Эрдэнэбүрэний УЦС баруун бүсийн эрчим хүчний импортын хамаарлыг бууруулна
90 МВт-ын Эрдэнэбүрэний усан цахилгаан станц 2030 онд ашиглалтад орсноор баруун бүсийн цахилгааны хэрэгцээг дотоодын эх үүсвэрээр бүрэн хангана. Станц жилд 360 сая кВт.цаг цахилгаан үйлдвэрлэх хүчин чадалтай нь баруун бүсийн одоогийн 160 сая кВт.цагийн жилийн хэрэглээнээс хоёр дахин өндөр үзүүлэлт юм. Төсөл хэрэгжсэнээр ОХУ, БНХАУ-аас авах цахилгааны хэрэгцээ буурч, илүүдэл эрчим хүчийг төвийн бүсийн системд нийлүүлэх боломж бүрдэхээр байна.
Монгол Улсын баруун бүсийн импортын цахилгаанаас хамаарах хамаарлыг бууруулах Эрдэнэбүрэний усан цахилгаан станцын бүтээн байгуулалт үргэлжилж байна. 90 МВт-ын хүчин чадалтай станцыг 2030 оны тавдугаар сард ашиглалтад оруулахаар төлөвлөжээ.
Баруун бүс жилд 160 сая кВт.цаг цахилгаан хэрэглэдэг бөгөөд үүний 40 орчим хувийг Дөргөний усан цахилгаан станц үйлдвэрлэж, үлдсэн хэрэгцээг ОХУ болон БНХАУ-аас импортолж байна.
Харин Эрдэнэбүрэний станц жилд 360 сая кВт.цаг цахилгаан үйлдвэрлэх хүчин чадалтай. Өөрөөр хэлбэл, төлөвлөсөн үйлдвэрлэл нь бүсийн одоогийн жилийн хэрэглээнээс 2.25 дахин өндөр бөгөөд баруун бүсийг бүрэн хангаад зогсохгүй төвийн бүсийн эрчим хүчний системд цахилгаан нийлүүлэх боломж бүрдэхээр байна.
Төслийн менежерийн танилцуулснаар8 станцын жилийн үйлдвэрлэл ойролцоогоор 120 мянган өрхийн цахилгааны хэрэглээтэй дүйцнэ. Мөн нүүрсний хэрэглээг жилд 110 мянган тонноор, нүүрсхүчлийн хийн ялгарлыг 300 мянга орчим тонноор бууруулах тооцоотой.
Бүтээн байгуулалтын хүрээнд ус дамжуулах 385 метр туннелийг барьж дуусгасан бөгөөд станцын суурь болон дөрвөн генераторын эхний шатны бетон цутгалтын ажил дуусчээ. Нэг болон хоёрдугаар генераторын дараагийн шатны бетон цутгалт үргэлжилж байна.
Төслийн хүрээнд 11 тэрбум шоо метр багтаамжтай усан сан, далан байгуулж, 24 км урт, дөрвөн км өргөн нуур бий болгохоор төлөвлөжээ. Станц ашиглалтад орсноор 100 орчим байнгын ажлын байр шинээр бий болохын зэрэгцээ усалгаатай газар тариалан, аялал жуулчлал хөгжүүлэх боломж нэмэгдэхээр байгааг төслийн баг мэдээлэв.
Бүтээн байгуулалтын ерөнхий гүйцэтгэгчээр БНХАУ-ын эрчим хүч, дэд бүтцийн “Пауэр Чайна” компани ажиллаж байна. Монгол Улсын Ерөнхийлөгч Ухнаагийн Хүрэлсүх Ховд аймагт ажиллах үеэрээ төслийн явцтай танилцаж, бүтээн байгуулалтыг төлөвлөсөн хугацаанд дуусгахыг оролцогч талуудад үүрэг болгожээ.
