Н.Учрал: Хөдөлмөрийн хөлсний доод хэмжээг нэг сая төгрөг болгох шийдвэр албажаагүй
Гурван талт Үндэсний хороо наймдугаар сард хөдөлмөрийн хөлсний доод хэмжээг 792 мянган төгрөгөөс 26.3 хувиар нэмэгдүүлж, нэг сая төгрөг болгохоор тогтсон.
Хөдөлмөрийн хөлсний доод хэмжээг 2027 оны нэгдүгээр сарын 1-нээс сарын нэг сая төгрөг болгох гурван талт хэлэлцээр одоогоор албажаагүй бөгөөд ажил олгогчдын төлөөллийн байр суурийг сонсох шаардлагатай гэж Ерөнхий сайд Н.Учрал мэдэгдлээ.
Тэрбээр есдүгээр сарын 25-ны УИХ-ын чуулганы нэгдсэн хуралдааны үеэр гишүүдийн асуултад хариулахдаа энэ тухай онцолсон байна.
Хөдөлмөр, нийгмийн түншлэлийн гурван талт Үндэсний хороо өнгөрсөн сарын 17-нд хуралдаж, улсын хэмжээнд мөрдөх хөдөлмөрийн хөлсний доод хэмжээг 26.3 хувиар нэмэгдүүлэхээр тогтоосон. Шийдвэрийн дагуу одоогийн сарын 792 мянган төгрөгийн доод хэмжээ ирэх оны нэгдүгээр сарын 1-нээс нэг сая төгрөг, цагийн үнэлгээ 5,952.3 төгрөг болохоор тусгасан.
Одоогийн 792 мянган төгрөгийн хөдөлмөрийн хөлсний доод хэмжээ 2025 оны дөрөвдүгээр сарын 1-нээс мөрдөгдөж эхэлсэн бөгөөд өмнөх 660 мянган төгрөгөөс 20 хувиар нэмэгдсэн үзүүлэлт юм.
Мөн Ерөнхий сайд тэтгэвэр, тэтгэмж болон цалинг нэмэгдүүлэх бодлогыг хувийн хэвшилд заавал хүндрэл учруулна гэж нэг талаас нь авч үзэх нь өрөөсгөл хэмээн байр сууриа илэрхийллээ. Түүний хэлснээр, хүн амын 40 хувь нь бага орлоготой бүлэгт багтаж байгаа бол ахмадуудын 30 хувь нь сарын 769 мянган төгрөгийн тэтгэвэр авч байгаа юм.
Хөдөлмөрийн хөлсний доод хэмжээг тогтоохдоо амьжиргааны өртөг, хөдөлмөрийн бүтээмж ба дундаж цалингийн харьцаа, эдийн засгийн өсөлт, хөдөлмөр эрхлэлт, инфляц зэрэг үзүүлэлтийг харгалзан үздэг. Шийдвэрийг Засгийн газар, ажил олгогч болон ажилтны эрх ашгийг төлөөлөх байгууллагуудын тэгш оролцоотой гурван талт Үндэсний хороо хэлэлцэн баталдаг байна.
Холбоотой мэдээ
АХБ Монгол Улсад $1.49 тэрбумын хөрөнгө оруулалт хийжээ
Азийн хөгжлийн банкны Ерөнхийлөгч Масато Канда КАРЕК-ийн 25 дахь Сайд нарын бага хурал болон “CAREC Business Forum 2026”-д оролцохоор Монгол Улсад айлчилна.
Гадаадад хөдөлмөрлөсөн хуримтлалыг Монгол дахь үнэ өсөлт гүйцэж, орон сууцны зорилго холдож байна
Гадаадад ажиллаж буй иргэдийн хуримтлал Монгол дахь инфляц, байрны үнийн өсөлтөд гүйцэгдэж байна 2025 оны зургаадугаар сард хэрэглээний үнэ 8.2 хувь, Улаанбаатарын орон сууцны индекс 15.
Гэртээ ойр ажилтай байх нь тансаглал юм: Америкийн хөдөлмөрийн насныхан цалингаас гадна зорчих зардлаа тооцдог болжээ
АНУ-ын ажилтнуудын 49 хувь нь зорчих хугацаа эсвэл зардлаас шалтгаалан дор хаяж нэг ажлын саналаас татгалзаж байна.
Дэлхийн хэмжээнд $365 их наяд давсан өрийн "сүлжээ" үүсчээ
Дэлхийн улс орнуудын нийт өр 2026 оны эхний хагаст 10 их наяд ам.доллароор нэмэгдэв. Хөгжингүй эдийн засагтай орнууд сүүлийн нэг жилд Засгийн газрын бондын хүүд 3.3 их наяд ам.
Швейцарын төв банк бодлогын хүүгээ 0 хувьд хэвээр үлдээлээ
Энэ нь инфляц болон франкийн ханшийн хөдөлгөөнийг үргэлжлүүлэн ажиглах дохио юм. Швейцарын инфляц наймдугаар сард 0.8 хувьд хүрсэн ч төв банкны 0-2 хувийн зорилтот хүрээнд байна.
З.Мэндсайхан: "Оюутолгой"-н ногдол ашгийн ₮1 их наядыг Хуримтлалын санд төвлөрүүлэхээр төлөвлөсөн
Засгийн газар 2027 онд “Оюутолгой” компаниас 3 их наяд төгрөгийн ногдол ашиг авахаар төсвийн төсөлд тусгасан тухай Сангийн сайд З.Мэндсайхан мэдээллээ.