ДЭЛХИЙН БАНК МОНГОЛ УЛСАД “COUNTRY COMPACT” БОЛОВСРУУЛАХ САНАЛ ТАВИЛАА
Дэлхийн банкны зүгээс Монгол Улсын уул уурхай, эрдэс баялгийн салбарт бодлого, эрх зүйн шинэчлэл, геологийн судалгаа, дэд бүтэц, хөрөнгө оруулалт болон нэмүү өртөг шингэсэн үйлдвэрлэлийн чиглэлээр хамтын ажиллагаагаа өргөжүүлэх санал тавилаа. Энэ хүрээнд уул уурхайн салбарын “Country Compact” боловсруулахыг санал болгосон бөгөөд уг баримт бичиг нь гэрээ, санамж бичиг биш, хууль зүйн хувьд заавал биелүүлэх […]
Дэлхийн банкны зүгээс Монгол Улсын уул уурхай, эрдэс баялгийн салбарт бодлого, эрх зүйн шинэчлэл, геологийн судалгаа, дэд бүтэц, хөрөнгө оруулалт болон нэмүү өртөг шингэсэн үйлдвэрлэлийн чиглэлээр хамтын ажиллагаагаа өргөжүүлэх санал тавилаа. Энэ хүрээнд уул уурхайн салбарын “Country Compact” боловсруулахыг санал болгосон бөгөөд уг баримт бичиг нь гэрээ, санамж бичиг биш, хууль зүйн хувьд заавал биелүүлэх үүрэг хүлээлгэхгүй, харин хамтын ажиллагааны зорилго, тэргүүлэх чиглэл, хугацаа, хүрэх үр дүнг тодорхойлох тунхгийн шинжтэй баримт бичиг юм. АҮЭБ-ын сайд Г.Дамдинням Монголын талын тэргүүлэх чиглэлүүдийг танилцуулж, геологи, геофизикийн судалгааг эрчимжүүлэх, стратегийн ач холбогдол бүхий ашигт малтмалын үндэсний бодлого, газар ашиглалтын нэгдсэн бодлого боловсруулах, салбарын мэдээллийг нээлттэй болгох нэгдсэн платформ бий болгох шаардлагатайг онцлов. Дэлхийн банкны тал Монголын санал, тэргүүлэх чиглэлд тулгуурлан Country Compact-ийн төслийг боловсруулж танилцуулахад бэлэн байгаагаа илэрхийлэв.
Холбоотой мэдээ
ЕХ: БНХАУ-ын “MMG”-ийн никелийн хэлцэл Европын нийлүүлэлтийг бууруулж болзошгүй
Хятадын уул уурхайн “MMG” компани Бразил дахь “Anglo American”-ийн никелийн активыг 500 сая ам.доллароор худалдан авах хэлцэл хийжээ. Үүний дараа Европ руу чиглэх ферроникелийн нийлүүлэлтийг хадгалж, нэмэгдүүлэх боломжтой гэж мэдэгдлээ. Европын комисс бага нүүрстөрөгчтэй ферроникелийн нийлүүлэлт Европоос өөр зах зээл рүү шилжвэл үнэ өсч, нийлүүлэлтэд эрсдэл үүсч болзошгүй гэж үзэж байна.
Баруун Африк-Үнэт металлын компаниудын зайлшгүй анхаарах бүс
Бүс нутаг дахь байр сууриа нэмэгдүүлэхийн тулд “Fortuna Mining” компани “Barrick Mining” болон “IAMGOLD”-оос “Bambadji” төслийг худалдан авчээ. Зарим тоног төхөөрөмжөө эцсийн хөрөнгө оруулалтын шийдвэрээс өмнө захиалж байна. Чадварлаг ажилтан, тоног төхөөрөмж болон эрчим хүчний үүсгүүрийн төлөөх өрсөлдөөн нэмэгдэж байгаа нь уурхайн төслүүдийн хугацаа, зардалд нөлөөлөх эрсдэл болов.
