Монгол, Хятадын авто замын 11 боомтыг есдүгээр сард түр хаана
БНХАУ-ын намрын дунд сарын баяртай холбоотойгоор Монгол, Хятадын авто замын 10 боомт есдүгээр сарын 25-нд ажиллахгүй. Ховд аймгийн Байтаг боомтыг есдүгээр сарын 25-27-ны өдрүүдэд буюу нийт гурван хоног түр хаана. Хилээр зорчих иргэд болон ачаа тээврийн компаниуд боомтуудын ажиллах хуваарьтай уялдуулан урьдчилан төлөвлөх шаардлага үүсэв.
БНХАУ-ын Намрын дунд сарын баяртай холбоотойгоор Монгол, Хятадын авто замын 11 боомтын үйл ажиллагааг есдүгээр сарын сүүлээр түр зогсоохоор болжээ. Боомтуудын дийлэнх нь нэг хоног, харин Ховд аймгийн Байтаг боомт гурван хоног ажиллахгүй.
Тодруулбал, Булган, Замын-Үүд, Бургастай, Шивээхүрэн, Гашуунсухайт, Ханги, Бичигт, Баянхошуу, Хавирга, Сүмбэр боомтын үйл ажиллагааг есдүгээр сарын 25-нд нэг хоногийн хугацаанд түр зогсооно.
Харин Ховд аймгийн Байтаг боомт есдүгээр сарын 25-наас 27-ны өдрийг дуустал гурван хоног хаалттай байх юм.
Түр хаалтын хугацаанд тухайн боомтуудаар зорчигч болон авто замын ачаа тээврийн хөдөлгөөн зогсох тул иргэд, аж ахуйн нэгжүүд хил нэвтрэх хугацаа болон тээврийн маршрутаа урьдчилан тооцож төлөвлөх шаардлагатай.
Ялангуяа экспорт, импортын авто тээвэр эрхэлдэг компаниуд боомтын ажиллах хуваарьтай уялдуулан тээвэрлэлтийн хугацаагаа зохицуулах хэрэгтэй байна.
Холбоотой мэдээ
Эрдэнэбүрэний УЦС баруун бүсийн эрчим хүчний импортын хамаарлыг бууруулна
90 МВт-ын Эрдэнэбүрэний усан цахилгаан станц 2030 онд ашиглалтад орсноор баруун бүсийн цахилгааны хэрэгцээг дотоодын эх үүсвэрээр бүрэн хангана. Станц жилд 360 сая кВт.цаг цахилгаан үйлдвэрлэх хүчин чадалтай нь баруун бүсийн одоогийн 160 сая кВт.цагийн жилийн хэрэглээнээс хоёр дахин өндөр үзүүлэлт юм. Төсөл хэрэгжсэнээр ОХУ, БНХАУ-аас авах цахилгааны хэрэгцээ буурч, илүүдэл эрчим хүчийг төвийн бүсийн системд нийлүүлэх боломж бүрдэхээр байна.
Улаанбаатарын 176 уулзвар, гарцад 2,600 гаруй ухаалаг камер суурилуулжээ
Улаанбаатар хот замын хөдөлгөөний удирдлагын системээ шинэчилж, Германы замын хөдөлгөөний технологийн “Yunex Traffic” компанийн мэргэжилтнүүд төслийн дараагийн шатны ажилд оролцож эхэллээ. Хотын 176 уулзвар, гарцад 2,600 гаруй ухаалаг камер суурилуулж, замын хөдөлгөөний мэдээллийг бодит цагийн горимд цуглуулах нэгдсэн сүлжээнд холбожээ. Дараагийн шатанд хөдөлгөөний бодит урсгалд тохируулан уулзваруудын нэвтрүүлэх чадварыг сайжруулах ухаалаг гэрлэн дохионы систем нэвтрүүлэхээр ажиллаж байна.
Нийслэл өвлийг өөдрөг угтах уу:УБЦТС-ын урсгал засвар 99 хувийн гүйцэтгэлтэй байна
Тус компани найман дүүрэг, Төв аймгийн 16 сумын 536 мянга гаруй хэрэглэгчийн цахилгаан хангамжийн найдвартай байдлыг сайжруулах зорилгоор 3,323 дэд станц, шугам тоноглолыг засварлаж байна. Засвар, хөрөнгө оруулалтын ажлыг аравдугаар сард бүрэн дуусгахаар төлөвлөжээ. Хужирбулан, Гачуурт орчмын цахилгаан хангамжийг сайжруулах шугамын өргөтгөл үргэлжилж байна.
Сургуулийн автобусны аюулгүй байдалд хяналтыг үргэлжлүүлж байна
Наймдугаар сарын 17-31-нд 200 гаруй хүүхдийн автобусыг техникийн үзлэг, оношилгоонд хамруулжээ. Тэдгээрийн 90 гаруй хувь нь шаардлага хангасан байна. Энэ хичээлийн жилд нийслэлийн 84 сургуульд 64 чиглэлээр 67 автобус сурагч тээвэрлэж байна.
Улаанбаатар түгжрэлийг бууруулахын тулд 84 сургууль барьж, нийтийн тээврийн 16 шинэ чиглэл нээнэ
Улаанбаатар хот түгжрэлийг бууруулахын тулд нийтийн тээврийн хүртээмж, сургуулийн хүчин чадал, авто замын сүлжээг зэрэг сайжруулахаар төлөвлөжээ. Судалгаагаар гэрээсээ 400 метрийн дотор автобусны буудалд очдог иргэд нийтийн тээврийг сонгох магадлал өндөр. Улаанбаатарын иргэдийн 56 хувь нь ажил, хичээлдээ хувийн автомашинаар, 24 хувь нь нийтийн тээврээр зорчдог.
УБТЗ ₮500 саяар Сайншанд чиглэлийн төмөр замын гармыг шинэчиллээ
Дорноговь аймаг дахь 39 дүгээр зөрлөг болон Сайншанд өртөөний хооронд байрлах 875-р км-ийн гармыг шинэчилжээ. 24 цагийн жижүүрийн зохицуулалттайгаар байнгын ашиглалтад оруулсан байна. Тус гармаар орон нутгийн суудлын автомашинаас гадна хүнд даацын болон нийтийн тээврийн хэрэгсэл зорчдог.