Чимэгэ Уншигч: сэтгэл хөдлөл илэрхийлэх шинэ дуу хоолойнууд нэмэгдлээ
- Бичвэрийг яриа болгон хөрвүүлдэг хиймэл оюунд суурилсан “Чимэгэ Уншигч” системд сэтгэл хөдлөл илэрхийлэх дөрвөн шинэ дуу хоолой нэмэгджээ.

Бичвэрийг яриа болгон хөрвүүлдэг хиймэл оюун ухаанд суурилсан "Чимэгэ Уншигч" систем сэтгэл хөдлөл илэрхийлэх 4 шинэ дуу хоолойгоор хоолойны төрлөө баяжууллаа. Хэрэглэгчид хоолойны төрлөөс сонголтоо хийж текстээ уншуулах бөгөөд мөн баяр баясгалантай, урам зоригтой, халуун дулаан, нухацтай, ундууцсан гэх мэт агуулга болон орчин нөхцөлдөө тохирох сценариас яаж унших хэв маягийг сонгох юм.Ингэснээр дуу оруулалт илүү амьд, байгалийн болж, агуулгын утга санааг сонсогчдод бүрэн хүрэх юм. Мөн хэрэглэгчдэд илүү хялбар болохоос үүднээс нэг хөрвүүлгээр 2 хувилбар санал болгож эхэллээ.
Чимэгэ уншигчийг хэн хэрэглэх вэ?
Чимэгэ Уншигчийг хувь хүн, контент бүтээгч, байгууллага, бизнесийн олон төрлийн хэрэгцээнд ашиглах боломжтой. Үүнд:
• Контентын дуу оруулалт. YouTube, TikTok, Reels бичлэг, подкаст болон сургалтын видеоны дуу оруулалтыг богино хугацаанд, чанартай бэлтгэнэ.
• Зар сурталчилгаа. Бүтээгдэхүүний танилцуулга, сошиал медиагийн сурталчилгаа, брэндийн видеог зорилтот өнгө аястай, мэргэжлийн түвшинд дуу оруулна.
• Аудио ном, үлгэр. Дүр бүрд тохирсон дуу хоолой сонгож, сонсогчийн анхаарлыг татахуйц өгүүлэмж бүтээнэ.
• Бизнесийн хэрэглээ. Байгууллагын танилцуулга, дуут мэдээлэл, хэрэглэгчид зориулсан заавар, гарын авлагыг ойлгомжтой, нэгэн хэвийн байдлаар хүргэнэ.
Чимэгэ Уншигчийн давуу тал
Систем нь монгол болон англи хэлээр бичвэрийг жинхэнэ хүний яриатай ижил, байгалийн мэт уншина.
Цаг хугацаа, зардлын хэмнэлтийг бий болгоно. Студи түрээслэх, хөтлөгч хайж олох, бичлэг хийх зэрэг нэмэлт ажил, зардал шаардлагагүй болно.
Шуурхай үр дүн үзүүлнэ. Мэргэжлийн түвшний дуу оруулалтыг хэдхэн минутын дотор бэлэн болгоно.
Хэрхэн ашиглах вэ?
Чимэгэ Уншигчийг reader.chimege.com вэбсайт болон гар утасны аппликейшнээр дамжуулан ашиглах боломжтой. Та өөрийн бичвэр буюу текстээ оруулж, тохирох дуу хоолой болон өнгө аясаа сонгоод, мэргэжлийн түвшний дуу оруулалтаа шууд аваарай.
Шинэ мэдээг цахим шуудангаар авах бол бүртгүүлнэ үү.
Холбоотой мэдээ




