Энэтхэгийн ногоон эрчим хүчний шилжилт батарейн импортоос хамаарч байна
Энэтхэгт нар, салхины эх үүсвэр нийт цахилгаан үйлдвэрлэлийн хүчин чадлын 40 гаруй хувийг бүрдүүлдэг. Гэвч батарейн хадгалалтын нийлүүлэлтэд Хятадаас өндөр хамааралтай хэвээр... Тус улс 2027 оноос нар, салхины шинэ төслүүдэд батарейн хадгалалт заавал суурилуулах санал гаргасан ч ойрын хугацаанд импортын хамаарал хэвээр үлдэх төлөвтэй байна.
Энэтхэг улс сэргээгдэх эрчим хүчээ хурдацтай нэмэгдүүлж байгаа ч нар болон салхины эх үүсвэрээс үйлдвэрлэсэн цахилгаан хадгалах батарейн нийлүүлэлт тус улсын эрчим хүчний бие даасан байдлын гол сорилт болж байна.
Энэтхэгийн Засгийн газрын бодлогын судалгааны “Niti Aayog” байгууллагын мэдээллээр нар, салхины станцууд улсын нийт суурилагдсан цахилгаан үйлдвэрлэлийн хүчин чадлын 40 гаруй хувийг бүрдүүлжээ. Гэвч сэргээгдэх эх үүсвэрийн үйлдвэрлэл цаг агаар, өдрийн цаг болон улирлаас хамаарч өөрчлөгддөг тул цахилгааны нийлүүлэлтийг тогтворжуулах батарейн хадгалалтын хэрэгцээ нэмэгдэж байна.
Нөгөө талд Энэтхэгийн цахилгаан үйлдвэрлэл нүүрснээс ихээхэн хамааралтай. Төв Эрчим хүчний газрын мэдээллээр өнгөрсөн гуравдугаар сараар дууссан санхүүгийн жилд нийт цахилгааны бараг 70 хувийг нүүрсээр үйлдвэрлэсэн бол нар, салхины эх үүсвэрийн нийлбэр хувь 15 гаруй байжээ.
Ерөнхий сайд Нарендра Моди Ерөнхий сайд Нарендра Моди “Эрчим хүчний аюулгүй байдал бол өнөө цагийн зайлшгүй хэрэгцээ” гэж онцлоод, “Эрчим хүчгүйгээр шинэ ертөнцийг ажиллуулах улам бүр хэцүү болж байна” хэмээн мэдэгджээ.
Батарейн 80 орчим хувь БНХАУ-аас нийлүүлэгддэг
Эрчим хүч, уул уурхайн салбарын судалгааны “Wood Mackenzie” компанийн мэдээллээр Энэтхэгийн сэргээгдэх эрчим хүч хадгалах батарейн бараг 80 хувийг Хятадаас нийлүүлдэг. Үлдсэн хэсгийн ихэнхийг БНСУ, Тайвань зэрэг Азийн бусад зах зээлээс импортолж байна.
Импорт цөөн хэдэн улсад төвлөрсөн нь батарейн нийлүүлэлтийг тээвэр логистик, геополитикийн өөрчлөлт болон дэлхийн зах зээлийн үнийн хэлбэлзэлд илүү мэдрэмтгий болгож буйг шинжээчид CNBC-д тайлбарлажээ.
Дотоодын үйлдвэрлэлийн хэмжээ одоогоор өсөн нэмэгдэж буй эрэлтийг нөхөх түвшинд хүрээгүй байна. “Wood Mackenzie”-ийн тооцоогоор 2026 онд өрсөлдөөнт тендерүүдтэй холбоотой батарейн хадгалалтын төслүүдийн боломжит эрэлт 260 гигаватт-цагт хүрч байгаа бол Энэтхэгийн дотоодын үйлдвэрлэл уг хэмжээний 1 хувьд ч хүрэхгүй байгаа аж.
Шинэ төслүүдэд батарей заавал суурилуулах санал гаргав
Батарейн эрэлтийг тогтвортой бий болгох зорилгоор Энэтхэгийн Төв Эрчим хүчний газар 2027 оны долоодугаар сараас хойш ашиглалтад орох төрийн шинэ нар, салхины төслүүдэд эрчим хүч хадгалах батарей заавал суурилуулах зохицуулалтын төсөл санал болгожээ.
Уг шаардлага хэрэгжвэл батарейн хадгалалт сэргээгдэх эрчим хүчний төслүүдийн хөрөнгө оруулалт, зураг төсөл болон нийлүүлэлтийн гэрээний үндсэн хэсэг болох юм. Үүний зэрэгцээ дотоодын батарейн үйлдвэрлэлийн эрэлтийг нэмэгдүүлэх боломжтой ч үйлдвэрлэлийн хүчин чадал богино хугацаанд хүрэлцэхгүй байгаа тул импортын хэрэгцээ үргэлжлэхээр байна.
“Wood Mackenzie”-ийн шинжээч Рэй Тэйгийн тайлбарласнаар нар, салхины цахилгаан үйлдвэрлэл өдрийн цаг, цаг агаар болон улирлаас хамааран өөрчлөгддөг бөгөөд хамгийн их үйлдвэрлэл цахилгааны оргил хэрэглээтэй заавал давхцдаггүй.
