И Жэ Мён: БНСУ энх тайвныг чухалчилж буй ч “хамгийн муу хувилбар”-т бэлэн байх ёстой
И Жэ Мён Солонгосын хойгт энх тайвныг хадгалах нь нэн тэргүүний зорилт боловч улс орон “хамгийн муу хувилбар”-т бэлтгэлтэй байх шаардлагатай гэдгийг мэдэгдлээ. Түүний байр суурь АНУ Өмнөд Солонгостой хамтарсан цэргийн сургуулилалтын цар хүрээг “мэдэгдэхүйц хэмжээнд бууруулах”-аа мэдэгдсэний дараа гарч байна. Шинжээчид АНУ-ын шийдвэрээр дамжуулан БНАСАУ-ын Дээд удирдагч Ким Жон Уныг дахин хэлэлцээний ширээнд суулгах хэрэгсэл болгон ашиглаж байж болзошгүй юм.
Өмнөд Солонгосын Ерөнхийлөгч И Жэ Мён мягмар гарагт Солонгосын хойгт энх тайвныг хадгалах нь нэн тэргүүний зорилт боловч улс орон “хамгийн муу хувилбар”-т бэлтгэлтэй байх шаардлагатай гэдгийг мэдэгдлээ.
Түүний байр суурь АНУ-ын Ерөнхийлөгч Дональд Трамп тус улсын Батлан хамгаалахын сайд Пит Хегсетэд Өмнөд Солонгостой хамтарсан цэргийн сургуулилалтын цар хүрээг “мэдэгдэхүйц хэмжээнд бууруулах” чиглэл өгсний дараа гарч байна. Тэрбээр энэ алхмаа Умард Солонгост “зохисгүй бөгөөд дайсагнасан дохио” өгөхөөс зайлсхийх зорилготой хэмээн тайлбарлажээ.
Трамп ням гарагт өөрийн “Truth Social” нийгмийн сүлжээнд БНАСАУ-ын Дээд удирдагч Ким Жон Унтай “маш сайн” харилцаатай гэдгээ онцолж, тус улсын байр суурийг "заналхийлэлгүй, хүндэтгэлтэй ханддаг" хэмээн тодорхойлсон байна.
Харин И Жэ Мён жил бүр АНУ болон БНСУ-ын батлан хамгаалах яам хамтран зохион байгуулдаг “Ulchi Freedom Shield” сургуулилалт нь хамгаалалтын шинжтэй бөгөөд Умард Солонгос руу довтлох, эсвэл Солонгосын хойгийн хурцадмал байдлыг нэмэгдүүлэх зорилгогүй гэдгийг онцолжээ.
Даваа гарагт эхэлсэн АНУ болон Өмнөд Солонгосын хамтарсан сургуулилалт энэ сарын 27 хүртэл үргэлжлэх бөгөөд Өмнөд Солонгосын 18,000 орчим цэргийн алба хаагч оролцож байна.
Пёньян хамтарсан сургуулилалтыг Умард Солонгос руу довтлох бэлтгэл гэж үзэн удаа дараа эсэргүүцэж ирсэн. Тус улсын Гадаад хэргийн яам өнгөрсөн долоо хоногт тус сургуулилалт нь “түрэмгий дайны бэлтгэл” хэмээн үзэж буйгаа мэдэгдсэн юм.
Трамп Умард Солонгостой дахин хэлэлцээ хийх дохио өгч байна уу?
Вашингтоны байр суурь зөвхөн Солонгосын хойгоор хязгаарлагдахгүй байна. Тодруулбал, Трамп Ирантай холбоотой мөргөлдөөнд Сөүл АНУ-д хангалттай дэмжлэг үзүүлэхгүй байна хэмээн шүүмжилжээ. Тэрбээр мөн Өмнөд Солонгосыг Умард Солонгосын аюулаас хамгаалахын тулд АНУ олон арван мянган цэргээ байршуулж байгааг сануулсан байна.
Одоогоор Өмнөд Солонгост байрлах АНУ-ын Зэвсэгт хүчний бүрэлдэхүүнд ойролцоогоор 28,500 алба хаагч багтдаг.
Өмнөд Солонгосын Ерөнхийлөгчийн Тамгын газрын албан тушаалтнууд Солонгосын хойгийн цэргийн бэлэн байдал болон дотоодын хууль эрх зүйн шаардлагыг харгалзан АНУ-д ямар бодит болон цэргийн дэмжлэг үзүүлэх боломжтой талаар Вашингтонтой хэлэлцэж байгааг орон нутгийн хэвлэлүүд мэдээлжээ.
Олон улсын бодлого, стратегийн судалгааны "Center for Strategic and International Studies" байгууллагын Солонгосын асуудал хариуцсан шинжээч Виктор Чагийн үзэж буйгаар Трамп хамтарсан сургуулилалтын асуудлыг Ким Жон Уныг дахин хэлэлцээний ширээнд суулгах хэрэгсэл болгон ашиглаж байж болзошгүй юм.
