БНСУ болон АНУ хамтарсан цэргийн сургуулилтын хугацааг тал хувиар бууруулна
БНСУ болон АНУ жил бүр зохион байгуулдаг хамтарсан цэргийн сургуулилтынхаа хугацааг тал орчим хувиар богиносгохоор шийдвэрлэлээ. БНСУ-ын Зэвсэгт хүчний мэдээлснээр, талуудын Ulchi Freedom Shield хэмээх хамтарсан сургуулилт энэ сарын 17-21-ний хооронд үргэлжилнэ. "The Wall Street Journal"-ийн мэдээлснээр Дональд Трамп Ким Жон Унтай энэ намар багтаан уулзах бэлтгэлийг хангахыг зөвлөхүүддээ үүрэг болгосон байна.
БНСУ болон АНУ жил бүр зохион байгуулдаг хамтарсан цэргийн сургуулилтынхаа хугацааг тал орчим хувиар богиносгохоор шийдвэрлэлээ. Энэхүү шийдвэр нь АНУ-ын Ерөнхийлөгч Дональд Трамп Пентагонд сургуулилтын цар хүрээг мэдэгдэхүйц бууруулах чиглэл өгсөнтэй холбоотой бөгөөд тэрбээр БНАСАУ-ын дээд удирдагч Ким Жон Унтай энэ намар уулзах боломжийг эрэлхийлж байна.
БНСУ-ын Зэвсэгт хүчний мэдээлснээр, талуудын Ulchi Freedom Shield хэмээх хамтарсан сургуулилт энэ сарын 17-21-ний хооронд үргэлжилнэ. Анх сургуулилтыг энэ сарын 27 хүртэл зохион байгуулахаар төлөвлөж байжээ.
"The Wall Street Journal"-ийн мэдээлснээр Дональд Трамп Ким Жон Унтай энэ намар багтаан уулзах бэлтгэлийг хангахыг зөвлөхүүддээ үүрэг болгосон байна. Ингэснээр Вашингтон болон Пёньяны хооронд төрийн тэргүүнүүдийн шууд харилцаанд тулгуурласан дипломат яриа хэлэлцээг дахин сэргээх боломж бүрдэх юм.
Дональд Трамп анхны бүрэн эрхийнхээ хугацаанд Ким Жон Унтай хэд хэдэн удаа уулзаж байсан бөгөөд анхны дээд хэмжээний уулзалт нь 2018 онд Сингапурт болсон. Харин энэ удаагийн уулзалтыг Трампын Азид хийх дараагийн айлчлалтай давхцуулан зохион байгуулах хувилбар яригдаж байна.
АНУ-ын Ерөнхийлөгч өнгөрсөн ням гарагт Батлан хамгаалахын сайд Пит Хегсетэд БНСУ-тай хийх хамтарсан сургуулилтыг “мэдэгдэхүйц хэмжээгээр” хумих чиглэл өгсөн бөгөөд үүний дараа Сөүл сургуулилтын хугацааг богиносгох шийдвэрээ танилцуулаад буй.
Энэ алхам нь Трампын засаг захиргаа Пёньянтай дипломат харилцаагаа сэргээх сонирхлоо нэмэгдүүлж буйн дохио болж байна. Гэхдээ нөгөө талд 70 гаруй жилийн түүхтэй АНУ болон БНСУ-ын батлан хамгаалахын холбоонд тодорхойгүй байдал үүсгэж болзошгүй юм.
Энэ жилийн Ulchi Freedom Shield сургуулилтын хүрээнд команд штабын сургуулилтаас гадна 14 удаагийн хамтарсан хээрийн сургалт зохион байгуулж, БНСУ-ын 18,000 орчим цэргийн алба хаагч оролцохоор төлөвлөж байсан талаар "Associated Press" мэдээлжээ.
Хамтарсан сургуулилтыг ийнхүү хумих нь зөвхөн батлан хамгаалахын асуудал бус Зүүн хойд Азийн геополитикийн эрсдэлд ч нөлөөлөхөөр байна. АНУ, БНАСАУ-ын яриа хэлэлцээ сэргэх эсэх, Вашингтон-Сөүлийн холбоотны харилцаа хэрхэн өөрчлөгдөх нь бүс нутгийн тогтвортой байдал, улмаар хөрөнгө оруулагчдын эрсдэлийн үнэлгээнд анхаарах гол хүчин зүйлсийн нэг хэвээр байна.
