УИХ-ын Байнгын хороод төсвийн зарлагын өсөлтийн шинэ дүрмийг дэмжлээ
УИХ-ын Төсвийн болон Эдийн засгийн байнгын хороод Төсвийн тогтвортой байдлын тухай хуульд өөрчлөлт оруулах төслийг хэлэлцэхийг дэмжиж, санал, дүгнэлтийг чуулганы нэгдсэн хуралдаанд хүргүүлэхээр болов. Төсвийн хүрээний үндсэн үзүүлэлтээс суурь зарлага болон тэнцлийг хасч, нийт зарлагын өсөлт, хөрөнгийн зардлын хэмжээг шинээр оруулахаар төсөлд тусгажээ. Шинэ зохицуулалтаар төсвийн алдагдлыг ДНБ-ий 2 хувиас хэтрүүлэхгүй байхаас гадна зарлагын өсөлтийг эрдэс баялгийн бус эдийн засгийн өсөлттэй уялдуулахаар төлөвлөж байна.
УИХ-ын Төсвийн болон Эдийн засгийн байнгын хороодын хамтарсан хуралдаанаар "Төсвийн тогтвортой байдлын тухай" хуульд нэмэлт, өөрчлөлт оруулах төслийг хэлэлцэхийг дэмжлээ. Есдүгээр сарын 16-ны хуралдаанд оролцсон гишүүдийн 56.7 хувь нь төслийг цааш хэлэлцүүлэх санал өгсөн байна.
Хуулийн өөрчлөлт нь ирэх жилүүдийн төсөв төлөвлөлтөд ашиглах үндсэн хэмжүүрүүдийг шинэчлэхэд чиглэжээ. Төсвийн хүрээний мэдэгдлийн эдийн засгийн есөн үндсэн үзүүлэлтээс “нэгдсэн төсвийн суурь зарлагын дээд хэмжээ”, “нэгдсэн төсвийн суурь тэнцэл”-ийг хасч, оронд нь “нэгдсэн төсвийн нийт зарлагын өсөлтийн хэмжээ” болон “нэгдсэн төсвийн хөрөнгийн зардлын хэмжээ”-г оруулахаар тусгасан байна. УИХ-ын цахим санд нийт зарлагын өсөлт болон хөрөнгийн зардлыг "Төсвийн тогтвортой байдлын тухай" хуульд тусгай үзүүлэлт болгон нэмэхээр заажээ.
Зарлагын өсөлтийг эдийн засгийн өсөлттэй уялдуулна
Төсөлд төсвийн тэнцвэржүүлсэн тэнцэл тухайн жилийн Дотоодын нийт бүтээгдэхүүний 2 хувиас илүүгүй алдагдалтай, эсвэл ашигтай байхаар тусгасан байна.
Мөн нэгдсэн төсвийн нийт зарлагын өсөлтийн хувь нь тухайн жилийн эрдэс баялгийн бус ДНБ-ий өсөлт болон өмнөх дараалсан 12 жилийн эрдэс баялгийн бус ДНБ-ий өсөлтийн дунджийн аль ихээс нь хэтрэхгүй байхаар зохицуулахаар төлөвлөжээ.
Ингэснээр төсвийн зарлагын өсөлтийн дээд хязгаарыг тухайн жилийн эдийн засгийн нөхцөл төдийгүй урт хугацааны өсөлтийн хандлагатай холбон тогтоох бүтэц бүрдэхээр байна.
Төсвийн хүрээний мэдэгдлийн төсөлд 2026 оны нэгдсэн төсвийн нийт зарлагын өсөлтийг 2.65 их наяд төгрөг, хөрөнгийн зардлыг 8.41 их наяд төгрөгөөр тооцсон бол 2027 онд эдгээр үзүүлэлт 2.52 их наяд болон 8.96 их наяд төгрөг байхаар тусгажээ.
Хамтарсан байнгын хорооны дэмжлэг нь хуулийн төслийг эцэслэн баталсан гэсэн үг биш бөгөөд дараагийн шатанд УИХ-ын чуулганы нэгдсэн хуралдаанаар хэлэлцэх эсэхийг шийдвэрлэнэ. Хэрэв өөрчлөлт батлагдвал ирэх жилүүдийн төсвийн зарлагын өсөлт, хөрөнгө оруулалтын хэмжээ болон төсвийн алдагдлыг төлөвлөхөд ашиглах хуульчилсан хэмжүүрүүд шинэчлэгдэх юм.
