Foxt.app Монголд бүтээгдсэн хэл сургалтын технологио дэлхийн хэрэглэгчдэд хүргэх зорилтоо тодотголоо

Foxt.app Монголд хөгжүүлсэн хэл сургалтын технологио олон улсын хэрэглэгчдэд хүргэх зорилтоо тодотгож, АНУ-д бүртгэлтэй стартап болсон байна. Тус платформ нь хэл суралцахыг “онлайн курс” маягаар нэг тал руу нь хэлбийлгэхгүйгээр, багштай бодитоор ярилцах болон Live room-д дадлага хийх боломжийг нэг дор нэгтгэснээрээ онцлог. Үүн дээр богино видео үзэх, хиймэл оюун орчуулга ашиглах зэрэг хэрэглэгчийн өдөр тутмын хэрэглээнд ойр элементүүдийг давхар оруулжээ.

Платформын хэрэглээний гол хэсэг нь суралцагч-багагийн харилцан ярианд суурилсан шийдлүүд байна. Foxt.app-д Live room орчинд бодитоор ярилцаж, сонсгол, ярианы дадлага хийх боломж бүрдэхийн зэрэгцээ апп дотроо хиймэл оюун орчуулга ашиглах функционалтай. Ингэснээр нэг талаас сургалтын тасралтгүй урсгалыг хадгалах, нөгөө талаас хэрэглэгчийн түгдрэх мөчүүдэд “саад” багатайгаар үргэлжлүүлэх нөхцөл бүрдүүлж байгааг компанийн танилцуулгад дурджээ.

Foxt.app мөн Learn 2gether гэх горим нэвтрүүлсэн нь хоёр суралцагч нэг багштай нэг хичээлд хамт сууж, харилцан яриагаар дадлага хийх боломж олгодог. Энэ нь ганцаарчилсан хичээлийн бүтэцтэй хэрнээ, харилцааны бодит динамикийг оруулж өгч байгаа хэлбэр гэж ойлгогдоно. Хэлний хэрэглээ, аялга, хариу үйлдэл зэрэгт “амьд” орчны хэрэгцээ өндөр байдгийг олон нийтэд танил ойлголтоор тайлбарладаг Стивен Крашен зэрэг судлаачдын нэр яригддаг ч, Foxt.app энэ удаа хэрэглэгчийн оролцоог нэмэгдүүлэх бүтээгдэхүүний горимоороо илүү тодорхой мессеж өгч байна.

Багшийн сүлжээний хувьд тоо хэмжээ төдийгүй олон улсын хамрах хүрээг зэрэг тодотгожээ. Foxt.app дээр 3,700 гаруй багш бүртгэгдсэнээс 30 улсын 1,000 гаруй мэргэжлийн багш шалгуур ханган онлайн хичээл орж эхэлсэн байна. Энэ нь зөвхөн Монгол багш нарыг нэг платформд төвлөрүүлэхээс гадна, олон улсын багшийн нийлүүлэлтийг бий болгож, суралцагч талын сонголтыг өргөсгөх тооцоололтой алхам болж харагдаж байна. Нөгөө талд “Foxt” нэртэйгээр компани бүтээгдэхүүнээ нэг мөр брэнджүүлэх оролдлого хийж буй нь дэлхийн зах зээлд танигдах зорилготой нь уялдана.

Хэрэглэгчийн B2C сегментээс гадна байгууллагын хэрэгцээнд зориулсан Corporate хэсгийг тусгайлан хөгжүүлсэн байна. Энэ нь байгууллагад ажилтнуудын сургалтын идэвх, зарцуулалт, ахицыг нэг дороос хянах боломж олгодог гэж дурджээ. Өөрөөр хэлбэл, хувь хүний сургалт төдийгүй байгууллагын түвшний сургалтын удирдлага, тайлагналын хэрэгцээг нэг бүтээгдэхүүн дотор шийдэхийг зорьж байна. Ийм төрлийн хяналт, хэмжүүрийн боломж нь байгууллагын худалдан авалтын шийдвэрт нөлөөлдөг тул олон улсын өргөжилтийн үед үнэ цэнэ нь тод харагдах боломжтой.

Foxt.app-ийн чиглэж буй зах зээл ч өсөлтийн хүлээлттэй байна. Дэлхийн онлайн хэл сургалтын зах зээл 2024 онд 22.1 тэрбум ам.доллар байсан бол 2030 он гэхэд 54.8 тэрбум ам.долларт хүрэх төлөвтэй гэж компанийн мэдээлэлд дурдсан. Өргөжилт амжилттай болвол Монгол багш нар дэлхийд орлого олох, цаашлаад Монголд бүтээгдсэн бүтээгдэхүүн олон улсын өрсөлдөөнд гарах гарц нэмэгдэнэ. Одоо харин АНУ-д бүртгэлтэй стартап гэсэн статустайгаар Foxt.app хэрэглэгч, багш, байгууллагын гурван талын хэрэглээг зэрэг “даах” бүтээгдэхүүнийхээ давуу талуудыг бодит өсөлт болгон хувиргаж чадах эсэх нь анхаарал татах хэсэг болж байна.