«Аймгуудын өрсөлдөх чадвар 2026»: Дархан-Уул тэргүүлж, Булган аймаг сүүлд жагслаа
Эдийн засгийн бодлого, өрсөлдөх чадварын судалгааны төвийн 2026 оны тайлангаар Дархан-Уул 100 оноогоор тэргүүлж, Булган 34.0 оноогоор сүүлд жагсав. 21 аймгийн дундаж оноо 5.2-оор буурчээ.

Эдийн засгийн бодлого, өрсөлдөх чадварын судалгааны төв «Аймгуудын өрсөлдөх чадвар 2026» тайлангаа танилцууллаа. Sonin.mn-ий мэдээлснээр энэ жилийн ерөнхий үнэлгээгээр Дархан-Уул аймаг тэргүүлж, Булган аймаг хамгийн сүүлд эрэмбэлэгджээ.
Тэргүүлэгч ба сүүлийн тавдугаар
Тайлангаар Дархан-Уул аймаг 100 оноогоор тэргүүлж, Дорноговь 96.2, Орхон 92.3, Өмнөговь 79.8, Дорнод 76.5 оноогоор удаалжээ. Харин Булган 34.0, Говь-Алтай 39.4, Завхан 40.6, Төв 42.7, Дундговь 43.9 оноогоор хамгийн сүүлийн байруудад жагсав.
Судалгаанд хамгийн өндөр оноо авсан аймгийг 100 оноотой гэж үзэж, бусад аймгийн үр дүнг түүнтэй харьцуулан тооцдог. Тиймээс оноо нь аймгуудын хөгжлийн үнэмлэхүй түвшинг бус, хоорондын харьцангуй өрсөлдөх чадварыг харуулдаг аж.
Дундаж оноо буурав
Төвийн тэргүүлэх судлаач Б.Мөнгөнжигүүрийн хэлснээр 21 аймгийн ерөнхий дундаж оноо 5.2-оор буурч, судалгааны дөрвөн үндсэн бүлэг тус бүрийн оноо доошилжээ. Тухайлбал, эдийн засгийн тамир тэнхээ бүлгийн дундаж оноо 11.4, бизнесийн үр ашиг 10.1, дэд бүтэц 8, засаглалын үр ашиг 6.9 оноогоор буурсан байна. Гэхдээ оноо буурсныг тухайн аймгийн хөгжил бүхэлдээ ухарсан гэж шууд дүгнэх боломжгүй гэдгийг судлаачид онцолжээ. TenGer TV-ийн мэдээлснээр Төв, Хэнтий аймгууд байр ухарчээ.
Төвийн гүйцэтгэх захирал, эдийн засгийн ухааны доктор Ч.Отгочулуу «Энэ жилийн үр дүнгийн гол онцлог нь тэргүүлж явсан аймгуудын байр эрэмбэ тогтвортой хадгалагдсан бол сүүл мушгиж явсан аймгууд оноогоо нэлээд сайжруулсан явдал юм. Харин дундаж үзүүлэлттэй аймгуудын олонх нь оноогоо бууруулж, байр эрэмбээрээ ухарсан» гэжээ.
Аргачлал
Судалгааг 2012 оноос хойш жил бүр хийж ирсэн бөгөөд энэ удаагийнх нь 15 дахь тайлан юм. Аймгуудыг эдийн засгийн тамир тэнхээ, засаглалын үр ашиг, бизнесийн үр ашиг, дэд бүтэц гэсэн дөрвөн бүлэг, 16 дэд бүлэг, нийт 146 шалгуур үзүүлэлтээр үнэлдэг. Статистик мэдээллээс гадна тухайн аймагт үйл ажиллагаа явуулж буй бизнес эрхлэгчдээс санал асуулга авч, үр дүнг эрэмбэлэлтэд харгалзан үздэг. 2024, 2025 онд зөвхөн статистик мэдээлэл ашигласан бол 2026 онд санал асуулгыг дахин багтаасан тул энэ жилийн үр дүнг 2023 оны судалгаатай харьцуулах нь илүү оновчтой гэж Ч.Отгочулуу тайлбарлав.
Судалгааны төвийнхний хэлснээр УИХ-аас баталсан 2030 он хүртэлх хөгжлийн үндсэн чиглэлд Монгол Улсын өрсөлдөх чадварыг дэлхийн эхний 50 орны тоонд оруулах зорилт тусгагдсан бөгөөд үүний тулд аймгуудын дундаж оноог жил бүр нэмэгдүүлэх бодлого хэрэгжүүлж байгаа юм.
X дээрх хариу үйлдэл
Тайлан X сүлжээнд хуваалцагдаж, хэрэглэгчид сүүл мушгисан аймгуудын хөгжлийн боломж, орон нутгийн удирдлагын хариуцлагын тухай ярилцав.
Өрсөлдөх чадварын судалгаа: Дархан-Уул тэргүүлж, Булган аймаг сүүл мушгив sonin.mn/newsDetail/200…
X дээр үзэхАймгуудын өрсөлдөх чадварыг Булган, Говь-Алтай, Завхан аймаг сүүл мушгиж байна‼️‼️
2 хариултыг X дээр уншихШинэ мэдээг цахим шуудангаар авах бол бүртгүүлнэ үү.
Холбоотой мэдээ





