Скотт Бессент "Их 20"-ийн уулзалтаар Ираны эдийн засгийн сувгуудыг таслахыг шаардана

АНУ-ын Сангийн сайд Скотт Бессент "Их-20" орнуудын сангийн сайд, Төв банкны Ерөнхийлөгч нартай хийх уулзалтаар Ираны эдийн засгийн орлогын сувгуудыг таслахыг шаардахаа мэдэгдлээ. АНУ-ын хоригийг дагаж мөрдөөгүй улс, байгууллагад хоёрдогч хориг ногдуулж, ам.долларт суурилсан барууны санхүүгийн системд нэвтрэх боломжийг нь хязгаарлахыг Вашингтон анхааруулжээ.

Ираны эсрэг эдийн засгийн шахалтыг хэрэгжүүлэх асуудал Бессентийн хийх уулзалт бүрийн гол сэдэв болохоор байна.

Бессент энэ сарын 31-нээс ирэх сарын 1-нд Хойд Каролина мужийн Ашвилл хотод "Их 20"-ийн сангийн сайд, Төв банкны Ерөнхийлөгч нарыг хүлээн авч уулзах юм.

Бессент 2025 онд Өмнөд Африкийн даргалсан "Их 20"-ийн уулзалтад оролцоогүй бол АНУ энэ удаагийн уулзалтыг өөрөө зохион байгуулахаараа онцлог. Д.Трампын засаг захиргаа дэлхийн эдийн засгийн өсөлтийг дэмжих, улс орнуудын хоорондын тэнцвэргүй байдлыг бууруулах, улсын өрийн сорилтыг шийдвэрлэх арга хэмжээний талаар ч санхүүгийн удирдлагуудыг тохиролцоонд хүргэх зорилт тавьжээ.

АНУ-ын засаг захиргаа дэлхийн худалдааны тэнцвэргүй байдлыг бууруулж, Америкийн ажилчдад үр өгөөжтэй нөхцөл бүрдүүлэхийн зэрэгцээ тус улсын компаниудад өрсөлдөөний тэгш орчин бий болгоход анхаарч байна.

“Манай эдийн засгууд дэлхийн зах зээлд илүүдэл үйлдвэрлэл, хүчин чадлыг нийлүүлэх бодлогоор бус, бүтээмж, инновац, хөрөнгө оруулалтаар өрсөлдөх нөхцөлийг бүрдүүлэхийн тулд энэ асуудлыг "Их 20"-ийн хэлэлцүүлгээр шууд авч үзнэ”

Энэ тайлбар нь Д.Трампын засаг захиргаа БНХАУ-ын экспортод түшиглэсэн эдийн засгийн загварыг тодорхойлохдоо тогтмол хэрэглэдэг нэр томьёотой нийцэж байгаа ч албан тушаалтан БНХАУ-ыг шууд нэрлээгүй байна.

"Их 20"-ийн эдийн засгийн өсөлтийн хэлэлцүүлгээр эрчим хүч зэрэг чухал нөөцийн нийлүүлэлтийн тогтвортой сүлжээг дэмжих асуудлыг хэлэлцэх төдийгүй бүтээмжийн өсөлтийг бий болгодог хувийн хэвшлийн шинийг санаачлагчдыг дэмжих арга замыг хэлэлцэхээр төлөвлөжээ.

АНУ-ын өр болон Засгийн газрын бондын өгөөж өсч байгаад "Их 20"-ийн санхүүгийн удирдлагууд санаа зовниж буйг Бессент өнгөрсөн хоёрдугаар сарын сүүлчээр АНУ, Израил Иранд довтолж эхэлснээс хойш өндөр түвшинд хадгалагдсан бондын өгөөж инфляц цаашид саарахын хэрээр буурна. Гэсэн ч АНУ-ын Сангийн яам урт хугацаатай Засгийн газрын бондын өгөөжийг бууруулахад анхаарч, үүний хүрээнд 10-аас 30 жилийн хугацаатай АНУ-ын Засгийн газрын бондын буцаан худалдан авалтын хэмжээг нэмэгдүүлэх талаар өгүүлжээ.