Баруун Африк-Үнэт металлын компаниудын зайлшгүй анхаарах бүс
Бүс нутаг дахь байр сууриа нэмэгдүүлэхийн тулд “Fortuna Mining” компани “Barrick Mining” болон “IAMGOLD”-оос “Bambadji” төслийг худалдан авчээ. Зарим тоног төхөөрөмжөө эцсийн хөрөнгө оруулалтын шийдвэрээс өмнө захиалж байна. Чадварлаг ажилтан, тоног төхөөрөмж болон эрчим хүчний үүсгүүрийн төлөөх өрсөлдөөн нэмэгдэж байгаа нь уурхайн төслүүдийн хугацаа, зардалд нөлөөлөх эрсдэл болов.
Баруун Африк хэдийгээр геополитикийн эрсдэл өндөр ч алт, бусад үнэт металлын салбарын компаниудын зайлшгүй анхаарах бүс болж байгааг шинжээчид онцолж байна.
“Хэрэв үнэт металлын салбарт жинтэй тоглогч болохыг хүсвэл Баруун Африкт байх хэрэгтэй” хэмээн “Fortuna Mining” компанийн гүйцэтгэх захирал Хорхе Ганоса хэлжээ. Түүний тайлбарласнаар тус бүс нутгийн гол давуу тал нь ашигт малтмалын нөөцөөс гадна уурхайн зөвшөөрөл авах, төслийг бүтээн байгуулалтын шатанд хүргэх хурд юм.
Геополитикийн эрсдэл өндөр хэдий ч төслийн хөгжүүлэлтийг бусад бүсээс хурдан ахиулах боломж нь хөрөнгө оруулагчдад тодорхой өгөөж санал болгодог гэж тэр үзэж байна.
“Fortuna Mining” одоогоор Баруун Африкт болон Латин Америкт хоёр уурхай ажиллуулдаг. Компанийн стратеги нь хөрөнгө оруулалтын орчин өөрчлөгдөх үед капиталаа бүс нутгуудын хооронд шилжүүлж, илүү таатай боломж нээгдэж буй зах зээлд багцаа тэнцвэржүүлэхэд чиглэжээ.
Баруун Африк дахь байр сууриа өргөжүүлэх хүрээнд “Fortuna Mining” уул уурхайн “Barrick Mining” болон “IAMGOLD” компаниудаас “Bambadji” төслийг худалдан авсан байна.
Ажиллах хүч, тоног төхөөрөмж гол эрсдэл болж байна
“Bambadji” төслийн хөгжүүлэлтийн эрсдэлийн талаар Ганоса аюулгүй байдлаас илүүтэй чадварлаг ажилтан болон тоног төхөөрөмжийн төлөөх өрсөлдөөнийг онцолжээ.
Уул уурхайн төслүүд зэрэг урагшилж байгаа нөхцөлд инженер, техникийн ажилтан болон гол тоног төхөөрөмжийн нийлүүлэлт хүрэлцэхгүй болох эрсдэлтэй. Нийлүүлэгчид томоохон захиалагчдыг түрүүлж хангах хандлагатай байдаг тул илүү өндөр үнэ санал болгосон ч тоног төхөөрөмжийг хугацаанд нь авах баталгаа болохгүй гэж тэр тайлбарлав.
“Fortuna Mining” ашиглалтын зөвшөөрлөө хүлээж байгаа ч төслийн хугацааг алдахгүйн тулд зарим гол тоног төхөөрөмжийн худалдан авалтыг аль хэдийн эхлүүлжээ.
“Бид ашиглалтын зөвшөөрөл хүлээж байгаа ч эцсийн хөрөнгө оруулалтын шийдвэр гарахаас өмнө тоног төхөөрөмж авч, мөнгөө эрсдэлд оруулж байна” гэж Ганоса хэлсэн байна.
Ийм урьдчилсан худалдан авалт нь төслийг хурдан эхлүүлэх боломж нэмэгдүүлэх боловч зөвшөөрөл, санхүүжилтийн эцсийн шийдвэр гарахаас өмнө компанийн хөрөнгийг эрсдэлд оруулдаг.
Дата төвүүд уурхайн тоног төхөөрөмжийн эрэлтэд нөлөөлж байна
Хангамжийн хамгийн хүндрэлтэй хэсгийн нэг нь эрчим хүчний үүсгүүр болж байгааг Ганоса онцлов. Гэхдээ түүний хэлснээр эрэлтийг уул уурхайн салбар бус, дэлхий даяар хурдацтай нэмэгдэж буй өгөгдлийн төвүүд голлон хөдөлгөж байна.
Өгөгдлийн төвүүдийн эрчим хүчний хэрэглээ өсөхийн хэрээр цахилгаан үүсгүүр болон холбогдох тоног төхөөрөмжийн захиалга нэмэгдэж, уурхайн компаниуд технологийн салбарын томоохон хөрөнгө оруулагчидтай ижил нийлүүлэлтийн сүлжээнд өрсөлдөх болжээ.
Ингэснээр Баруун Африк уурхайн зөвшөөрөл, бүтээн байгуулалтын хурдаар давуу хэвээр байгаа ч чадварлаг ажилтан, тоног төхөөрөмж болон эрчим хүчний дэд бүтцийн хүртээмж нь төслийн хугацаа, хөрөнгө оруулалтын зардлыг тодорхойлох чухал хүчин зүйл болж байна.
