АНУ-ын Засгийн газрын 10 жилийн бондын өгөөж 2007 оноос хойших дээд түвшинд хүрлээ
Өндөр хүү санхүүгийн системийн аль хэсэгт хамгийн түрүүнд нөлөөлөх вэ гэсэн асуулт зах зээлд дахин урган гарлаа. 10 жилийн хугацаат бондын өгөөж орон сууцны зээлээс эхлээд компанийн өрийн санхүүжилт хүртэл олон төрлийн зээлийн өртөгт жишиг болдог. Өгөөж цаашид нэмэгдэх эсэхээс илүү өнөөгийн өндөр түвшин хэр удаан хадгалагдах нь чухал байна.
АНУ-ын Засгийн газрын 10 жилийн хугацаатай бондын өгөөж мягмар гарагийн арилжаагаар 2007 оноос хойших хамгийн өндөр түвшинд хүрч, өндөр хүү санхүүгийн системийн аль хэсэгт хамгийн түрүүнд нөлөөлөх вэ гэсэн асуулт зах зээлд дахин урган гарлаа.
10 жилийн хугацаат бондын өгөөж орон сууцны зээлээс эхлээд компанийн өрийн санхүүжилт хүртэл эдийн засаг дахь олон төрлийн зээлийн өртөгт жишиг болдог. Өгөөж өндөр түвшинд удаан хадгалагдвал өмнө нь бага хүүтэй үед өр босгосон зээлдэгчид шинэ нөхцөлөөр дахин санхүүжилт хийхдээ мэдэгдэхүйц өндөр өртөгтэй тулгарах эрсдэлтэй.
Хөрөнгийн удирдлагын “Cresset Capital” компанийн Жэк Аблин саяхны ярилцлагадаа 5 хувийн өгөөж тухайн өдөртөө санхүүгийн системд шууд доголдол үүсгэхгүй ч 12-оос 18 сарын дараа өрийн хугацаа дуусч, шинэ хүүгээр дахин санхүүжүүлэх үед хүндрэл илүү тодорч болзошгүйг онцлов.
Түүний хэлснээр, өгөөж цааш нэмэгдэх эсэхээс илүү өнөөгийн өндөр түвшин хэр удаан хадгалагдах нь чухал байна. Өндөр хүү удаан үргэлжлэх тусам хуучин, хямд өртөгтэй өрийг илүү үнэтэй санхүүжилтээр солих компани, өрхийн тоо нэмэгдэнэ.
Дахин санхүүжилтийн өртөг эрс нэмэгдэж байна
Зах зээлийн оролцогчид орон сууц, үл хөдлөх хөрөнгө болон өр ихтэй компаниудыг хамгийн эмзэг хэсгүүдийн нэг гэж үзэж байна.
Санхүүгийн үйлчилгээний “TD Securities” компанийн Билли Лёнг зарим зээлдэгч 2-оос 3 хувийн хүүтэй авсан өрөө 6-аас 8 хувийн өртгөөр дахин санхүүжүүлэх шаардлагатай болж байгааг дурджээ.
Ийм зөрүү нь өрийн үйлчилгээний зардлыг огцом нэмэгдүүлж, компанийн үйл ажиллагаанд ашиглах бэлэн мөнгийг багасгана. Лёнгийн тайлбарласнаар өндөр хэмжээний дахин санхүүжилтийн өртөг нь мөнгөн урсгал сулрах, хөрөнгийн үнэлгээ буурах, зээлийн чанар муудах эрсдэлийг дагуулж байна.
Ялангуяа бага хүүтэй үед их хэмжээний өр босгосон компаниудын хувьд асуудал нь хүүгийн өнөөгийн түвшинд бус, өрийн хугацаа дуусч шинэ нөхцөлөөр санхүүжилт босгох мөчид төвлөрч байгаа юм.
Өндөр өгөөж хэр удаан үргэлжлэх вэ?
Бондын өгөөжийн өсөлт богино хугацаанд зах зээлийн савлагааг нэмэгдүүлэхээс гадна цаашид өрхийн болон компанийн санхүүжилтийн бодит өртгийг өндөр түвшинд хадгалах эрсдэлтэй.
Иймээс зах зээлийн гол анхаарал “өнөөдөр юу доголдох вэ” гэхээс илүү 10 жилийн бондын өгөөж өндөр түвшинд хэр удаан тогтох, мөн дараагийн дахин санхүүжилтийн мөчлөгт аль салбар хамгийн их өртөх вэ гэдэгт шилжиж байна.
