ТӨВ АЗИЙН БҮСИЙН ЭДИЙН ЗАСГИЙН... | Соёл, спорт, аялал жуулчлал, залуучуудын яам

Төв Азийн бүсийн эдийн засгийн хамтын ажиллагаа (CAREC)-ийн Аялал жуулчлалын ажлын хэсгийн (TWG) хуралдаан Узбекистан улсын Ташкент хотод 2026 оны 09 дүгээр сарын 09-10-ны өдрүүдэд зохион байгуулагдаж байна.

Тус уулзалтаар Узбекистан, Туркменистан, Тажикистан, Пакистан, Монгол, Киргиз, Казахстан, Гүрж, Хятад, Азербайжан зэрэг гишүүн орнууд өөрсдийн аялал жуулчлалын салбарын тэргүүлэх чиглэл, гол хүндрэл бэрхшээл, тулгамдаж буй асуудлуудаа танилцуулж, аялал жуулчлалын боломжит төслийн санааг тодорхойлон, CAREC-ийн бүс нутгийн аялал жуулчлалыг хөгжүүлэх тухай Харилцан ойлголцлын санамж бичигт гарын үсэг зурснаас хойших ахиц дэвшил болон дараагийн алхмуудыг хэлэлцэж байна.

Энэ жилийн арга хэмжээний онцлог нь "Торгоны зам" (Visit Silk Road) цахим порталыг шинэчлэн сайжруулах, хиймэл оюун ухаанд суурилсан аяллын хэрэгслүүдийг нэвтрүүлэх, мөн Тогтвортой аялал жуулчлалын дэлхийн зөвлөл (GSTC)-ийн стандартыг бүс нутагт нэвтрүүлэх асуудлыг онцлон хэлэлцэж байгаа явдал юм.

Уулзалтад CAREC-ийн гишүүн орнуудын Аялал жуулчлалын ажлын хэсгийн томилогдсон төлөөлөгчид, Азийн хөгжлийн банк (АХБ)-ны мэргэжилтнүүд болон манай улсаас Соёл, спорт, аялал жуулчлал, залуучуудын яамны Аялал жуулчлалын бодлого зохицуулалтын газрын төлөөлөл оролцож байна.

Оролцогчид бүс нутгийн аялал жуулчлалын салбарын өрсөлдөх чадварыг дээшлүүлэх, хил дамнасан аялал жуулчлалын маршрутыг хөгжүүлэх болон 2026–2027 онуудад хэрэгжүүлэх хамтын ажиллагааны төлөвлөгөөг хэлэлцэж байна.

Төв Азийн бүсийн эдийн засгийн хамтын ажиллагаа (CAREC)-ийн Аялал жуулчлалын ажлын хэсгийн (TWG) хуралдаан Узбекистан улсын Ташкент хотод 2026 оны 09 дүгээр сарын 09-10-ны өдрүүдэд зохион байгуулагдаж байна.

Тус уулзалтаар Узбекистан, Туркменистан, Тажикистан, Пакистан, Монгол, Киргиз, Казахстан, Гүрж, Хятад, Азербайжан зэрэг гишүүн орнууд өөрсдийн аялал жуулчлалын салбарын тэргүүлэх чиглэл, гол хүндрэл бэрхшээл, тулгамдаж буй асуудлуудаа танилцуулж, аялал жуулчлалын боломжит төслийн санааг тодорхойлон, CAREC-ийн бүс нутгийн аялал жуулчлалыг хөгжүүлэх тухай Харилцан ойлголцлын санамж бичигт гарын үсэг зурснаас хойших ахиц дэвшил болон дараагийн алхмуудыг хэлэлцэж байна.

Энэ жилийн арга хэмжээний онцлог нь "Торгоны зам" (Visit Silk Road) цахим порталыг шинэчлэн сайжруулах, хиймэл оюун ухаанд суурилсан аяллын хэрэгслүүдийг нэвтрүүлэх, мөн Тогтвортой аялал жуулчлалын дэлхийн зөвлөл (GSTC)-ийн стандартыг бүс нутагт нэвтрүүлэх асуудлыг онцлон хэлэлцэж байгаа явдал юм.

Уулзалтад CAREC-ийн гишүүн орнуудын Аялал жуулчлалын ажлын хэсгийн томилогдсон төлөөлөгчид, Азийн хөгжлийн банк (АХБ)-ны мэргэжилтнүүд болон манай улсаас Соёл, спорт, аялал жуулчлал, залуучуудын яамны Аялал жуулчлалын бодлого зохицуулалтын газрын төлөөлөл оролцож байна.

Оролцогчид бүс нутгийн аялал жуулчлалын салбарын өрсөлдөх чадварыг дээшлүүлэх, хил дамнасан аялал жуулчлалын маршрутыг хөгжүүлэх болон 2026–2027 онуудад хэрэгжүүлэх хамтын ажиллагааны төлөвлөгөөг хэлэлцэж байна.