Холбоотой мэдээ
ХАЙГУУЛЫН АЖЛЫГ ЭРЧИМЖҮҮЛЖ, НҮҮРСНИЙ САЛБАРЫГ ҮЙЛДВЭРЛЭЛ, ТЕХНОЛОГИЙН ШИНЭ ҮЕ ШАТАНД ГАРГАНА
“Уул уурхайн 7 хоног” олон улсын арга хэмжээ хоёр дахь өдрөө үргэлжилж байна. Тав дахь жилдээ зохион байгуулагдаж буй энэ жилийн арга хэмжээ “Тогтвортой хөгжлийн төлөө: Ногоон ирээдүй ба олон улсын түншлэл” уриан дор болж байна. Энэ хүрээнд Аж үйлдвэр, эрдэс баялгийн яамны Төрийн нарийн бичгийн дарга Б.Дашпүрэв “Монгол Улсын нүүрсний салбарт баримтлах төрийн бодлого” […]
Канадын уул уурхайн салбар дэлхийн хөрөнгө татах шинэ мөчлөгт орох гарц хайж байна
Тус улс чухал ашигт малтмалын эрэлт, төрийн дэмжлэг болон боловсруулах үйлдвэрлэлийн хөрөнгө оруулалтаас шалтгаалан дэлхийн капиталыг илүү ихээр татах боломжтой. Канад дахь уул уурхайн хөгжүүлэлтийн жилийн хөрөнгө оруулалт ойрын хоёр жилд 11 хувиас дээш өсч, “BMO”-ийн компаниуд таван жилийн хугацаанд нийт 350 тэрбум канад доллар зарцуулах төлөвтэй. Хөрөнгө оруулалтын дараагийн гол чиглэл нь шинэ уурхайгаас гадна зэс хайлуулах, батарейн материал, газрын ховор элемент боловсруулах зэрэгт төвлөрнө.
БНХАУ-ААС ШАТАХУУН ТОГТВОРТОЙ, УРТ ХУГАЦААНД АВАХ ГЭРЭЭ ХИЙЖ, ГАЗРЫН ТОСНЫ ЭРЭЛ, ХАЙГУУЛЫГ ХАМТРАН ЭРЧИМЖҮҮЛЭХЭЭР ТОХИРОЛЦОВ
Аж үйлдвэр, эрдэс баялгийн сайд Г.Дамдинням БНХАУ-ын Газрын тосны корпораци /CNPC/-ийн Ерөнхий захирал Жоу Шиньхуайтай уулзаж, Монгол, Хятад хоёр улсын газрын тосны салбарын хамтын ажиллагааг шинэ шатанд гаргах, дараагийн 20 жилийн стратегийн түншлэлийг өргөжүүлэх асуудлаар санал санал тавьж хамтарч ажиллахаар тохиролцов. Уулзалтаар шатахууны урт хугацааны тогтвортой нийлүүлэлт, газрын тосны хайгуул, олборлолт, шинэ хайгуулын талбайн хамтын […]
БНХАУ-ЫН “NORINCO GROUP” -ТЭЙ ШАТАХУУНЫ ХАНГАМЖИЙГ НЭМЭГДҮҮЛЭХ, НҮҮРС ХИМИЙН ҮЙЛДВЭР БАЙГУУЛАХ, НОГООН ШИЛЖИЛТИЙГ ЭРЧИМЖҮҮЛЭХ ЧИГЛЭЛҮҮДЭЭР ХАМТРАН АЖИЛЛАНА
Аж үйлдвэр, эрдэс баялгийн сайд Г.Дамдинням Бүгд Найрамдах Хятад Ард Улсад ажиллах үеэрээ NORINCO Group-ийн удирдлагатай уулзаж, газрын тосны бүтээгдэхүүний тогтвортой нийлүүлэлт, нүүрсийг гүн боловсруулах, геологи хайгуулын салбарт хамтран ажиллах асуудлаар хамтын ажиллагааны санал тавьлаа. Газрын тосны бүтээгдэхүүний нийлүүлэлтийн хэмжээг тодорхой болгох, үнийн томьёоллыг урьдчилан тохирсон урт хугацааны гэрээний нөхцөл бүрдүүлэх талаар ярилцаж тохиролцлоо. NORINCO […]
“Энержи Ресурс”-ийн баяжуулсан коксжих нүүрсний үнэ биржийн арилжаагаар 24.8 хувиар өслөө
12.8 мянган тонн баяжуулсан коксжих нүүрсний үнэ тонн тутамд 1,150 юаниас 1,435 юань хүрэв. Нэг тонн нүүрсний үнэ дуудлага худалдааны явцад 285 юаниар нэмэгджээ. Нүүрсний өндөр хэлцлийн үнэ экспортын орлого, валютын урсгалд эерэг нөлөөлнө.
“Рио Тинто” Квинслэнд дэх “Aurukun” бокситын төслийг худалдан авахаар тохиролцжээ
Хэлцлийн санхүүгийн нөхцөлийг одоогоор зарлаагүй бөгөөд олборлолтын тусгай зөвшөөрөл аваагүй байна. “Aurukun” төсөл “Rio Tinto”-ийн “Weipa” дахь одоогийн бокситын олборлолттой ойр байрладаг. Тус компани бүс нутгийн түүхий эдийн баазыг өргөжүүлэх боломжтой ч уугуул иргэдтэй хийх зөвшилцөл хэлцлийн цаашдын явцад нөлөөлнө.