Azzuro Resources Монголын Ред Хилл төсөлд шинэ зэсийн сульфидын бүс илрүүллээ
ASX-д бүртгэлтэй Azzuro Resources PLC (AZ9) баруун өмнөд Монгол дахь 100 хувь эзэмшлийн Ред Хилл (хуучин Маахан Уул) зэс-алтны төсөлд MU2613A цооногоор 7.0 метрийн хагас массив–массив сульфид огтолсноо 2026 оны 10 дугаар сарын 1-нд зарлав.
Azzuro Resources PLC (ASX: AZ9) 2026 оны 10 дугаар сарын 1-ний өдөр Австралийн хөрөнгийн биржид зарласан зарлалдаа баруун өмнөд Монгол дахь Ред Хилл (хуучин Маахан Уул) зэс-алтны вулканоген массив сульфид (VMS) төсөлд шинэ зэсийн сульфидын бүс илрүүлсэн тухай мэдээллээ. Тус төсөл компанийн 100 хувь эзэмшилд байна.
Шүргээн алтны хайгуулын хөтөлбөрийн хүрээнд өрөмдсөн MU2613A цооног 72.3 метрийн гүнээс эхлэн 7.0 метрийн хагас массив–массив сульфидын минералжилт огтолсон бөгөөд үүнд 75.0 метрээс эхлэх 0.85 метрийн массив сульфид багтана. Геологийн нүдэн баримтлалаар борит ба халькопирит зэрэг зэсийн сульфид ажиглагдсан. Энэ огтлол өмнө нь Ред Хиллд огтолсон массив сульфидын бүсээс ойролцоогоор 70–80 метр хойд талд байрлаж, зэсийн системийн талбай тэлж буй дохио өгч байна. Лабораторийн шинжилгээний үр дүн ойролцоогоор 4–5 долоо хоногийн дараа гарна гэж компани мэдээлсэн.
Компанийн гүйцэтгэх захирал Ган-Очир Зундуйсүрэн MU2613A нь Ред Хиллд өмнө өрөмдсөн бүх цооногоос хойд талд шинэ зэсийн сульфидын бүс өгсөн бөгөөд хойд бүсийн алт ба зэсийн сульфид нэг системийн хэсэг байх магадлалтай гэж тэмдэглэжээ. Тэрбээр мөн нүхний цахилгаан соронзон (DHEM) загварчлалаар Zone B-д ойролцоогоор 1,000 сименс-ийн хүчтэй дамжуулагч тодорхойлогдсон, хоёр дахь гүнзгий өрөмдлөгийн төхөөрөмж талбайд нүүлгэн шилжүүлж байгаа, металлургийн туршилтын үр дүн 2026 оны IV улирлын эхээр хүлээгдэж буй гэж онцолсон.
Компанийн мэдээлснээр 2025–2026 оны өрөмдлөгөөр Ред Хиллд ойролцоогоор 550 метрийн суналын дагуу зэс-алтны массив сульфидын минералжилт тогтоогдсон. 2026 оны 9 дүгээр сарын 1-нээс эхлэн шүргээн алтны өрөмдлөгийн хөтөлбөрт зургаан цооногт нийт 442.6 метр өрөмдсөн бөгөөд нийт төлөвлөгөө ойролцоогоор 1,200 метр байна. DHEM судалгаагаар Zone A (~450S), Zone B (~1,000S), Zone C (~100S) гэсэн гурван дамжуулагч хавтан тодорхойлогдсон.
Ред Хилл төсөл Алтай хотоос ойролцоогоор 30 км, Хятадтай хиллэх Бургастайн боомтоос ойролцоогоар 250 км зайд оршино. Azzuro Resources PLC нь Монгол дахь чухал ба үндсэн металлын төслүүдэд төвлөрсөн хайгуул, хөгжлийн компани юм.
Эх сурвалж: Azzuro Resources PLC-ийн ASX зарлал (2026.10.01), MarketOpen / Market Index.
Холбоотой мэдээ
GPS хүрэхгүй уурхайд зориулсан технологийн үйлдвэрлэлийг нэмэгдүүлнэ
Технологийн “Advanced Navigation” компани АНУ-ын Алабама мужийн Хантсвилл хотод үйлдвэрлэлийн хүчин чадлаа нэмэгдүүлж, уул уурхайн хүнд ажиллагааг хөнгөвчилсөн төв байгуулна.
$500 саяын хайгуулын хөрөнгө оруулалт Монголд жилд $2 тэрбумын орлого бүрдүүлэх боломжтой
Монгол Улс ашигт малтмалын хайгуулын хөрөнгө оруулалтын орчноо сайжруулбал дунд хугацаанд 200-500 сая ам.долларын нэмэлт хөрөнгө оруулалт татах боломжтой гэж Дэлхийн банк групп тооцоолжээ.
“Рио Тинто” уул уурхайн технологийн гарааны таван компанид хөрөнгө оруулна: Гэрээний цаана юу "нуугдаж" байна вэ?
“Рио Тинто” компани болон гарааны бизнес хөгжүүлэгч “Founders Factory” 500 гаруй өргөдлөөс шалгарсан технологийн таван гарааны компанид хөрөнгө оруулж, дөрвөн сарын эрчимжүүлсэн хөтөлбөрт хамруулна.