ОУЭХА: Нүүрсний дэлхийн эрэлт энэ онд 1.2 хувиар өснө
Олон улсын эрчим хүчний агентлаг нүүрсний дэлхийн эрэлтийн энэ оны төлөвөө өсөлттэй болгон шинэчилжээ. Нүүрсний хэрэглээ 8.94 тэрбум тоннд хүрнэ гэж тооцсон байна. Ормузын хоолойгоор шингэрүүлсэн байгалийн хийн нийлүүлэлт хумигдаж, ханш өссөн нь зарим зах зээлд нүүрсний өрсөлдөх чадварыг нэмэгдүүлэв.
Олон улсын эрчим хүчний агентлаг дэлхийн нүүрсний эрэлтийн талаарх өмнөх таамгаа шинэчилж, энэ онд хэрэглээ өснө гэж тооцжээ. Ойрх Дорнодын хурцадмал байдал болон Ормузын хоолойн газрын тосны нийлүүлэлтийн доголдлоос шалтгаалан байгалийн хийн ханш өссөн нь нүүрсийг зарим зах зээлд дахин өрсөлдөх чадвартай болгож байна.
Агентлагийн тооцоогоор дэлхийн нүүрсний хэрэглээ 2026 онд 1.2 хувиар нэмэгдэж, 8.94 тэрбум тоннд хүрэх төлөвтэй. Байгалийн хий ашигладаг ч нүүрсэнд суурилсан нөөц хүчин чадалтай Европ, Япон, БНСУ, БНХАУ зэрэг улсын зах зээлд нүүрсний хэрэглээ нэмэгдсэнийг тайланд онцолжээ.
Учир нь нүүрсийг Ормузын хоолойгоор тээвэрлэдэггүй. Гэхдээ тус хоолойгоор шингэрүүлсэн байгалийн хийн урсгал хумигдсанаар энэ төрлийн бүтээгдэхүүний хийн ханш өсч, цахилгаан үйлдвэрлэгчдийн хувьд нүүрсийг түлшний орлуулах эх үүсвэр болгон ашиглах эдийн засгийн үндэслэл нэмэгдсэн байна.
Эрчим хүчний нийлүүлэлтийн найдвартай байдалд тавих шаардлага нэмэгдэж буй энэ үед зарим улс зардал өндөр байсан ч нүүрсэнд суурилсан хүчин чадлаа дахин ашиглах боломжтой гэж агентлаг үзжээ.
Цаг уурын нөхцөл нүүрсний эрэлтийг нэмэгдүүлж болзошгүй
2026 онд хүчтэй Эль Ниньо үүсвэл хөргөлтийн зориулалттай цахилгааны хэрэглээ нэмэгдэхийн зэрэгцээ усан цахилгаан станцуудын үйлдвэрлэл буурах эрсдэлтэй гэж тус агентлаг тооцсон байна. Цахилгааны эрэлт өсч, усан цахилгаан станцын нийлүүлэлт зэрэг сулрах тохиолдолд нүүрс болон бусад дулааны эх үүсвэрийн ачаалал нэмэгдэх магадлалтай.
Тиймээс нүүрсний эрэлтийн өсөлт нь зөвхөн Ойрх Дорнодын нөхцөл байдлаас бус, цаг уур болон эрчим хүчний зах зээлийн нийлүүлэлтийн эрсдэл давхцах эсэхээс мөн шалтгаална.
Харин өнөөгийн өсөлт тогтвортой үргэлжлэх эсэх нь шингэрүүлсэн байгалийн хийн нийлүүлэлт хэр хурдан хэвийн болохоос ихээхэн хамаарахаар байна. Хэрэв геополитикийн хурцадмал байдал намжиж, байгалийн хийн тээвэр сэргэвэл нүүрсний дэлхийн эрэлт 2027 онд 0.4 хувиар буурч, 8.91 тэрбум тонн болно гэж Олон улсын эрчим хүчний агентлаг тооцжээ.
Азийн орнуудад өсөлт давамгайлна
Улс орнуудын төлөв харилцан адилгүй бөгөөд тус агентлагийн тооцоогоор нүүрсний эрэлт энэ онд БНХАУ-д 1 хувь, Энэтхэгт 4.2, Өмнөд Солонгост 6 хувиар өсөх төлөвтэй. Харин Японд 1 хувь, АНУ-д 7 хувиар буурах хүлээлттэй байна.
Нүүрсний хэрэглээ өсөх төлөвтэй зэрэгцэн дэлхийн нүүрсний олборлолт энэ онд буурах хүлээлттэй байгаа нь нийлүүлэлтийг чангаруулж болзошгүй. Тухайлбал, Хятадад томоохон уурхайн ослын дараа аюулгүй ажиллагааны шалгалт эрчимжсэнээр олборлолт буурна гэж агентлаг үзжээ.