Холбоотой мэдээ
Том зураглал: Европын Холбоо Канадтай "онцгой түншлэл" байгуулах саналд болгоомжтой хандсаар байна
Канад ЕХ-той эдийн засаг, геополитикийн харилцаагаа гүнзгийрүүлэх санал дэвшүүлсэн ч ЕХ-ны хэд хэдэн улс Канадад худалдааны тусгай нөхцөл олгоход болгоомжтой хандаж байна. Канад, ЕХ-ны чөлөөт худалдааны "CETA" хэлэлцээр 2017 оноос түр хэрэгжиж байгаа ч үүнийг Франц, Итали тэргүүтэй 10 улс одоог хүртэл бүрэн соёрхон батлаагүй байна. Талууд батлан хамгаалал, чухал ашигт малтмал болон дижитал худалдааны салбарт түншлэлээ өргөжүүлэх боломжийг хэлэлцэж буй ба аравдугаар сарын сүүлээр Монреальд дээд хэмжээний уулзалт хийхээр төлөвлөжээ.
АНУ-ын Засгийн газрын 10 жилийн бондын өгөөж 2007 оноос хойших дээд түвшинд хүрлээ
Өндөр хүү санхүүгийн системийн аль хэсэгт хамгийн түрүүнд нөлөөлөх вэ гэсэн асуулт зах зээлд дахин урган гарлаа. 10 жилийн хугацаат бондын өгөөж орон сууцны зээлээс эхлээд компанийн өрийн санхүүжилт хүртэл олон төрлийн зээлийн өртөгт жишиг болдог. Өгөөж цаашид нэмэгдэх эсэхээс илүү өнөөгийн өндөр түвшин хэр удаан хадгалагдах нь чухал байна.
Их Британийн инфляц наймдугаар сард 3.1 хувьд хүрч, өмнөх сарын 2.9 хувиас эрчимжлээ
Үүнд бензин болон дизелийн үнэ огцом нэмэгдсэн нь инфляц өсөхөд голлон нөлөөлжээ. Ингэснээр инфляц гуравдугаар сараас хойш анх удаа 3 хувийн босгыг давлаа. Төрөөс зохицуулдаг эрчим хүчний үнийн дээд хязгаар нэмэгдсэн нь өрхийн зардалд нөлөөлсөөр байна.
АХБ-тай $450 сая хүртэлх санхүүжилтийн хөтөлбөрийг зөвшилцөхийг дэмжлээ
Үүнээс 200 сая ам.доллар нь төсвийн дэмжлэгийн зээл бол 250 сая ам.доллар хүртэлх хэсгийг болзошгүй гамшгийн үед ашиглахаар төлөвлөжээ. Зээлийн үндсэн хугацааг 15 жилээр тогтоож, эхний гурван жилд үндсэн төлбөрөөс чөлөөлөх нөхцөл төсөлд багтсан байна. Санхүүжилтийг бүрэн ашиглавал Засгийн газрын өр 2026 онд ДНБ-ий 44.5 хувьтай тэнцэх төсөөлөл гарчээ.
Эдийн засгийн байнгын хороо Азийн хөгжлийн банктай байгуулах санхүүжилтийн ерөнхий хөтөлбөрийг дэмжив
Улсын Их Хурлын Эдийн засгийн байнгын хороо Азийн хөгжлийн банктай санхүүжилтийн ерөнхий хөтөлбөрийг зөвшилцөхийг дэмжлээ. Хөтөлбөрөөр 200 сая ам.долларын төсвийн дэмжлэгийн зээл, 250 сая ам.доллар хүртэлх гамшгийн зээлийн шугам байгуулна. Санхүүжилт батлагдвал онцгой нөхцөлд мөнгөжилт түргэсч, өрийн түвшинтэй холбоотой анхаарал дагуулна.
Монголбанк: Цалин, тэтгэврийг нэмэгдүүлбэл инфляц оны төгсгөлд 0.7%-аар нэмэгдэж болзошгүй
2026 оны төсвийн тодотголтой холбогдуулан цалин, тэтгэврийн нэмэгдлийг инфляцийн зорилтот түвшинтэй уялдуулж, хэмжээ болон үе шатыг нь бодолцох шаардлагатай гэж Монголбанк үзэж байна Мөн цалин, тэтгэврийн нэмэгдлээс шалтгаалж инфляци энэ онд 0.7 хувь, ирэх онд 1-ээс дээш нэгж хувиар өсөх магадлалтай гэж төсөөлжээ Инфляцийн дарамт нэмэгдвэл Монголбанк мөнгөний бодлогоо чангаруулах бөгөөд энэ нь бизнесийн зээл, эдийн засгийн өсөлтөд сөргөөр нөлөөлөх эрсдэлтэй байна