"Wine Expo 2026 - Only selected labels" арга хэмжээ аравдугаар сарын 16-ны өдөр "Түмэн эх өргөө"-нд болох гэж байна

Дэлхийн дарсны салбарт хэрэглэгчид их хэмжээгээр хэрэглэхээс илүүтэй өндөр чанартай бүтээгдэхүүнийг сонгож, “дээд зэрэглэл рүү шилжих” хандлага давамгайлж байна. Дэлхийн дарсны зах зээлийн хэмжээ энэ оны байдлаар 580 гаруй тэрбум ам.доллароор хэмжигдэж буй бөгөөд үүнээс дээд зэрэглэлийн дарсны сегмент жилд дунджаар 5.3 орчим хувийн тогтвортой өсөлт үзүүлж байна. Энэхүү зах зээлийн өсөлт болон хэрэглээний шинэ хандлагад салбарын шинжээчид болон мэргэжилтнүүдийн үнэлгээ чухал байр суурь эзэлдэг ажээ. Тухайлбал, дарсны салбарт олон жил ажилласан туршлагатай мэргэжилтэн, “World Wine”-ийн үүсгэн байгуулагч, ерөнхий захирал Ц.Түвшинбаяр Германы Дрезден хотноо суралцах хугацаандаа цагаан дарстай анх танилцаж, Рислинг болон бусад сортыг гүнзгий сонирхож эхэлжээ. Түүний хувьд Францын Бургунд бүс нутгийн Шабли болон Германы Рислинг зэрэг цагаан дарснууд хамгийн эрхэм сонголт нь болдог аж.

Үйлдвэрлэлийн онцлог ба дээд зэрэглэлийн брэндүүд Дарсны чанарыг тодорхойлогч гурван үндсэн хүчин зүйлд байгаль цаг уур, усан үзмийн сорт болон боловсруулах арга зүй багтдаг. Түүнчлэн дээд зэрэглэлийн дарс үйлдвэрлэхэд усан үзмийг гар аргаар түүж, хамгийн шилдэг үрийг тусгайлан сонгон авдаг аж. Мөн дарсны амтыг бүрэн нээхэд “Riedel” зэрэг мэргэжлийн хундага болон царс модон торхны нөлөө асар их байдгийг онцлов. Ц.Түвшинбаярын хэлснээр, Францын Бордо, Бургунд, мөн Итали, Чили зэрэг бүс нутгийн дээд зэрэглэлийн дарснууд 25-аас 100 жил хүртэл насжих чадвартай. Тухайлбал: • Померол (Pomerol) бүс: “Petrus” • Шампань (Champagne) бүс: “Billecart-Salmon” • Коньяк (Cognac) бүс: “Lheraud” (Paradise зоорь) зэрэг дэлхийд алдартай брэндүүд олон арван жилийн насжилтаараа алдартай. Түүнчлэн “Château Margaux” болон “Château Lafite Rothschild” зэрэг брэндүүд насжилтыг уртасгах зорилгоор зарим бүтээгдэхүүнээ 15 литрийн том савалгаатайгаар үйлдвэрлэдэг байна.

Коньяк үйлдвэрлэл ба дотоодын зах зээлийн төлөв Францын уламжлалт коньякийг цагаан усан үзмийн сортоор хийж, хоёр удаа нэрсний дараа царс модон торхонд даран насжуулдаг. Насжилтаас нь хамаарч: • VS: 2-4жил • VSOP: 4–6 жил • XO: 6–10-аас дээш жил гэж ангилдаг байна. Торхонд дарж байх хугацаанд жил бүр эзлэхүүний 5 орчим хувь нь ууршдаг бөгөөд үүнийг Францчууд “сахиусан тэнгэрийн хувь” хэмээн нэрлэдэг. Дэлхийн зах зээлд өндөр үнэлэгддэг дарс болон спиртийн төрлийн бүтээгдэхүүний соёл Монголын зах зээлд ч идэвхжиж буй. Мөн “World Wine”-ийн зүгээс цаашид ч Монголын дарсны зах зээлийг хөгжүүлж, хэрэглэгчдэд дарсны соёлын мэдлэг олгох сургалтуудыг үргэлжлүүлэн явуулахаар төлөвлөжээ. Энэ хүрээнд Worldwine компани хоёр жил тутамд “Worldwine Expo” болон “Riedel” брэндийн хундаганы мастер класс зэргийг зохион байгуулж, олон улсын шинэ сортуудыг дотоодын хэрэглэгчдэд танилцуулахаар ажиллаж байгаа юм.