Хувьцааны зах зээлийн өсөлт ахмад ажиллах хүчнийг тэтгэвэрт эрт гарах шийдвэрийг хурдасгаж байна
АНУ-д 55-аас дээш насныхны хөдөлмөрийн талбар дахь оролцоо буурч байгаа нь хувьцааны зах зээлийн олон жилийн өсөлттэй холбоотой байж магадгүй гэж эдийн засагчид үзэж байна. "S&P 500" индекс 2023 оноос хойш жил бүр хоёр оронтой өсөлт үзүүлж, энэ оны хоёрдугаар улиралд өрхүүдийн цэвэр хөрөнгө 195.9 их наяд ам.долларт хүрчээ. Хөрөнгийн үнэлгээ өссөнөөр тэтгэвэрт гарсны дараах санхүүгийн итгэл нэмэгдэж байгаа ч зах зээл эргэж суларвал ахмад өрхүүдийн санхүү болон хөдөлмөрийн нийлүүлэлтэд эрсдэл үүсгэж болзошгүй.
АНУ-ын хувьцааны зах зээлийн сүүлийн жилүүдийн хурдацтай өсөлт тэтгэвэрт гарах нь дөхсөн ажиллагчдын ажлын байрнаас эрт гарах шийдвэрийг хурдасгаж, хөдөлмөрийн нийлүүлэлтийг бууруулж байж болзошгүйг эдийн засагчид онцолж байна.
АНУ-ын Хөдөлмөрийн статистикийн товчооны мэдээллээр 55-аас дээш насныхны хөдөлмөрийн зах зээл дэх оролцоо 2024 оны наймдугаар сараас хойш 38.6 хувиас 37.2 хувь болж буурчээ. Ахмад насныхны оролцоо цар тахлын өмнөх түвшинд бүрэн сэргээгүй бөгөөд хамгийн сүүлд буурсан хэмжээ хөрөнгийн зах зээлийн өндөр өгөөжтэй давхцаж байгаа нь эдийн засагчдын анхаарлыг татжээ.
"S&P 500" индекс 2023 онд 26, 2024 онд 25, 2025 онд 18 хувийн өгөөж үзүүлсэн бол энэ он гарсаар 16 хувиар өсөөд байна. Үүний зэрэгцээ АНУ-ын Холбооны нөөцийн банкны мэдээллээр өрх болон ашгийн бус байгууллагуудын цэвэр хөрөнгө өнгөрсөн хоёрдугаар улиралд 12.8 их наяд ам.доллароор нэмэгдэж, 195.9 их наяд ам.долларт хүрчээ.
Хөрөнгө өсөхийн хэрээр тэтгэвэрт гарах итгэл нэмэгдэж байна
Эдийн засагч Стивен Жүно, Адитя Бхаве нар ахмад насны ажилтнуудын хөдөлмөрийн зах зээл дэх оролцоо мэдэгдэхүйц буурч байгааг хувьцааны зах зээлийн хүчтэй өсөлттэй хэсэгчлэн тайлбарлаж болно гэж үзжээ.
Тэдний тайлбарласнаар, тэтгэврийн хуримтлал болон хөрөнгө оруулалтын багцын үнэлгээ өсөхөд ажиллах хугацаагаа сунгах санхүүгийн шаардлага багасдаг. Эдийн засагт үүнийг хөрөнгийн үнэ өсөхөд хэрэглэгч өөрийгөө илүү чинээлэг гэж мэдэрч, зарцуулалт болон санхүүгийн шийдвэрээ өөрчлөх “баяжих нөлөө” гэж нэрлэдэг байна.
Эдийн засагч Томас Райан хүмүүсийн санхүүгийн нөхцөл сайжрах үед эрт тэтгэвэрт гарах боломж нэмэгддэгийг тэмдэглэв.
Канадын банк санхүүгийн “Royal Bank of Canada”-ийн АНУ-ын эдийн засгийн ахлах шинжээч Майкл Рийд мөн тэтгэвэрт гарах хангалттай хөрөнгөтэй гэсэн итгэл шийдвэрт чухал нөлөөтэйг онцолжээ. Түүний хэлснээр хуримтлал хүрэлцэхгүй гэсэн эргэлзээ өндөр байсан бол ахмад ажиллах хүчин хөдөлмөрийн зах зээлээс гарах үзүүлэлт өөр харагдах байв.
Зах зээл эргэвэл санхүүгийн эрсдэл нэмэгдэнэ
Өнөөгийн хөрөнгийн зах зээлийн өсөлтөд хиймэл оюунтай холбоотой хөрөнгө оруулалтын давлагаа чухал байр суурь эзэлж байна. Хөрөнгө удирдлагын “Morgan Stanley Wealth Management”-ийн хөрөнгө оруулалтын стратегич Лиза Шаллеттийн тэмдэглэснээр хиймэл оюунтай холбоотой тооцоолох хүчин чадал, өгөгдлийн төв, дэд бүтцийн хөрөнгө оруулалт технологиос гадна үйлдвэрлэл, эрчим хүч, аж үйлдвэрийн салбарын идэвхжилийг дэмжиж байна.