Холбоотой мэдээ
Доод Саксонийн орон нутгийн сонгуульд CDU тэргүүлж, Канцлер Фридрих Мерц түр амсхийв
Доод Саксонийн орон нутгийн сонгуульд CDU тэргүүлснээр Канцлер Фридрих Мерцийн улс төрийн дарамт түр саарлаа. Урьдчилсан дүнгээр CDU 27.2 хувь, Нийгмийн ардчилсан нам 24.6 хувь, AfD 15.9 хувь авсан. Гэвч AfD-ийн өсөлт дараагийн мужийн сонгуулиудад засгийн газрын тогтвортой байдалд эрсдэл нэмнэ.
Улсын Их Хурал төсвийн тодотголын хэлэлцүүлгийг эхлүүлж, ээлжит бус чуулганыг хаалаа
Улсын Их Хурал төсвийн тодотголын хэлэлцүүлгийг эхлүүлж, яаралтай шийдвэрлэх шаардлагыг онцоллоо Есдүгээр сарын 15-нд Улсын Их Хурлын намрын ээлжит чуулган эхлэхтэй холбоотойгоор энэ чуулганыг өндөрлүүлэв Төсвийн өөрчлөлт батлагдвал үнийн дарамт, эрчим хүчний эрсдэлийг зөөллөж, өрхийн орлогыг хамгаална
2026 ОНЫ ТӨРИЙН АЛБАН ДАХЬ ЁС ЗҮЙН ТАНДАН СУДАЛГАА
Монгол Улсын Ёс зүйн хорооноос "Төрийн албан хаагчийн ёс зүйн зөрчлөөс урьдчилан сэргийлэх, соён гэгээрүүлэх үндэсний хөтөлбөр"-ийн дагуу МУИС-тай хамтран 2026 оны төрийн албан дахь ёс зүйн төлөв байдлыг сайжруулах зорилгоор ажиллаж байна.
Шадар сайд Н.Номтойбаяр Буриад Улсын Тэргүүн Цыденов Алексей Самбуевичийг хүлээн авч уулзлаа
Монгол Улсын Шадар сайд Н.Номтойбаяр өнөөдөр /2026.09.14/ Бүгд Найрамдах Буриад Улсын Тэргүүн, Засгийн газрын дарга Цыденов Алексей Самбуевичийг хүлээн авч уулзлаа. Уулзалтын эхэнд Шадар сайд Н.Номтойбаяр Монгол Улс, Оросын Холбооны Улс нь мөнхийн найрамдалт хөршүүд бөгөөд хоёр орны эдийн засгийн харилцааг бүс нутгийн хамтын ажиллагаатай уялдуулан шинэ шатанд гаргах боломж байгааг онцоллоо.
УИХ-ын Төсвийн байнгын хороо 2026 оны төсвийн тодотголын төслүүдийн хоёр дахь хэлэлцүүлгийг хийв
Улсын Их Хурлын Төсвийн байнгын хороо 2026 оны төсвийн тодотголын хуулийн төслүүдийг хоёр дахь хэлэлцүүлгээр хэлэлцэв. Хуралдаан 13 цаг 13 минутад эхэлж, 30 гишүүний 19 хүрэлцэн ирснээр 63.3 хувийн ирцтэй боллоо. Тодотголын хүрээнд нөөц бүрдүүлж, инфляцын дарамт бууруулан иргэдийн орлогыг хамгаалах зорилтыг онцлов.
Ардчилсан Намын улс төрийн зөвлөл Н.Учралын Засгийн газрыг огцруулах чиглэл өгчээ
Ардчилсан Намын Улс төрийн зөвлөл Ерөнхий сайд Н.Учралын тэргүүлж буй Засгийн газрыг огцруулах байр сууриа дахин илэрхийллээ. Тус нам Ерөнхий сайдыг өөртөө итгэл үзүүлэх асуудлыг УИХ-д оруулж, парламентын түвшинд шийдвэрлүүлэх шаардлагатай гэж үзэж байна. Улс төрийн зөвлөл мөн 2026 оны төсвийн тодотголыг хэлэлцэж, УИХ дахь Ардчилсан Намын бүлэгт холбогдох чиглэл өгчээ.