Женсен Хуангийг “Nvidia”-ийн гүйцэтгэх захирлаар эргүүлэн томилохыг 160,000 гаруй хүн дэмжжээ
“Nvidia”-ийн үүсгэн байгуулагч Женсен Хуангийг гүйцэтгэх захирлаар эргүүлэн томилохыг шаардсан цахим өргөдөл 160,000 гаруй хүний дэмжлэг авчээ.

Хиймэл оюуны чип үйлдвэрлэгч “Nvidia” компанийн үүсгэн байгуулагч Женсен Хуангийг гүйцэтгэх захирлын албан тушаалд эргүүлэн томилохыг шаардсан “Stand with Jensen” цахим кампанит ажил 160,000 гаруй хүний дэмжлэг авчээ.
Хуанг хувийн харилцаатай холбоотой дуулиан, тэр дундаа Хятадын тагнуулын байгууллагатай холбоотой байж болзошгүй эмэгтэйтэй гэр бүлээс гадуурх харилцаатай байсан гэх мэдээлэл гарсны дараа өнгөрсөн долоо хоногт албан тушаалаасаа огцорсон юм.
Түүнийг эргүүлэн томилох санаачилгыг “Tesla”-ийн гүйцэтгэх захирал Илон Маск олон нийтэд дэмжсэн бол “Epic Games”-ийн Тим Суини, “Y Combinator”-ийн Гарри Тан нарын нэр кампанит ажлын дэмжигчдийн жагсаалтад багтжээ. Гэхдээ уг жагсаалтад орсон хүмүүсийн мэдээллийг бие даан баталгаажуулаагүй байна.
Мөн “Altimeter Capital”, “Atreides Management”-ийн удирдлагууд “Nvidia”-ийн ТУЗ-д хандан Хуангийг эргүүлэн томилох боломжийг нээлттэй үлдээхийг уриалжээ. “Financial Times”-ийн мэдээлснээр Хуанг албан тушаалдаа эргэн ирэх боломжийн талаар ойрын хүрээний хүмүүстэйгээ ярилцсан байна.
Гэвч компанийн ТУЗ түүний огцролттой холбоотой асуудлыг хараат бусаар шалгаж байгаа бөгөөд АНУ-ын хууль тогтоогчид үндэсний аюулгүй байдалд учирч болзошгүй эрсдэлийг шалгахаар бэлтгэж байна.
Одоогоор “Nvidia”-ийн санхүүгийн захирал Коллетт Кресс гүйцэтгэх захирлын үүргийг түр орлон гүйцэтгэж байгаа бөгөөд компани 11 дүгээр сарын 17-нд улирлын санхүүгийн тайлангаа танилцуулна.
Шинэ мэдээг цахим шуудангаар авах бол бүртгүүлнэ үү.
Холбоотой мэдээ