Ийм нөхцөлд батарейн хадгалалт нь зөвхөн сэргээгдэх эрчим хүчний хүчин чадлыг нэмэгдүүлэх нэмэлт технологи бус, цахилгаан сүлжээний найдвартай ажиллагааг хангах чухал бүрэлдэхүүн болж байна. Энэтхэг улс ногоон эрчим хүчний хүчин чадлаа нэмэгдүүлэхийн хэрээр батарейн дотоодын үйлдвэрлэлийг хэр хурдан өргөжүүлж чадах нь тус улсын импортын хамаарал болон эрчим хүчний аюулгүй байдлын цаашдын чиглэлийг тодорхойлох гол хүчин зүйл болохоор байна.
Холбоотой мэдээ
Өмнөговь аймгийн эрчим хүчний импортод 50 тэрбум төгрөгийн татаас тусгажээ
Эрчим хүчний яам импортын эх үүсвэрээр Өмнөговь аймгийн хэрэглээг хангаж, татаасыг наймдугаар сараас арваннэгдүгээр сар хүртэл тооцсон аж. Төсвийн хэлэлцүүлгийн үеэр импортын зардлаас гадна эрчим хүчний гадаад эх үүсвэрээс хамаарах түвшин нэмэгдэх эсэх асуудал анхаарлын төвд орлоо. Зарим гишүүн импортод төсвөөс тогтмол санхүүжилт олгох нь эрчим хүчний хэрэглээг гадаад эх үүсвэрээр хангах бодлогын сонголтыг бэхжүүлж болзошгүй гэж үзжээ.
Эдийн засгийн байнгын хороо 2026 оны төсвийн тодотголд БНХАУ-аас эрчим хүч импортлох зардлыг хэлэлцэв
Улсын Их Хурлын Эдийн засгийн байнгын хороо төсвийн тодотголд туссан эрчим хүчний импортыг хэлэлцэж, хараат байдлын маргаан өрнөв. Тодотголд БНХАУ-аас 50 тэрбум төгрөгөөр эрчим хүч импортлох, найм-арваннэгдүгээр сард татаас тооцохоор тусгасан байна. Өмнөговийн хэрэглээг гаднаас хангах төлөв нэмэгдвэл үнэ, нийлүүлэлтийн эрсдэл дотоод бодлогод дарамт болно.
"Дизель түлшний үнэ өссөөр байвал АНУ-ын эдийн засаг чимээгүйхэн мөхнө"
АНУ-д дизель түлшний дундаж үнэ галлон тутамдаа анх удаа 6 ам.доллар давж, ачаа тээвэр, хөдөө аж ахуй, үйлдвэрлэлийн зардлыг нэмэгдүүлж байна. Калифорнид дизель 7.9827 ам.доллар болж, ачааны машин болон фермерүүдийн шатахууны зардал жилийн өмнөхөөс 63 хувиар өсчээ. Боловсруулах үйлдвэрүүд бараг бүрэн хүчин чадлаар ажиллаж, дэлхийн хэмжээнд нийлүүлэлт хумигдав.
Их Британийн банкууд гэнэтийн ашгийн татварын эсрэг байр сууриа чангатгалаа
“UK Finance”-ийн тооцоогоор банкуудын Их Британи дахь үйл ажиллагаанаас үүсэх нийт татварын хувь 2025 онд 46.4 хувьд хүрчээ. Банкууд нэмэлт татвар хөрөнгө оруулалтыг сааруулж, Лондоны олон улсын санхүүгийн төвийн өрсөлдөх чадварыг сулруулж болзошгүй. Их Британид банкууд 25 хувийн аж ахуйн нэгжийн орлогын албан татвар дээр нэмэлт 3 хувийн татвар төлдөг.
Төсөв дүрмээ дагах уу, дүрэм төсвөө дагах уу?
2026 оны төсөв үндсэн тоон хязгааруудаа зөрчөөгүй ч төсөвт тааруулан дүрмээ өөрчлөх эрсдэл анхаарлын төвд байна. 13 хувийн инфляц, ₮1.2 их наядын тэнцвэржүүлсэн алдагдал дотоод эмзэг байдал өндөр хэвээр байгааг харуулж байна. Гол маргаан нь төсвийн хэмжээ бус, дунд хугацааны хүрээ болон төсвийн дүрмийг улс төрийн шийдвэрээр байнга өөрчлөх эсэхэд төвлөрч байна.
Хятадын үйлдвэрлэгчийн үнэ 3.8 хувиар өслөө: Монголын импортын барааны өртөгт нөлөөлөх үү?
Хятадын үйлдвэрлэгчийн үнийн өсөлт наймдугаар сард 3.8 хувьд хүрч хурдаслаа. Үйлдвэрлэлийн өртгийн өсөлт Монголын Хятадаас импортолдог зарим барааны үнэд дамжих эрсдэлтэй. Монголын экспортын хувьд Хятадын үйлдвэрлэлийн бодит эрэлт хэр өөрчлөгдөх нь илүү чухал үзүүлэлт юм.