Холбоотой мэдээ
Том зураглал: Европын Холбоо Канадтай "онцгой түншлэл" байгуулах саналд болгоомжтой хандсаар байна
Канад ЕХ-той эдийн засаг, геополитикийн харилцаагаа гүнзгийрүүлэх санал дэвшүүлсэн ч ЕХ-ны хэд хэдэн улс Канадад худалдааны тусгай нөхцөл олгоход болгоомжтой хандаж байна. Канад, ЕХ-ны чөлөөт худалдааны "CETA" хэлэлцээр 2017 оноос түр хэрэгжиж байгаа ч үүнийг Франц, Итали тэргүүтэй 10 улс одоог хүртэл бүрэн соёрхон батлаагүй байна. Талууд батлан хамгаалал, чухал ашигт малтмал болон дижитал худалдааны салбарт түншлэлээ өргөжүүлэх боломжийг хэлэлцэж буй ба аравдугаар сарын сүүлээр Монреальд дээд хэмжээний уулзалт хийхээр төлөвлөжээ.
Их Британийн инфляц наймдугаар сард 3.1 хувьд хүрч, өмнөх сарын 2.9 хувиас эрчимжлээ
Үүнд бензин болон дизелийн үнэ огцом нэмэгдсэн нь инфляц өсөхөд голлон нөлөөлжээ. Ингэснээр инфляц гуравдугаар сараас хойш анх удаа 3 хувийн босгыг давлаа. Төрөөс зохицуулдаг эрчим хүчний үнийн дээд хязгаар нэмэгдсэн нь өрхийн зардалд нөлөөлсөөр байна.
АХБ-тай $450 сая хүртэлх санхүүжилтийн хөтөлбөрийг зөвшилцөхийг дэмжлээ
Үүнээс 200 сая ам.доллар нь төсвийн дэмжлэгийн зээл бол 250 сая ам.доллар хүртэлх хэсгийг болзошгүй гамшгийн үед ашиглахаар төлөвлөжээ. Зээлийн үндсэн хугацааг 15 жилээр тогтоож, эхний гурван жилд үндсэн төлбөрөөс чөлөөлөх нөхцөл төсөлд багтсан байна. Санхүүжилтийг бүрэн ашиглавал Засгийн газрын өр 2026 онд ДНБ-ий 44.5 хувьтай тэнцэх төсөөлөл гарчээ.
Эдийн засгийн байнгын хороо Азийн хөгжлийн банктай байгуулах санхүүжилтийн ерөнхий хөтөлбөрийг дэмжив
Улсын Их Хурлын Эдийн засгийн байнгын хороо Азийн хөгжлийн банктай санхүүжилтийн ерөнхий хөтөлбөрийг зөвшилцөхийг дэмжлээ. Хөтөлбөрөөр 200 сая ам.долларын төсвийн дэмжлэгийн зээл, 250 сая ам.доллар хүртэлх гамшгийн зээлийн шугам байгуулна. Санхүүжилт батлагдвал онцгой нөхцөлд мөнгөжилт түргэсч, өрийн түвшинтэй холбоотой анхаарал дагуулна.
Монголбанк: Цалин, тэтгэврийг нэмэгдүүлбэл инфляц оны төгсгөлд 0.7%-аар нэмэгдэж болзошгүй
2026 оны төсвийн тодотголтой холбогдуулан цалин, тэтгэврийн нэмэгдлийг инфляцийн зорилтот түвшинтэй уялдуулж, хэмжээ болон үе шатыг нь бодолцох шаардлагатай гэж Монголбанк үзэж байна Мөн цалин, тэтгэврийн нэмэгдлээс шалтгаалж инфляци энэ онд 0.7 хувь, ирэх онд 1-ээс дээш нэгж хувиар өсөх магадлалтай гэж төсөөлжээ Инфляцийн дарамт нэмэгдвэл Монголбанк мөнгөний бодлогоо чангаруулах бөгөөд энэ нь бизнесийн зээл, эдийн засгийн өсөлтөд сөргөөр нөлөөлөх эрсдэлтэй байна
Энэтхэгт дижитал төлбөр өссөн ч бэлэн мөнгөний эрэлт буурахгүй байна
Энэтхэгийн нөөцийн банк 176 тэрбум дэвсгэртийг эргэлтэд байлгаж, жил бүр 28–30 тэрбумыг шинээр хэвлэн, ойролцоогоор 21 тэрбумыг татдаг. Бэлэн болон бэлэн бус төлбөр өндөр түвшинд өсч байгаа нь төв банкны бэлэн мөнгөний нийлүүлэлт, дэд бүтэц, хөрөнгө оруулалтын хэрэгцээг урьдчилан тооцоход хүндрэл учруулж байна. Шинжээчид хэрэглэгч нууцлал болон ашиглахад хялбар байдлаас шалтгаалан бэлэн мөнгийг илүүд үздэгийг онцолжээ.