ХАЙГУУЛЫН АЖЛЫГ ЭРЧИМЖҮҮЛЖ, НҮҮРСНИЙ САЛБАРЫГ ҮЙЛДВЭРЛЭЛ, ТЕХНОЛОГИЙН ШИНЭ ҮЕ ШАТАНД ГАРГАНА
“Уул уурхайн 7 хоног” олон улсын арга хэмжээ хоёр дахь өдрөө үргэлжилж байна. Тав дахь жилдээ зохион байгуулагдаж буй энэ жилийн арга хэмжээ “Тогтвортой хөгжлийн төлөө: Ногоон ирээдүй ба олон улсын түншлэл” уриан дор болж байна. Энэ хүрээнд Аж үйлдвэр, эрдэс баялгийн яамны Төрийн нарийн бичгийн дарга Б.Дашпүрэв “Монгол Улсын нүүрсний салбарт баримтлах төрийн бодлого” […]
Канадын уул уурхайн салбар дэлхийн хөрөнгө татах шинэ мөчлөгт орох гарц хайж байна
Тус улс чухал ашигт малтмалын эрэлт, төрийн дэмжлэг болон боловсруулах үйлдвэрлэлийн хөрөнгө оруулалтаас шалтгаалан дэлхийн капиталыг илүү ихээр татах боломжтой. Канад дахь уул уурхайн хөгжүүлэлтийн жилийн хөрөнгө оруулалт ойрын хоёр жилд 11 хувиас дээш өсч, “BMO”-ийн компаниуд таван жилийн хугацаанд нийт 350 тэрбум канад доллар зарцуулах төлөвтэй. Хөрөнгө оруулалтын дараагийн гол чиглэл нь шинэ уурхайгаас гадна зэс хайлуулах, батарейн материал, газрын ховор элемент боловсруулах зэрэгт төвлөрнө.
БНХАУ-ААС ШАТАХУУН ТОГТВОРТОЙ, УРТ ХУГАЦААНД АВАХ ГЭРЭЭ ХИЙЖ, ГАЗРЫН ТОСНЫ ЭРЭЛ, ХАЙГУУЛЫГ ХАМТРАН ЭРЧИМЖҮҮЛЭХЭЭР ТОХИРОЛЦОВ
Аж үйлдвэр, эрдэс баялгийн сайд Г.Дамдинням БНХАУ-ын Газрын тосны корпораци /CNPC/-ийн Ерөнхий захирал Жоу Шиньхуайтай уулзаж, Монгол, Хятад хоёр улсын газрын тосны салбарын хамтын ажиллагааг шинэ шатанд гаргах, дараагийн 20 жилийн стратегийн түншлэлийг өргөжүүлэх асуудлаар санал санал тавьж хамтарч ажиллахаар тохиролцов. Уулзалтаар шатахууны урт хугацааны тогтвортой нийлүүлэлт, газрын тосны хайгуул, олборлолт, шинэ хайгуулын талбайн хамтын […]
БНХАУ-ЫН “NORINCO GROUP” -ТЭЙ ШАТАХУУНЫ ХАНГАМЖИЙГ НЭМЭГДҮҮЛЭХ, НҮҮРС ХИМИЙН ҮЙЛДВЭР БАЙГУУЛАХ, НОГООН ШИЛЖИЛТИЙГ ЭРЧИМЖҮҮЛЭХ ЧИГЛЭЛҮҮДЭЭР ХАМТРАН АЖИЛЛАНА
Аж үйлдвэр, эрдэс баялгийн сайд Г.Дамдинням Бүгд Найрамдах Хятад Ард Улсад ажиллах үеэрээ NORINCO Group-ийн удирдлагатай уулзаж, газрын тосны бүтээгдэхүүний тогтвортой нийлүүлэлт, нүүрсийг гүн боловсруулах, геологи хайгуулын салбарт хамтран ажиллах асуудлаар хамтын ажиллагааны санал тавьлаа. Газрын тосны бүтээгдэхүүний нийлүүлэлтийн хэмжээг тодорхой болгох, үнийн томьёоллыг урьдчилан тохирсон урт хугацааны гэрээний нөхцөл бүрдүүлэх талаар ярилцаж тохиролцлоо. NORINCO […]