И.Маскийн “America PAC” завсрын сонгуулийн гол өрсөлдөөнүүдэд $800 мянгыг зарцуулжээ
Нийт зардлын бараг 90 хувь нь Сенатын сонгуульд чиглэж, Техас, Мэйн, Охайо мужид хамгийн их хөрөнгө зарцуулсан байна. “America PAC” зургаадугаар сарын эцэст ердөө 274 мянга орчим ам.долларын бэлэн мөнгөний үлдэгдэлтэй байжээ. Сонгууль ойртох тусам нэмэлт санхүүжилт татах эсэх нь анхаарлын төд байна.
Илон Маскийн дэмждэг, нэр дэвшигчдийн кампанит ажлаас хараат бусаар улс төрийн сурталчилгаанд хөрөнгө зарцуулах “America PAC” Улс төрийн үйл ажиллагааны хороо энэ оны завсрын сонгуулийн гол өрсөлдөөнүүд рүү санхүүжилтээ чиглүүлж эхэллээ.
АНУ-ын Холбооны сонгуулийн хороонд хүргүүлсэн мэдүүлгээр тус байгууллага 800,475 ам.доллар зарцуулсны бараг 90 хувь нь Сенатын өрсөлдөөнүүдэд ногджээ.
Хамгийн их зардал Техас мужид бүртгэгдсэн байна. “America PAC” тус мужид 247 мянга гаруй ам.доллар зарцуулж, Бүгд Найрамдах намын Кен Пакстоныг дэмжих, Ардчилсан намын Жэймс Талариког эсэргүүцэх сурталчилгаа санхүүжүүлжээ.
Мэйн мужид 170 мянга орчим ам.доллар, Охайод 106 мянга орчим ам.долларын зарцуулалт хийсэн байна. Үүнээс гадна Нью-Хэмпширт 91,459, Айовад 54,600, Мичиганад 25,605, Аляскад 17,235 ам.доллар зарцуулжээ.
Зардлын дийлэнхийг хэвлэлийн үйлчилгээ гэж бүртгэсэн бөгөөд голчлон сонгогчдод шуудангаар хүргэдэг сурталчилгааны материалд ашигласан байна. Ийм сурталчилгаа нь сонгогчдын тодорхой бүлэгт шууд хүрэх боломжтой тул саналын зөрүү бага байх төлөвтэй тойргуудад кампанит ажлын чухал хэрэгсэл болдог.
Сенатаас гадна Төлөөлөгчдийн танхимын өрсөлдөөнд мөнгө чиглүүлэв
Сенатын сонгууль “America PAC”-ийн зарцуулалтын гол хэсгийг эзэлсэн ч тус байгууллага Төлөөлөгчдийн танхимын найман өрсөлдөөнд нийт 90 мянга орчим ам.доллар зарцуулжээ. Супер PAC-ийн хөрөнгө нь нэр дэвшигчдийн албан ёсны кампанит ажлын төсвөөс тусдаа зарцуулагддаг. Иймээс нам болон нэр дэвшигчдийн өөрсдийн сурталчилгаанаас гадна бие даасан байгууллагууд сонгогчдод хүрэх нэмэлт суваг бий болгодог.
“America PAC”-ийн нийт санхүүгийн үзүүлэлтээс харахад одоогийн зарцуулалт нь илүү өргөн хэмжээний мөнгөн урсгалын нэг хэсэг юм. 2025-аас 2026 оны сонгуулийн мөчлөгт зургаадугаар сарын 30-ны байдлаар тус байгууллага 50.3 сая ам.доллар босгож, 52.3 сая ам.доллар зарцуулжээ. Тайлант хугацааны эцэст 274 мянга орчим ам.долларын бэлэн мөнгө үлдсэн байна.
Босгосон хөрөнгөөсөө илүү хэмжээний мөнгө зарцуулж, бэлэн мөнгөний үлдэгдэл харьцангуй бага болсон нь завсрын сонгуулийн кампанит ажил эрчимжих үед “America PAC” дахин хөрөнгө татах эсэхийг анхаарлын төвд оруулж байна.
Маск өмнө нь улс төрийн зардлаа бууруулна гэж мэдэгдэж байв
Бүгд Найрамдах намын удирдлагууд Илон Маскийн завсрын сонгууль дахь оролцоог анхааралтай ажиглаж байна. АНУ-ын Төлөөлөгчдийн танхимын дарга Майк Жонсон “CNBC”-д Маск хийхээр төлөвлөж буй ажлынхаа нэлээд хэсгийг олон нийтэд ил болгосон гэж мэдэгджээ.
