Монгол бахархлын өдөр нийслэлийн зах, худалдааны төвүүд амрахгүй
Арваннэгдүгээр сарын 10-ны мягмар гарагт Их эзэн Чингис хаан мэндэлсний 864 жилийн ой, Монгол бахархлын өдөр тохиож, бүх нийтээр амарна.
Маргааш буюу арваннэгдүгээр сарын 10-ны мягмар гарагт өвлийн тэргүүн сарын шинийн нэгэн, Их эзэн Чингис хаан мэндэлсний 864 жилийн ой, Монгол бахархлын өдөр тохиож, бүх нийтээр амарна.
Бүх нийтийн амралтын өдрүүдэд нийслэлийн зарим томоохон зах, худалдааны төвийн ажиллах хуваарьт өөрчлөлт ордог. Харин энэ удаагийн Монгол бахархлын өдрөөр зах, худалдааны төвүүд ердийн горимоор ажиллахыг Улаанбаатар хотын Захирагчийн ажлын албанаас мэдээлжээ.
Тиймээс иргэд ердийн цагийн хуваарийн дагуу үйлчлүүлэх боломжтой аж.
Монгол Улсад жил бүрийн өвлийн тэргүүн сарын шинийн нэгнийг Их эзэн Чингис хааны мэндэлсэн өдөр буюу Монгол бахархлын өдөр болгон тэмдэглэж, бүх нийтийн амралтын өдөр байхаар хуульчилсан байдаг. Энэ жил уг өдрийг бүх нийтийн амралтын өдөр болгон тэмдэглэж эхэлсний 14 жилийн ой тохиож байна.
Шинэ мэдээг цахим шуудангаар авах бол бүртгүүлнэ үү.
Холбоотой мэдээ
