Арванхоёрдугаар сарын 1-нээс айл өрхүүдэд 14 хоногийн хэрэгцээний 14 шуудай түлш олгох хувилбарыг судалж байна
БНХАУ-аас 54,227 тонн хагас коксон түлш татан авч, 49 мянга орчим тоннын нөөц бүрдүүлсэн талаар “Тавантолгой түлш” компани мэдээллээ.
Гэр хорооллын айл өрхүүдэд хагас коксон түлшийг долоо хоног бүр долоон шуудайгаар олгож буй зохицуулалтыг өөрчилж, арванхоёрдугаар сарын 1-нээс эхлэн 14 хоногт нэг удаа 14 шуудай түлш худалдан авах боломж бүрдүүлэх хувилбарыг судалж байна.
“Тавантолгой түлш” компанийн хэвлэлийн хэлтсээс мэдээлснээр иргэд долоо хоног бүр түлш худалдан авахын оронд хоёр долоо хоногийн хэрэгцээгээ нэг дор авах хүсэлт олноор гаргажээ.
Үүнтэй холбоотойгоор түлш олгох давтамжийг өөрчлөх боломжийг судалж байгаа ч эцсийн шийдвэр хараахан гараагүй байна.
Шинэ зохицуулалт хэрэгжсэн тохиолдолд нэг өрхийн 14 хоногт худалдан авах түлшний нийт хэмжээ өөрчлөгдөхгүй. Харин долоо хоног бүр түлш авах шаардлагагүй болж, худалдан авалтын давтамж хоёр дахин буурах юм.
Гэхдээ өөрчлөлтийг хэрэгжүүлэх эсэх нь түлшний нөөц, түгээлтийн боломж болон бүртгэлийн программын шинэчлэлээс хамаарах аж.
Нийслэлд өдөрт 2,000 орчим тонн түлш борлуулж байна
“Тавантолгой түлш” компанийн мэдээлснээр БНХАУ-аас нийт 54,227 тонн хагас коксон түлш татан авчээ. Үүний зэрэгцээ 49 мянга орчим тонны нөөц бүрдүүлсэн байна.
Одоогоор нийслэлийн хэмжээнд 446 борлуулалтын цэгээр өдөрт нийт 2,000 орчим тонн хагас коксон түлш борлуулж байгаа аж.
Түлшний олголтыг 14 хоногийн давтамжтай болгох боломжийг судлахдаа нөөцийн хүрэлцээ, борлуулалтын цэгүүдийн ачаалал болон түгээлтийн зохион байгуулалтыг харгалзаж байна.
Хэрэв шинэ хувилбар хэрэгжвэл иргэд түлш авахын тулд борлуулалтын цэгт очих давтамж буурах боломжтой. Харин нэг удаад олгох түлшний хэмжээ нэмэгдэх тул түгээлт, хадгалалтын зохицуулалтыг мөн тооцох шаардлагатай.
Хагас коксон түлшийг модгүй асаах бүтээгдэхүүн туршиж байна
Хагас коксон түлшийг мод ашиглахгүйгээр асаах боломж бүрдүүлэх зорилгоор шинэ төрлийн асаагчийг туршиж эхэлжээ.
Уг асаагчийг дотоодын аж ахуйн нэгжийн дахин боловсруулсан цаасаар үйлдвэрлэсэн бөгөөд БНХАУ-ын “Шэньмү эрчим хүчний хөгжил” компанийн Вужоу салбарын бүтээгдэхүүнтэй хамт туршиж байгаа талаар мэдээлсэн байна.
Туршилт амжилттай болбол айл өрхүүд хагас коксон түлшээ асаахдаа нэмэлт мод ашиглах хэрэгцээг бууруулах боломжтой гэж үзэж байна.
Гэхдээ шинэ асаагчийг өргөн хэрэглээнд нэвтрүүлэх эсэх, үнэ болон түгээлтийн нөхцөлийг одоогоор эцэслэн шийдвэрлээгүй байна.
Шинэ мэдээг цахим шуудангаар авах бол бүртгүүлнэ үү.
Холбоотой мэдээ
