“OpenAI” хэрэглэгчийн өмнөөс дэлгүүр хэсэх “Wallet” үйлчилгээг танилцуулжээ
“OpenAI” компани хэрэглэгчийн өмнөөс бараа бүтээгдэхүүн сонгож, төлбөрийг нь хийх боломжтой “ChatGPT Wallet” үйлчилгээг танилцууллаа.

“OpenAI” компани баасан гарагт хиймэл оюуны ChatGPT загварын “dots” нэртэй туслахуудад хэрэглэгчийн өмнөөс бараа бүтээгдэхүүн сонгож, худалдан авалт хийх боломж олгох зорилготой “ChatGPT Wallet” үйлчилгээг танилцуулжээ.
Шинэ үйлчилгээний тусламжтайгаар ChatGPT-ийн хиймэл оюуны “dot” туслах хэрэглэгчийн хүссэн бараа, бүтээгдэхүүнийг хайж, сонгоход туслахаас гадна захиалга хийх үйл явцыг гүйцэтгэх боломжтой болж байна.
Хэрэглэгчид шинэ үйлчилгээг ашиглахын тулд хэрэглэгч “Visa”, “Mastercard” эсвэл “American Express” картаа нэг удаа бүртгүүлэх шаардлагатай аж. Харин төлбөр хийхээс өмнө сонгосон бүтээгдэхүүн, нийт үнийн дүнгээ шалгаж, нүүр царай эсвэл хурууны хээгээрээ худалдан авалтыг баталгаажуулна.
Мөн төлбөр хийх үед хэрэглэгчийн картын дугаар болон бусад нууц мэдээлэл хиймэл оюуны туслах, худалдаа эрхлэгчид дамжихгүй бөгөөд зөвхөн барааг хүргэхэд шаардлагатай хаяг, холбоо барих мэдээллийг автоматаар илгээхээр хөгжүүлжээ.
Цаашид хэрэглэгч хиймэл оюуны туслахдаа хэдий хэмжээний мөнгө зарцуулах, ямар төрлийн бүтээгдэхүүн худалдан авахыг урьдчилан зааж өгөх боломжтой болох юм. Ингэснээр хиймэл оюун хэрэглэгчийн тогтоосон нөхцөлийн дагуу худалдан авалтыг илүү бие даан гүйцэтгэх боломж бүрдэх аж.
“OpenAI” шинэ үйлчилгээг эхний ээлжид цөөн хэрэглэгчид туршиж, цаашид илүү олон онлайн дэлгүүрт ашиглах боломжтой болгохоор төлөвлөжээ.
Шинэ мэдээг цахим шуудангаар авах бол бүртгүүлнэ үү.
Холбоотой мэдээ





