Nvidia-гийн дэмжлэгтэй Lambda 2027 оны IPO-оос өмнөх сүүлийн хувийн санхүүжилтээр 4 тэрбум ам.доллар босгохоор зорьж байна
Хиймэл оюуны үүлэн тооцооллын үйлчилгээ үзүүлэгч Lambda 14.5 тэрбум ам.долларын урьдчилсан үнэлгээгээр 4 тэрбум хүртэлх ам.доллар босгож байгаа бөгөөд захиалгын нөөц нь 6–9 дүгээр сарын хооронд 15 тэрбумаас 50 тэрбум ам.доллар болж өссөн гэж The Wall Street Journal мэдээллээ.
Nvidia-гийн дэмжлэгтэй үүлэн тооцооллын компани Lambda хувьцаагаа олон нийтэд анх санал болгохоос (IPO) өмнөх сүүлийн санхүүжилтийн шатандаа 14.5 тэрбум ам.долларын урьдчилсан (pre-money) үнэлгээгээр 4 тэрбум хүртэлх ам.доллар босгож байгааг The Wall Street Journal нөхцөл байдлыг мэдэх эх сурвалжид тулгуурлан мэдээлснийг Reuters иш татав.
Санхүүжилтийн шатыг хөрөнгө оруулалтын Blackstone болон Coatue Management компаниуд тэргүүлж байна. Компанийн хязгаарлагдмал түншүүдэд (limited partners) илгээсэн захидалд дурдсанаар Lambda гүйцэтгэл болон зах зээлийн нөхцөлөөс хамааран 2027 онд хөрөнгийн биржид гарахыг зорьж байна.
Мөн уг захидлаар компанийн биелээгүй захиалгын нөөц (backlog) 6 дугаар сард 15 тэрбум ам.доллар байсан бол 9 дүгээр сард 50 тэрбум ам.доллар болж өссөн байна. TechCrunch-ийн тэмдэглэснээр энэ өсөлтийн дийлэнх нь 8 дугаар сарын сүүлээр Lambda-тай гэрээ байгуулсан Anthropic-ийн 35 тэрбум ам.долларын амлалтаас үүдэлтэй тул компанийн үнэлгээ Anthropic-ийн төлбөрийн чадвараас ихээхэн хамааралтай байж болзошгүй юм.
TechCrunch-ийн мэдээлснээр дата төвийн бүтээн байгуулалт голчлон өрийн санхүүжилтээр хийгддэг бөгөөд Lambda өнгөрсөн долоо хоногт нэмэлт 1 тэрбум ам.долларын өрийн санхүүжилт татсан. Зээлдүүлэгчид хэнд, ямар нөхцөлөөр мөнгө олгохдоо илүү сонголттой болж буй энэ үед одоо нэмэлт хөрөнгө босгох нь IPO-ийн үнийн түвшнийг тодорхойлохоос гадна олон нийтийн зах зээлийн хяналтад орохоос өмнө илүү их хөрөнгөтэй болох боломж олгоно.
Lambda IPO хийвэл дата төвийн бүтээн байгуулалтаа хувьцааныхаа үнээс хамааран санхүүжүүлдэг CoreWeave, Nebius зэрэг Nvidia-гийн дэмжлэгтэй бусад “неоклауд” компаниудын эгнээнд нэгдэнэ. Их Британийн Nscale компани өнгөрсөн сард IPO-д бүртгүүлэх өргөдөл гаргасан. Lambda, Coatue, Blackstone компаниуд хэвлэлийн хүсэлтэд даруй хариу өгөөгүй байна.
Холбоотой мэдээ
“Meta” тооцоолох хүчин чадлаа үүлэн үйлчилгээнээс өөр чиглэлд төвлөрүүлж магадгүй
“Meta Platforms” үүлэн үйлчилгээний зах зээлээс олох боломжит орлогынхоо тодорхой хэсгийг ашиглахгүй, хязгаарлагдмал тооцоолох хүчин чадлаа өөр чиглэлд төвлөрүүлж магадгүй.
Google DeepMind төхөөрөмж дээр ажиллах олон хэлбэрт хайлтын нээлттэй загвар EmbeddingGemma 2-ыг танилцууллаа
740 сая параметртэй EmbeddingGemma 2 загвар нь текст, код, зураг, видео, аудиог нэг embedding орон зайд буулгаж, ухаалаг гар утас зэрэг төхөөрөмж дээр интернэтгүйгээр хайлт, RAG хийх боломж олгоно.
Жэйми Даймон: Anthropic-ийн Mythos гарснаар хиймэл оюуны кибер эрсдэл 10 дахин өслөө
JPMorgan Chase-ийн гүйцэтгэх захирал Жэйми Даймон Bloomberg TV-д өгсөн ярилцлагадаа Anthropic-ийн Mythos загвар урьд нь мэдэгдээгүй эмзэг цэгүүдийг ил гаргаж, дэлхийн кибер аюулгүй байдлын эрсдэлийг огцом нэмэгдүүлсэн гэж мэдэгдлээ.
Anthropic хамгийн хүчирхэг кибер загвараа гурван шатлалт баталгаажуулалтын хөтөлбөрөөр илүү олон аюулгүй байдлын багт нээлээ
Anthropic Project Glasswing болон Cyber Verification Program-аа нэгтгэн, шалгагдсан кибер хамгаалагчдад Claude Opus 5.5, Sonnet 5.5, Mythos 5.1 загваруудыг хамгаалалтын хязгаарлалт багатайгаар ашиглах гурван шатлалт хөтөлбөр зарлалаа.
АНУ-ын Хууль зүйн яам ажилтнууддаа хиймэл оюуныг “супер оюун” гэж нэрлэхийг, тэр дундаа шүүхэд ч мөрдөхийг үүрэг болголоо
Хууль зүйн сайдын орлогчийн үүрэг гүйцэтгэгч Трент МакКоттерын санамж бичгээр ажилтнууд “artificial intelligence/AI”-ийн оронд “super intelligence/SI” гэсэн нэр томьёог хэрэглэх ёстой бөгөөд энэ нь Ерөнхийлөгч Дональд Трампын 9 дүгээр сарын 29-ний зарлигийг хэрэгжүүлэх алхам юм.
Vinod Khosla: DeepMind-ийн хуучин инженер Шивани Поддарын Wajo итгэлцлээр агентын зах зээлийг авна
Хөрөнгө оруулагч Винод Хосла Meta-ийн Muse болон бусад хувийн агентуудтай өрсөлдөж буй Wajo-ийн Fo агентыг итгэлцэл, аюулгүй байдлыг эхнээс нь бүтээсэн гэж үнэлж байна.