Нүүрсний ханш оны эхний хагаст өсч, зарим үед тонн тутамдаа 150 ам.долларт хүрсэн байна. Нийлүүлэлт хумигдаж, байгалийн хийн ханш өндөр хэвээр байвал нүүрсний ханшийг ойрын хугацаанд дэмжих боломжтой.
Гэхдээ байгалийн хийн нийлүүлэлт хэвийн болж, ханш буурвал нүүрсний өнөөгийн өрсөлдөх давуу тал богино хугацаанд сулрах эрсдэлтэй. Иймээс нүүрсний эрэлтийн энэ оны өсөлтийг урт хугацааны чиг хандлагын өөрчлөлтөөс илүүтэй эрчим хүчний нийлүүлэлтийн эрсдэлд зах зээлээс үзүүлж буй богино хугацааны хариу үйлдэл гэж агентлаг тайлбарлаж байна.
Холбоотой мэдээ
"Чингис хаан" нисэх буудлын агаарын хөлгийн шатахууны хангамж тогтворжлоо
Агаарын хөлгийг ТС-1 болон Jet Fuel No. 3 төрлийн шатахуунаар сумлах үйл ажиллагаа тасралтгүй үргэлжилж байна. Шатахууны хангамж тогтворжсоноор нислэгийн шатахуун цэнэглэлтийн үйл ажиллагаа хэвийн горимд шилжжээ. ОХУ-аас нийлүүлдэг онгоцны түлшний татан авалт тавдугаар сараас тасалдаад байсан ч есдүгээр сараас сэргээж, дотоодын хэрэгцээг хангах чиглэлээр ажиллахаар тохиролцсон байна.
Нийслэлд есдүгээр сарын 15-наас шахмал түлш борлуулж эхэлнэ
Долоон дүүрэгт 500 борлуулалтын цэг ажиллахаас 446 нь байнгын, 54 нь нөөц цэг байхаар төлөвлөжээ. Нэг шуудай буюу 25 килограмм шахмал түлшийг 3,750 төгрөгөөр худалдаална. Энэ өвөл айл өрхүүдэд 380 мянга гаруй тонн түлш нийлүүлэхээр байна.
Саудын Арабын Эрчим хүчний яам: Олон удаагийн халдлагын дараа Зүүн-Баруун дамжуулах хоолойг урьдчилан сэргийлэхээр хаалаа
Саудын Араб Зүүн-Баруун түүхий тос дамжуулах хоолойгоо урьдчилан сэргийлэх зорилгоор хааж, экспортын урсгалын эрсдэлийг өсгөлөө Саудын Арабын Эрчим хүчний яамны мэдээлснээр пүрэв гаргийн өглөө Рияд, Мадина бүсэд хоолойг онилсон халдлага гарч, хэд хэдэн хүн гэмтжээ Аюулгүй байдлын үнэлгээ дуусах хүртэл нийлүүлэлтийн өөрчлөлтүүд үргэлжилж, бүс нутгийн тосны үнийн савлагаа нэмэгдэх төлөвтэй
Алслагдсан бүсүүдэд шатахуун саатжээ
Гэсэн ч Улаанбаатар болон ихэнх орон нутагт нийлүүлэлт хэвийн үргэлжилж байна. Есдүгээр сарын эхний 10 хоногт 24 мянган тонн автобензин импортолсон бөгөөд есдүгээр сарын 11-ний байдлаар 2,460 тонн АИ-92 бензинийг агуулахад хүлээн авчээ. Шуурхай штаб буулгалт, агуулахын хүлээн авалт болон хүргэлтийн уялдааг сайжруулахад анхаарахаа илэрхийлжээ.
Ойрх Дорнодын хурцадмал байдал, Хормузын хоолойн саатлаас шалтгаалан дэлхийн нүүрсний эрэлт ахина
Ойрх Дорнодын мөргөлдөөн, Хормузын хоолойн саатал хий дамжуулалтыг хумиж, нүүрсний эрэлт сэргэнэ. Олон улсын эрчим хүчний агентлаг 2026 онд дэлхийн нүүрсний хэрэглээ 1.2 хувь өсөж 8.94 тэрбум тонн болно гэж тооцов. Хийн үнэ өндөр хэвээр байх тусам нүүрс нөөц түлшний байр сууриа хадгалж, үнэ ба худалдааг дэмжинэ.
БНХАУ-ын газрын тосны нөөц дэлхийн зах зээл дээр ханшийн өсөлтийг хязгаарлаж байна
Ираны дайны эхэн үед зарим шинжээч газрын тосны ханш 150-200 ам.долларт хүрч болзошгүй гэж тооцоолж байжээ. Дайн эхэлснээс хойш БНХАУ газрын тос худалдан авахаа бууруулж, тодорхой хэмжээгээр стратегийн нөөцөөсөө хэрэглэсэн байна. Хятадын газрын тосны импорт долоодугаар сард өмнөх оны мөн үеэс 22, наймдугаар сард 6.2 хувиар өсчээ.