Иений ханшийн сулралтай тэмцэж буй Японы Төв банк бодлогын хүүг сүүлийн 31 жилийн дээд түвшинд хүртэл өсгөлөө
Японы Төв банк бодлогын хүүг 0.25 хувиар нэмэгдүүлж, 1.25 хувьд хүргэснээр 1995 оноос хойших буюу сүүлийн 31 жилийн дээд түвшинд хүрлээ. Энэ удаагийн шийдвэр сүүлийн өсөлтөөс гурван сарын дараа гарч буй ба Төв банк нөхцөл байдалтай уялдуулан бодлогын хүүгийн өсөлтийг хурдасгаж байна. Тус улсын инфляц дунд хугацаанд зорилтот 2 хувийн түвшнээс давж болзошгүй эрсдэл нэмэгдсэн нь бодлогын хүүг өсгөх шийдвэрийн голлох шалтгаан болжээ.
Японы Төв банк баасан гарагт өндөрлөсөн ээлжит хурлаараа бодлогын хүүг 0.25 хувиар нэмэгдүүлж, 1.25 хувьд хүргэснээр 1995 оноос хойших буюу сүүлийн 31 жилийн дээд түвшинд хүрлээ.
Японы Төв банк 2024 оны гуравдугаар сараас эхлэн мөнгөний бодлогоо хэвийнжүүлэхээр зорьж байгаа бөгөөд хүүгийн түвшнээ зургаан сар тутамд нэг удаа нэмэгдүүлж ирсэн. Харин энэ удаагийн шийдвэр сүүлийн өсөлтөөс гурван сарын дараа гарч буй ба Төв банкны Мөнгөний бодлогын зөвлөл нөхцөл байдалтай уялдуулан бодлогын хүүгийн өсөлтийг хурдасгаж байна.
Зөвлөлийн есөн гишүүний долоо нь бодлогын хүүг нэмэгдүүлэхийг дэмжсэн бол Тоичиро Асада болон Аяно Сато нар эсрэг санал өгчээ. Аяно Сато энэ оны зургадугаар сарын 30-наас Японы Төв банкны бодлогын зөвлөлийн гишүүнээр ажиллаж эхэлсэн.
Зах зээлийн оролцогчид бодлогын хүү нэмэгдэнэ хэмээн өргөн хүрээнд хүлээлттэй байсан. CNBC-ийн санал асуулгад оролцсон эдийн засагчдын 90 орчим хувь нь Төв банк бодлогын хүүг 0.25 хувиар өсгөнө гэж таамаглаж байв.
Японы инфляц дунд хугацаанд зорилтот 2 хувийн түвшнээс давж магадгүй
Японы Төв банк инфляц дунд хугацаанд зорилтот 2 хувийн түвшнээс давж болзошгүй эрсдэл нэмэгдсэн нь бодлогын хүүг өсгөх шийдвэрийн голлох шалтгаан болсныг ээлжит хурлын дараах хэвлэлийн бага хурлын үеэр мэдэгдлээ.
Японы инфяц наймдугаар сард жилийн дүнгээр 1.9 хувьд хүрсэн ч иений ханш сул хэвээр байгаа нь импортын бараа, тэр дундаа эрчим хүчний зардалд нөлөөлөх эрсдэлтэй байгаа юм. Төв банкны шийдвэр гарсны дараа иений ханш ам.долларын эсрэг 0.45 хувиар чангарч, нэг ам.доллар 156.64 иенд дүйжээ. Харин Японы Засгийн газрын 10 жилийн хугацаатай бондын өгөөж 4.9 суурь нэгжээр буурч, 2.947 хувьд хүрсэн байна.
Төв банкны Мөнгөний бодлогын зөвлөл энэ онд бодлогын хүүгийн өсөлтийг хурдасгах боломжтой хэмээх байр сууриа өмнөх саруудад ч илэрхийлж байсан. Тухайлбал, зөвлөлийн гишүүн Хажимэ Таката есдүгээр сарын эхээр 2024-2025 оны хугацаанд бодлогын хүүг жилд хоёр удаа нэмэгдүүлдэг хэмнэлээс татгалзаж, эдийн засаг, үнийн нөхцөлөөс шалтгаалан илүү уян хатан байдлаар шийдвэр гаргах шинэ үе эхэлж байгааг онцолж байв.
Иений сул ханш эрчим хүчний импортын зардлыг өсгөж байна
Мөнгөний бодлогын өөрчлөлт иений ханшид хэрхэн нөлөөлөх нь Японы импортын зардлын хувьд чухал хэвээр байна. Токио болон Вашингтон хамтран иений ханшийг дэмжих зорилгоор валютын зах зээлд зохицуулалттай интервенц хийсэн ч иений ханш түүхэн доод түвшний ойролцоо арилжаалагдсаар байна.
Түүнчлэн Япон эрчим хүчний хэрэглээнийхээ томоохон хэсгийг импортоор хангадаг тул иений ханш сулрах нь газрын тос болон бусад түүхий эдийг дотоодын валютаар худалдан авах зардлыг нэмэгдүүлж буй.
