийн хамгаалал, хөдөлмөр эрхлэлтийг дэмжих, эрүүл мэндийн тусламж үйлчилгээ, нийгмийн оролцоог хангах зэрэг зургаан зорилтыг хэрэгжүүлэн ажиллаж байна. Мөн Засгийн газраас УИХ-д өргөн мэдүүлсэн төсвийн тодотгол, 2027 оны төсвийн төсөл бүхэлдээ иргэдийн орлогыг хамгаалж, хөдөлмөр эрхлэлтийг дэмжинэ гэдгийг Ерөнхий сайд тодотгов. 2026 оны төсвийн тодотголоор үндсэн зургаан чиглэлд анхаарсан. Тухайлбал, 2026 оны төсвийн тодотгол батлагдвал ирэх арван нэгдүгээр сарын 01-нээс ахмадуудад суурь тэтгэвэр олгож эхэлнэ. Хамгийн бага тэтгэвэр 250 орчим мянган төгрөгөөр нэмэгдэж, нэг сая төгрөг, дундаж тэтгэвэр 1.3 сая төгрөгт хүрнэ. Төрийн үйлчилгээний албан хаагчдын үндсэн цалинг нэмнэ. Дулаан, цахилгааны үнэ нэмэхгүй. Эрчим хүчний салбарт 200 тэрбум төгрөгийн татаас олгоно. Их засвар, тоног төхөөрөмжийн шинэчлэлийг нь шийдвэрлэнэ. Улаанбуудай, төмс, хүнсний ногоо, махны нөөц бүрдүүлж, хангамжийг тогтворжуулна. Харин 2027 оны төсвийн төсөлд 16,000 өрхийг зургаан хувийн ипотекийн зээлд хамруулна. Төрийн банкаар дамжуулан дундаж давхаргыг дэмжсэн хөнгөлөлттэй зээлийн хөтөлбөр хэрэгжүүлнэ. Ахмад настан, зорилтот бүлгийн зайлшгүй шаардлагатай зарим эмийн үнийг 100 хувь хөнгөлнө. 100 сургуулийг цахилгаан тасардаггүй, сэргээгдэх эрчим хүчний системд холбож орчин үеийн “Ногоон сургууль” болгон шинэчилнэ. Мөн бүс бүрд Кембрижийн хөтөлбөртэй сургууль байгуулахаар төлөвлөсөн. Төсөв дагасан есөн шийдвэр хэрэгжсэнээр өрхийн бодит орлого өснө. 15,000 ажлын байр бий болно гэдгийг Ерөнхий сайд хэллээ. Нийт ахм
Г.ТЭМҮҮЛЭНГ ЗАСГИЙН ГАЗРЫН ГИШҮҮН-ХУУЛЬ ЗҮЙ, ДОТООД ХЭРГИЙН САЙДААР ТОМИЛЖ, БАТЛАМЖИЛЛАА
Монгол Улсын Үндсэн хууль, Монгол Улсын Засгийн газрын тухай хуульд заасны дагуу Монгол Улсын Ерөнхий сайд Н.Учрал Онцгой бүрэн эрхийнхээ дагуу Ганзоригийн Тэмүүлэнг Монгол Улсын Засгийн газрын гишүүн-Хууль зүй, дотоод хэргийн сайдаар /2026.09.22/ томилж, батламжиллаа. Монгол Улсын Засгийн газрын үйл ажиллагааны хөтөлбөрийг амжилттай хэрэгжүүлэхэд хууль дээдлэх ёсыг бэхжүүлэх, хүний эрх, эрх чөлөөг хамгаалах, шударга ёсыг төлөвшүүлэх, улс орны дотоод аюулгүй байдлыг хангах, иргэдийн төрд итгэх итгэлийг нэмэгдүүлэх нь нэн чухал. Үүний хүрээнд хууль тогтоомжийн хэрэгжилтийг сайжруулах, хууль сахиулах байгууллагын үйл ажиллагааг хүний эрхэд суурилсан, ил тод, хариуцлагатай болгох, гэмт хэрэгтэй тэмцэх, урьдчилан сэргийлэх тогтолцоог боловсронгуй болгох, иргэдэд үзүүлэх хууль зүйн болон төрийн үйлчилгээг шуурхай, хүртээмжтэй болгох нь тэргүүлэх зорилт болж байна. УИХ-ын гишүүн Г.Тэмүүлэнг эдгээрбодлого, зорилтыг хэрэгжүүлж, тулгамдсан асуудлуудад бодит шийдэл гаргах чадвартай хэмээн итгэл хүлээлгэн энэхүү хариуцлагатай албан тушаалд томилж буйгаа Ерөнхий сайд Н.Учрал хэллээ. Мөн Засгийн газрын бүх гишүүдэд хандан “Төрийн үйл хэрэгт хоёргүй сэтгэлээр зүтгэж, Үндсэн хуульт эрх зүйт төрийг бататгах үүргээ бүрэн ухамсарлан, танхимын зарчмаар хамтран ажиллах зарчмыг хатуу шаардаж ажиллана” гэдгээ илэрхийлэв. *УИХ-ын чуулганы нэгдсэн хуралдаанд Монгол Улсын Засгийн газрын гишүүнийг огцруулах, томилох тухай асуудлыг танилцуулж Монгол Улсын Ерөнхий сайд Н.Учрал үг хэлсэн.* Ерөнхий сайд: **“Улсын Их Хурлын гишүүд ээ,** Монгол Улсын Үндсэн хуулийн Гучин есдүгээр зүйлийн 4 дэх хэсэг, Монгол Улсын Засгийн газрын тухай хуулийн 21 дүгээр зүйлийн 5 дахь хэсэг, 23 дугаар зүйлийн 1 дэх хэсгийн 2 дахь заалтад заасны дагуу Монгол Улсын Ерөнхий сайд миний бие Үндсэн хуульд заасан Онцгой бүрэн эрхийнхээ дагуу Сайнбуянгийн Амарсайханыг Монгол Улсын Засгийн газрын гишүүн, Хууль зүй, дотоод хэргийн сайдын үүрэгт ажлаас чөлөөлж, Ганзоригийн Тэмүүлэнг Монгол Улсын Засгий