Холбоотой мэдээ
Улаанбаатарын 176 уулзвар, гарцад 2,600 гаруй ухаалаг камер суурилуулжээ
Улаанбаатар хот замын хөдөлгөөний удирдлагын системээ шинэчилж, Германы замын хөдөлгөөний технологийн “Yunex Traffic” компанийн мэргэжилтнүүд төслийн дараагийн шатны ажилд оролцож эхэллээ. Хотын 176 уулзвар, гарцад 2,600 гаруй ухаалаг камер суурилуулж, замын хөдөлгөөний мэдээллийг бодит цагийн горимд цуглуулах нэгдсэн сүлжээнд холбожээ. Дараагийн шатанд хөдөлгөөний бодит урсгалд тохируулан уулзваруудын нэвтрүүлэх чадварыг сайжруулах ухаалаг гэрлэн дохионы систем нэвтрүүлэхээр ажиллаж байна.
Нийслэл өвлийг өөдрөг угтах уу:УБЦТС-ын урсгал засвар 99 хувийн гүйцэтгэлтэй байна
Тус компани найман дүүрэг, Төв аймгийн 16 сумын 536 мянга гаруй хэрэглэгчийн цахилгаан хангамжийн найдвартай байдлыг сайжруулах зорилгоор 3,323 дэд станц, шугам тоноглолыг засварлаж байна. Засвар, хөрөнгө оруулалтын ажлыг аравдугаар сард бүрэн дуусгахаар төлөвлөжээ. Хужирбулан, Гачуурт орчмын цахилгаан хангамжийг сайжруулах шугамын өргөтгөл үргэлжилж байна.
Сургуулийн автобусны аюулгүй байдалд хяналтыг үргэлжлүүлж байна
Наймдугаар сарын 17-31-нд 200 гаруй хүүхдийн автобусыг техникийн үзлэг, оношилгоонд хамруулжээ. Тэдгээрийн 90 гаруй хувь нь шаардлага хангасан байна. Энэ хичээлийн жилд нийслэлийн 84 сургуульд 64 чиглэлээр 67 автобус сурагч тээвэрлэж байна.
Улаанбаатар түгжрэлийг бууруулахын тулд 84 сургууль барьж, нийтийн тээврийн 16 шинэ чиглэл нээнэ
Улаанбаатар хот түгжрэлийг бууруулахын тулд нийтийн тээврийн хүртээмж, сургуулийн хүчин чадал, авто замын сүлжээг зэрэг сайжруулахаар төлөвлөжээ. Судалгаагаар гэрээсээ 400 метрийн дотор автобусны буудалд очдог иргэд нийтийн тээврийг сонгох магадлал өндөр. Улаанбаатарын иргэдийн 56 хувь нь ажил, хичээлдээ хувийн автомашинаар, 24 хувь нь нийтийн тээврээр зорчдог.
УБТЗ ₮500 саяар Сайншанд чиглэлийн төмөр замын гармыг шинэчиллээ
Дорноговь аймаг дахь 39 дүгээр зөрлөг болон Сайншанд өртөөний хооронд байрлах 875-р км-ийн гармыг шинэчилжээ. 24 цагийн жижүүрийн зохицуулалттайгаар байнгын ашиглалтад оруулсан байна. Тус гармаар орон нутгийн суудлын автомашинаас гадна хүнд даацын болон нийтийн тээврийн хэрэгсэл зорчдог.
Нийслэлийн гол замуудад нарны цэнэгтэй LED тэмдэглэгээ суурилуулж эхэллээ
Энэ нь жолоочид замын чиглэл, эгнээний зааг болон замын ирмэгийг илүү тод харах нөхцөл бүрдүүлнэ. Уулын зам, Наадамчдын зам, Чингисийн өргөн чөлөөнд нийт 976 ширхэг LED гэрэл байршуулсан байна. Замын хөдөлгөөний зохион байгуулалттай холбоотой ажлуудад Нийслэлийн Замын сангаас нийт 5.5 тэрбум төгрөг төсөвлөжээ.