Өнөөдөр нийт нутгаар цас орохгүй, ихэнх нутгаар дулаан байна

Өнөөдөр Монгол орны нийт нутгаар цас орохгүй, ихэнх нутгаар багавтар үүлтэй байна. Нутгийн зүүн хэсгээр солигдмол үүлтэй байх бөгөөд салхи ихэнх нутгаар баруун өмнөөс секундэд 5-10 метрийн хурдтай салхилна.

Дархадын хотгор, Завхан, Заг-Байдраг голын эх, Идэр, Тэс голын хөндийгөөр өдөртөө -2...-7 градус хүйтэн байна. Харин Монгол-Алтай, Хангай, Хөвсгөл, Хэнтийн уулархаг нутаг, Туул, Тэрэлж, Улз, Халх голын хөндий болон Дарьгангын тал нутгаар -1...+4 градус, бусад нутгаар +5...+10 градус дулаан байх төлөвтэй.

Улаанбаатар хотод багавтар үүлтэй, цас орохгүй. Салхи баруун өмнөөс секундэд 5-10 метрийн хурдтай салхилж, өдөртөө +2...+4 градус дулаан байна. Багануур орчимд мөн +2...+4 градус дулаан байх бол Тэрэлж орчимд 0 градус орчим байна.

Өнөө өглөөний 05:00 цагийн байдлаар нийслэлд агаарын температур -12 градус, харьцангуй чийгшил 66 хувь, агаарын даралт 881 гектопаскаль байжээ. Агаарын даралт өдөртөө тогтвортой байх төлөвтэй байна.