Жонсон Масктай сонгуулийн талаар ярилцсан зүйлсийнхээ дэлгэрэнгүйг хэлэхээс татгалзсан ч “Бид завсрын сонгуульд ялна” гэж онцолсон байна. Илон Маск харин өмнө нь улс төрд зарцуулах мөнгөө “илүү бага” болгоно гэж мэдэгдэж байсан ч “America PAC” шийдвэрлэх Сенат болон Төлөөлөгчдийн танхимын өрсөлдөөнүүдэд санхүүжилт гаргаж эхэлсэн нь Маскийн улс төрийн санхүүжилт 2026 оны завсрын сонгуулийн мөчлөгт ямар хэмжээнд үргэлжлэхэд анхаарал татаж байна.
Холбоотой мэдээ
Д.Трамп: Ноён Зеленский Оросын дизель түлшний үйлдвэрлэлийг зогсооход хүргэж байгаа агаарын цохилтоо зогсоох хэрэгтэй
Украин сүүлийн саруудад Оросын газрын тос боловсруулах дэд бүтцэд чиглэсэн алсын тусгалын цохилтоо эрчимжүүлсэн. “GasBuddy”-ийн мэдээллээр АНУ-д дизель түлшний үнэ пүрэв гарагт галлон тутамдаа 6 ам.долларыг давсан юм. Оросын боловсруулах хүчин чадал буурвал дизель түлшний дэлхийн нийлүүлэлт хумигдах эрсдэл нэмэгдэнэ.
Моди Хятадтай харилцааг ахиулахын тулд хилийн бүсэд энх тайван, тогтвортой байдал чухал гэв
Энэтхэгийн Ерөнхий сайд Нарендра Моди хилийн энх тайван тогтвортой байдал харилцааг урагшлуулах үндэс гэв Энэтхэгийн Засгийн газрын мэдээлснээр BRICS-ийн уулзалтаар Моди, Ши Жиньпин хилээ шударгаар шийдэхээр тохиролцов Худалдааны тэнцвэргүй байдал, нийлүүлэлтийн сүлжээний эрсдэл буурах нь хамтын ажиллагааг цааш тэлэх хөшүүрэг болно
AfD Саксони‑Анхальтын парламентэд хамгийн олон суудал авч, засгийн эрхийн тохироо хурцдав
Германы Саксони‑Анхальтад AfD хамгийн олон суудал авч, эвслийн хэлэлцээ улс төрийн чиглэлийг тодорхойлох болов AfD 83 суудалтай мужийн парламентад 39 суудал авч, BSW таван суудалтайгаар дэмжлэгийн нөхцөл тавьжээ Тохироо бүтэлгүйтвэл бусад намаас урвах гишүүдийг татах, бүр дахин сонгууль зарлах хувилбар хүчтэйдэнэ
Монгол, Вьетнам агаарын карго тээврийн эрх зүйн орчныг бүрдүүлэхээр тохиролцжээ
Монгол Улсын Ерөнхий сайд Н.Учрал Вьетнам улсын Үндэсний ассамблейн дарга Чан Тань Маныг есдүгээр сарын 10-нд хүлээн авч уулзлаа. Худалдаа, хөрөнгө оруулалт, тээвэр, логистик зэрэг эдийн засгийн хамтын ажиллагааг өргөжүүлэх асуудлаар санал солилцов. Монгол, Вьетнамын Засгийн газар хоорондын комиссын механизмыг харилцан ашигтай шинэ чиглэлээр өргөжүүлэх санал дэвшүүлжээ.
Д.Трамп Ираны "Pickaxe Mountain" цөмийн байгууламжид цохилт өгч болзошгүйг анхаарууллаа
Трамп долоодугаар сарын 21-нд Цагаан ордонд сэтгүүлчдэд ярихдаа АНУ тус бүсийг “тун удахгүй, маш хүчтэй” онилно гэж мэдэгдэж байв. Харин саяхан Иран центрифугийн тоног төхөөрөмжийг "Pickaxe Mountain" руу шилжүүлсэн байж болзошгүй гэж ярьжээ. "Pickaxe Mountain" нь Ираны Натанз дахь уран баяжуулах байгууламжаас ойролцоогоор хоёр километрийн зайд оршдог.
Ерөнхийлөгч У.Хүрэлсүх Ховд, Баян-Өлгий аймагт ажиллана
Ховд аймагт Эрдэнэбүрэний усан цахилгаан станцын бүтээн байгуулалтын явцтай танилцана. Баян-Өлгийд Эзэн Богд Чингис хааны шүтээн хөрөг нээх ёслолд оролцох юм байна. Өлгий хотод иргэд болон боловсролын салбарын төлөөлөлтэй уулзахаар төлөвлөжээ.