Гэвч хиймэл оюуны өсөлттэй холбоотой хүлээлт суларч, хувьцааны зах зээлийн ханш буурвал эрт тэтгэвэрт гарсан өрхүүдийн хуримтлалын үнэлгээ буурах эрсдэлтэй. Хөрөнгийн багцын үнэ цэн буурсан нөхцөлд зарим ахмад ажиллагч хөдөлмөрийн зах зээлд эргэн орох шаардлагатай болж мэдэхийг эдийн засагчид анхааруулжээ.
Ийм өөрчлөлт нь зөвхөн өрхийн санхүүгийн шийдвэрээр хязгаарлагдахгүй. Тэтгэвэрт гарах дөхсөн олон хүн зэрэг ажлын байраа орхих нь ажиллах хүчний нийлүүлэлтийг багасгах бол зах зээл огцом сулрах үед тэдний тодорхой хэсэг эргэн ажил хайх нөхцөл үүсч болох юм. Ингэснээр хувьцааны зах зээлийн хөдөлгөөн хөдөлмөрийн зах зээлийн бүтэцтэй шууд холбогдож байна.
Холбоотой мэдээ
Шөнийн марафонтой, автомашингүй бямба гараг айсуй
Улаанбаатар хотод есдүгээр сарын 26-ны бямба гарагийг автомашингүй өдөр болгон зохион байгуулна. Энэ өдөр шөнийн марафон зохион байгуулах бөгөөд авто замын маршрут, зах, худалдааны төвүүдийн талаарх дэлгэрэнгүй мэдээлэл одоогоор гараагүй байна. “Эрсдэлгүй-эрүүл орчныг хамтдаа” уриатай арга хэмжээ нь нийтийн тээвэр, унадаг дугуй болон явган зорчих хөдөлгөөнийг дэмжинэ.
Йеллоустонд оёдолчноор ажиллахын тулд хотын өндөр цалинтай ажлаа орхисон бүсгүйн шинэ амьдрал
Зои Де Ла Паз Йеллоустон дахь улирлын ажилд шилжиж, амьдралын хэв маягаа эрс өөрчилсөн нь анхаарал татав Тэр Xanterra Parks & Resorts-д цагийн 19.25 ам.доллараар, долоо хоногт 40 цаг ажиллаж, дотуур байрны төлбөрт 96 ам.доллар суутгуулдаг Зардал, хадгаламжийн бүтэц нь байгальд ойр ажиллах сонголт ирээдүйн шилжилтэд нөөц бүрдүүлдгийг харуулна
хувийн эмнэлгийн үйлчилгээ улсын байгууллагынхаас 5-10 дахин үнэтэй байна
Энэтхэгийн хувийн эрүүл мэндийн салбарт сүүлийн жилүүдэд олон тэрбум ам.долларын хөрөнгө эргэлдэж, эмнэлэг, оношлогооны төвийн сүлжээ хурдацтай тэлж байна. 2022-2024 онд эрүүл мэнд, эмийн салбарын 600 орчим хэлцлийн нийт дүн 30 тэрбум ам.доллароос давжээ. Эмчилгээ, оношлогооны зардал өсөхийн хэрээр Энэтхэгийн өрхүүдийн төлбөр нэмэгдэж, үнэ болон үйлчилгээний стандартыг хатуу зохицуулах шаардлага үүсч эхэллээ.
“Clearlake Capital”-ийн “Челси” дэх ноёрхол: 61 хувиар зогсохгүй, үлдсэн бүх хувьцааг өөрийн болгоно
Цөөнхийн хувьцаа эзэмшигч Марк Уолтер өөрийн эзэмшлээ “Clearlake Capital”-д шилжүүлэхээр болжээ. Хэлцлээр “Челси”-г 5 тэрбум фунт стерлингээр үнэлж байгаа ч өдөр тутмын үйл ажиллагаа болон стратегид өөрчлөлт орохгүй гэж мэдэгдлээ. Уолтерын хувьд уг хэлцэл бусад спортын хөрөнгө оруулалтаа өөрчлөх үйл явцтай давхцаж байна.
Наймдугаар сарын сүүлчээр бэлчээрийн ургамал татарч эхэлжээ
Бэлчээрийн ургамал зургаадугаар сарын эхнээс наймдугаар сарын дунд үе хүртэл өтгөрч, ихэнх нутгаар зуншлага хэвийн үргэлжилжээ. Говь, тал хээр болон баруун аймгуудын нутгаар ургамлын гарц тааруу байв. Хадлан тэжээлийн бэлтгэлийг бүсчилсэн нөхцөлтэй уялдуулах шаардлагатайг албаныхан онцоллоо.
Ашгаа өсгөх "American Airlines"-ийн гаргалгаа: Дээд зэрэглэлийн суудлаа нэмэгдүүлж, салоноо шинэчилнэ
Агаарын тээврийн эрэлт хямдрал болон илүү тав тухтай үйлчилгээ сонгодог зорчигчдын хоёр өөр урсгалд хуваагдаж байна. “American Airlines” компанийн нийт суудлын 30 орчим хувь нь орлогынх нь тал хувийг бүрдүүлдэг тул дээд зэрэглэлийн суудлаа нэмэгдүүлэхээр төлөвлөжээ. Салоны шинэчлэл болон шинэ онгоц худалдан авах төлөвлөгөө нь компанид нэг зорчигчоос олох орлогоо нэмэгдүүлж, өртөг өсч буй үед ашигт ажиллагаагаа хамгаалах боломж олгоно.