Түүний хувьд ийм тактик шинэ зүйл биш. Тухайлбал, Трамп 2018 онд Пёньян, Вашингтоны хэлэлцээ ид өрнөж байх үед Өмнөд Солонгостой хийх зарим хамтарсан сургуулилалтыг зогсоож байсан юм.
Иймд энэ удаагийн сургуулилалтын цар хүрээг бууруулах тухай байр суурь нь Солонгосын хойгийн аюулгүй байдлын бодлогод өөрчлөлт оруулахаас гадна Вашингтон Пёньянтай дипломат харилцаагаа дахин идэвхжүүлэхээр оролдож буйн дохио байж болохыг шинжээчид онцолж байна.
Холбоотой мэдээ
Д.Трамп: Ноён Зеленский Оросын дизель түлшний үйлдвэрлэлийг зогсооход хүргэж байгаа агаарын цохилтоо зогсоох хэрэгтэй
Украин сүүлийн саруудад Оросын газрын тос боловсруулах дэд бүтцэд чиглэсэн алсын тусгалын цохилтоо эрчимжүүлсэн. “GasBuddy”-ийн мэдээллээр АНУ-д дизель түлшний үнэ пүрэв гарагт галлон тутамдаа 6 ам.долларыг давсан юм. Оросын боловсруулах хүчин чадал буурвал дизель түлшний дэлхийн нийлүүлэлт хумигдах эрсдэл нэмэгдэнэ.
Моди Хятадтай харилцааг ахиулахын тулд хилийн бүсэд энх тайван, тогтвортой байдал чухал гэв
Энэтхэгийн Ерөнхий сайд Нарендра Моди хилийн энх тайван тогтвортой байдал харилцааг урагшлуулах үндэс гэв Энэтхэгийн Засгийн газрын мэдээлснээр BRICS-ийн уулзалтаар Моди, Ши Жиньпин хилээ шударгаар шийдэхээр тохиролцов Худалдааны тэнцвэргүй байдал, нийлүүлэлтийн сүлжээний эрсдэл буурах нь хамтын ажиллагааг цааш тэлэх хөшүүрэг болно
AfD Саксони‑Анхальтын парламентэд хамгийн олон суудал авч, засгийн эрхийн тохироо хурцдав
Германы Саксони‑Анхальтад AfD хамгийн олон суудал авч, эвслийн хэлэлцээ улс төрийн чиглэлийг тодорхойлох болов AfD 83 суудалтай мужийн парламентад 39 суудал авч, BSW таван суудалтайгаар дэмжлэгийн нөхцөл тавьжээ Тохироо бүтэлгүйтвэл бусад намаас урвах гишүүдийг татах, бүр дахин сонгууль зарлах хувилбар хүчтэйдэнэ
Монгол, Вьетнам агаарын карго тээврийн эрх зүйн орчныг бүрдүүлэхээр тохиролцжээ
Монгол Улсын Ерөнхий сайд Н.Учрал Вьетнам улсын Үндэсний ассамблейн дарга Чан Тань Маныг есдүгээр сарын 10-нд хүлээн авч уулзлаа. Худалдаа, хөрөнгө оруулалт, тээвэр, логистик зэрэг эдийн засгийн хамтын ажиллагааг өргөжүүлэх асуудлаар санал солилцов. Монгол, Вьетнамын Засгийн газар хоорондын комиссын механизмыг харилцан ашигтай шинэ чиглэлээр өргөжүүлэх санал дэвшүүлжээ.
Д.Трамп Ираны "Pickaxe Mountain" цөмийн байгууламжид цохилт өгч болзошгүйг анхаарууллаа
Трамп долоодугаар сарын 21-нд Цагаан ордонд сэтгүүлчдэд ярихдаа АНУ тус бүсийг “тун удахгүй, маш хүчтэй” онилно гэж мэдэгдэж байв. Харин саяхан Иран центрифугийн тоног төхөөрөмжийг "Pickaxe Mountain" руу шилжүүлсэн байж болзошгүй гэж ярьжээ. "Pickaxe Mountain" нь Ираны Натанз дахь уран баяжуулах байгууламжаас ойролцоогоор хоёр километрийн зайд оршдог.
Ерөнхийлөгч У.Хүрэлсүх Ховд, Баян-Өлгий аймагт ажиллана
Ховд аймагт Эрдэнэбүрэний усан цахилгаан станцын бүтээн байгуулалтын явцтай танилцана. Баян-Өлгийд Эзэн Богд Чингис хааны шүтээн хөрөг нээх ёслолд оролцох юм байна. Өлгий хотод иргэд болон боловсролын салбарын төлөөлөлтэй уулзахаар төлөвлөжээ.