Шатахууны хомсдол намжсан уу: Нийслэлийн 66 ШТС-д нөөц хүрэлцэхгүй хэвээр байна
Аж үйлдвэр, эрдэс баялгийн дэд сайд Б.Мөнхтамирын мэдээлснээр, ОХУ-аас импортолж буй энгийн АИ-92 шатахууны нийлүүлэлтийн үнэ буурсан байна.

ОХУ-аас импортолж буй энгийн АИ-92 буюу К2 ангиллын шатахууны нийлүүлэлтийн үнэ буурсантай холбоотойгоор Монголын жижиглэнгийн зах зээлд литр тутмын үнэ 150 төгрөгөөр буурах төлөвтэй байгааг Аж үйлдвэр, эрдэс баялгийн дэд сайд Б.Мөнхтамир мэдээллээ.
Түүний тайлбарласнаар, арваннэгдүгээр сарын импортын захиалгаар орж ирж буй АИ-92 шатахууны үнэ буурсан тул арваннэгдүгээр сарын 19-ний 00:00 цагаас жижиглэнгийн үнийг литр тутамд 150 төгрөгөөр бууруулах боломж бүрджээ.
Гэхдээ үнийн өөрчлөлт бүх шатахуун түгээх станцад зэрэг хэрэгжих эсэх, жижиглэнгийн үнэ хэдэн төгрөг болохыг тодорхой мэдээлээгүй байна.
Нийслэлийн ШТС-уудын 75.6 хувь нь хэвийн ажиллаж байна
Дэд сайдын мэдээлснээр, Улаанбаатар хотод нийт 270 Шатахуун түгээх станц үйл ажиллагаа явуулдгаас 204 нь хэвийн ажиллаж байна.
Үлдсэн 66 станцад нь зарим төрлийн шатахууны нөөц хангалтгүй, эсюэл дуусаад байгаа аж.
ОХУ-аас авах шатахууны захиалга нэмэгджээ ОХУ-аас нийлүүлэх шатахууны захиалгын хэмжээг нэмэгдүүлсэнтэй холбоотойгоор арваннэгдүгээр сарын нийлүүлэлт хэвийн үргэлжилж байгаа ч геополитикийн нөхцөл байдлаас үүдэн цаашид шатахууны үнэ өсөх, нийлүүлэлт доголдох эрсдэлийг урьдчилан тодорхойлох боломжгүйг дэд сайд онцолжээ.
Шинэ мэдээг цахим шуудангаар авах бол бүртгүүлнэ үү.
Холбоотой мэдээ





