Ерөнхийлөгчийн албан тушаалаасаа чөлөөлөгдөх асуудлаар МАН-ын бүлэг ээлжит бусаар хуралдаж эхэллээ
УИХ дахь Монгол Ардын Намын бүлэг ээлжит бус хурал зарлаж, Ерөнхийлөгч У.Хүрэлсүхийн албан тушаалаасаа чөлөөлөгдөх асуудлыг хэлэлцэж байна. Тус хуралдаанд Монгол Улсын Ерөнхийлөгч У.

УИХ дахь Монгол Ардын Намын бүлэг өнөөдөр 14:00 цагт ээлжит бус хурал зарлаж, Монгол Улсын Ерөнхийлөгч У.Хүрэлсүхийн албан тушаалаасаа чөлөөлөгдөх асуудлыг хэлэлцэж байна.
Тус хуралдаанд Монгол Улсын Ерөнхийлөгч У.Хүрэлсүх, УИХ-ын дарга С.Бямбацогт, Ерөнхий сайд Н.Учрал нар оролцож буй.
Ерөнхийлөгч У.Хүрэлсүх өнөөдөр олон нийтэд мэдэгдэл хийхдээ өөрийнх нь нэр холбогдсон мэдээлэл, буруутгалын үнэн мөнийг тогтоолгохын тулд албан тушаалаасаа чөлөөлөгдөж, хуулийн байгууллагад хандахаа илэрхийлсэн юм.
Ерөнхийлөгчийн Тамгын газрын даргын мэдээлснээр түүнийг албан тушаалаасаа чөлөөлөгдөх хүсэлтээ өнөөдөр УИХ-д хүргүүлэхээр төлөвлөж байна. Мөн уг асуудлыг Төрийн байгуулалтын байнгын хороогоор хэлэлцүүлж, арваннэгдүгээр сарын 19-ний пүрэв гарагт УИХ-ын нэгдсэн хуралдаанаар шийдвэрлүүлэх хүлээлттэй байна.
Монгол Улсын Үндсэн хуульд зааснаар Ерөнхийлөгчийг өөрийн хүсэлтээр чөлөөлөх асуудлыг УИХ шийдвэрлэнэ. Хэрэв парламент түүнийг чөлөөлөх шийдвэр гаргавал шинэ Ерөнхийлөгч сонгогдож, тангараг өргөх хүртэл төрийн тэргүүний бүрэн эрхийг УИХ-ын дарга хэрэгжүүлэх зохицуулалттай.
Шинэ мэдээг цахим шуудангаар авах бол бүртгүүлнэ үү.
Холбоотой мэдээ





