“Vision Business Tower”-ийн түншүүд бизнесийн ирээдүйн орчныг хамтдаа бүтээж байна

“Улаанбаатар групп” ХХК болон “Монгол Хьюндай Автомотив” ХХК-ийн хамтран хэрэгжүүлж буй “Vision Business Tower” төслийн түнш байгууллагууд, инженерүүд болон бизнесийн салбарын төлөөллүүдийг нэгтгэсэн “Business Meeting & Networking” арга хэмжээ зохион байгуулагдлаа.

Хан-Уул дүүргийн 15 дугаар хороо, 120 мянгатын дөрвөн замын уулзварт сүндэрлэж буй “Vision Business Tower” нь орчин үеийн оффисын орчныг бизнесийн өсөлт, ажлын бүтээмж, тав тух болон хамтын ажиллагаатай уялдуулан хөгжүүлэх зорилготой шинэ үеийн бизнесийн төв юм.

Инженерийн шийдэл, технологи, чанарыг нэг дороос

Төслийн бүтээн байгуулалтад оролцож буй 11 туслан гүйцэтгэгч компанийн төлөөллүүд арга хэмжээнд оролцсоноос найман компани өөрсдийн хэрэгжүүлж буй ажил, инженерийн шийдэл, ашиглаж буй технологи, барилгын материалын онцлог болон төсөлд бий болгож буй үнэ цэнээ танилцууллаа.

Энэхүү танилцуулга нь барилгын чанар, ашиглалтын үр ашиг, инженерийн шийдлийн уялдаа холбоо болон бүтээн байгуулалтад оролцогч талуудын хамтын ажиллагааны ач холбогдлыг онцолсон юм.

Мөн арга хэмжээний үеэр “Vision Business Tower”-ийн архитектур, инженерийн макет болон түнш байгууллагуудын мэдээллийн хэсгүүдийг дэлгэн танилцуулж, зочдод төслийн шийдэл, бүтээн байгуулалтын явцтай танилцахын зэрэгцээ шинэ бизнесийн харилцаа, хамтын ажиллагаа өргөжүүлэх боломжийг бүрдүүлэв.

Орчин үеийн оффисын шинэ үнэ цэнэ — Indoor Garden

Арга хэмжээний үеэр зочдын анхаарлыг онцгой татсан шийдлүүдийн нэг нь барилгын 13 дугаар давхарт төлөвлөгдсөн доторх ногоон байгууламж буюу Indoor Garden байлаа.

Энэхүү шийдэл нь оффисын орчныг зөвхөн ажиллах зориулалттай талбайгаар хязгаарлахгүйгээр амрах, харилцах, санаа солилцох, бүтээлч байдлыг дэмжих орчин болгон хөгжүүлэх төслийн үзэл баримтлалыг илэрхийлж байна.

“Vision Business Tower” нь бизнесийн байгууллагуудын өдөр тутмын үйл ажиллагааг дэмжих дэд бүтэц, орчин үеийн архитектур, инженерийн шийдэл болон хүний тав тухад чиглэсэн төлөвлөлтийг нэгтгэхийг зорьж буйгаараа онцлог юм.

Хамтын ажиллагаанд суурилсан бүтээн байгуулалт

“Business Meeting & Networking” арга хэмжээ нь төслийн бүтээн байгуулалтад оролцож буй байгууллагуудын уялдаа холбоог бэхжүүлэх, харилцан туршлага солилцох, цаашдын хамтын ажиллагааг өргөжүүлэхэд чиглэв.

“Vision Business Tower” төслийн хүрээнд барилгын чанар, инженерийн шийдэл, орчны төлөвлөлт болон бизнесийн хэрэгцээг цогцоор нь авч үзэж, Улаанбаатар хотын шинэ бизнесийн дүүргийн хөгжилд хувь нэмэр оруулахыг зорьж байна.

Төслийн түншүүдийн хамтын ажиллагаа, мэргэжлийн ур чадвар, нэгдсэн зорилго нь бизнесийн ирээдүйн орчныг бүтээх чухал үндэс болж байна.