Үүний зэрэгцээ Япон эрчим хүчний нийлүүлэлтээ баталгаажуулахын тулд Ойрх Дорнодоос авдаг газрын тосны тодорхой хэсгийг илүү өндөр өртгөөр АНУ-аас нийлүүлэлж байгааг шинжээчид CNBC-д мэдээлжээ. Эрчим хүчний импортын зардал нэмэгдсэнээр тус улсын худалдааны алдагдал наймдугаар сард нэг их наяд иенийг давсан байна.
Холбоотой мэдээ
Японы Төв банк бодлогын хүүгээ өсгөж, ханш ба инфляцын дарамтыг намжаах дохио өглөө
Японы Төв банк бодлогын хүүгээ нэмэгдүүлж, инфляцын эрсдэл нэмэгдсэн үед бодлогын чиглэлээ чангарууллаа Хүүг 25 суурь нэгжээр өсгөн 1.25 хувь болгож, шийдвэр 7-2 саналын зөрүүтэй гарсан Йений сулрал үргэлжилж, бондын өгөөж буурсан нь санхүүжилтийн нөхцөл богино хугацаанд зөөлөрч мэдэхийг илтгэв
Эмэгтэйчүүд өөрөөсөө боловсролын түвшин доогуур эрчүүдтэй гэрлэх нь нэмэгджээ
Эмэгтэйчүүд дээд боловсрол эзэмших нь эрчүүдээс хурдтай нэмэгдсэнээр өөртэйгөө ижил эсвэл илүү өндөр боловсролтой эрэгтэйтэй гэрлэх боломж хумигдаж байна. Судлаачид уг өөрчлөлтийг эмэгтэйчүүдийн санхүүгийн бие даасан байдал нэмэгдэж, хосоо сонгоход боловсролын ялгааг хүлээн зөвшөөрөх хандлага өөрчлөгдөж буйтай холбон тайлбарлаж буй. Гэхдээ эрэгтэй нь боловсрол, орлого, нийгмийн байр сууриар илүү байх ёстой гэсэн уламжлалт ойлголт хүчтэй орнуудад шинэ төрлийн гэрлэлт хуучин жендэрийн хүлээлттэй зөрчилдсөн хэвээр байна.
Өглөө бүр эрт сэрж, бүтээмжээ өсгөхийг зорьж байна уу? Тэгвэл энэ дадлын танилц
Өглөөний 05:00 цагт босох дадал нь сахилга бат, бүтээмжийн бэлгэ тэмдэг болсон ч хүн бүрийн биологийн хэмнэлд тохирдоггүйг нойр судлаачид анхааруулж байна. Хангалттай нойр авалгүйгээр эрт босох нь бие ядрах, дархлаа сулрах, бодисын солилцоо болон сэтгэл зүйн эрүүл мэндэд сөргөөр нөлөөлөх эрсдэлтэй юм. Иймээс хэдэн цагт сэрэхээс илүүтэй 7-9 цагийн хангалттай нойр авч, өөрийн биеийн төрөлхийн хэмнэлд тохирсон тогтмол цагийн хуваарь баримтлахыг зөвлөж байна.
Саудын Араб, Хуситуудын мөргөлдөөн дахин ширүүссэн ч нийлүүлэлтийн найдвар тосны үнийг буулгав
Баасан гарагт хөрөнгө оруулагчид Саудын Араб, Йемений Ираны дэмжлэгтэй Хуситуудын шинэ цохилтыг үнэлэх зуур тосны үнэ буурлаа Brent фьючерс 0.94 хувиар унаж баррель нь 103.83 ам.доллар, WTI 0.88 хувиар буурч 101.01 ам.доллар боллоо Оманаар дамжуулан Азийн худалдан авагчдад хүргэх хувилбар нэмэгдсэн нь нийлүүлэлтийн айдсыг зөөлрүүлэх төлөвтэй
Европын Холбоо Канадтай шинэ түншлэл ярьж, Вашингтон татварын дарамтаа өргөжүүлэх дохио өглөө
Европын Холбоо Канадтай ойртож, Вашингтон тарифын шахалтаа өргөтгөх нөхцөл бүрдүүлж байна. АНУ-ын Төлөөлөгчдийн танхим Оросын нефть авдаг орнуудад 100% хүртэл тариф ногдуулах эрхийг Трампад олгов. Энэ алхам худалдааны хэлэлцээнд АНУ-ын хөшүүргийг нэмэгдүүлж, зах зээлийн эрсдэлийн мэдрэмжийг сэргээж байна.
Номтой, бороотой өдөр: Нийслэлд өнөөдөр 40 дэх удаагийн “Номын баяр” эхэлж байна
Монголын уншигч, зохиолч, орчуулагч, хэвлэн нийтлэгчдийг нэг дор цуглуулдаг 40 дэх удаагийн Үндэсний “Номын баяр” өнөөдөр Д.Сүхбаатарын талбайд эхэлж байна. Есдүгээр сарын 18-20-нд үргэлжлэх энэ удаагийн баяр Үндэсний номын баяр үүсэж хөгжсөний 20 жилийн ойтой давхцаж буйгаараа онцлогтой. Гурван өдрийн турш шинэ номын нээлт, зохиолч, орчуулагчдын уулзалт, гарын үсгийн өдөрлөг, үзэсгэлэн худалдаа зохион байгуулахаас гадна гадаадын зохиолч, хэвлэлийн салбарын төлөөлөгчид оролцоно.